文章

【食譜分享】飯後甜品 x 茶點。簡易氣炸沙翁

圖片
今次分享一個好簡易嘅食譜,當茶點或飯後甜品亦得。 就係沙翁啦,而灑喺面嘅砂糖或糖粉,亦可以自己控制落幾多。 材料 : 高筋麵粉  100 克 無鹽牛油  70 克 雞蛋  3 隻 水  150 毫升 做法 : 1.  雞蛋打發備用。 2. 無鹽牛油及水放入鍋開火煮溶,熄火。 3. 將高筋麵粉倒入 (2) ,拌勻至無粉粒。 4. 將雞蛋分 3 次倒入 (3) ,拌勻。   5.Pansonics Healthy Fry mode 預熱。 6. 用匙將 (4) 分成 6 個球,放入焗盆,焗 10 分鐘取出反轉再焗 9 分鐘。   7. 灑上適量砂糖或糖粉,即成!   ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/

【食譜分享】小饅頭 x 小茶點 | 炸饅頭 (12m+食譜)

圖片
最近因為疫情嚴重,又再度停課了!! 減少外出,盡量留在家中。 小朋友除咗上網課之外,待在家中嘅父母就變得好忙。 不過,再忙我都好想做自己鍾意嘅嘢。 鍾意整嘢食嘅我,鍾意食嘢嘅和牛b同妹妹。 ^ 是日茶點「炸 饅頭」 所以,經歷多次石頭包、失敗的我。 我再次研究,如何成功自家製饅頭!! 其實整饅頭、麵包都好,最緊要就係麵團打得好 (有薄膜)、發酵至少發2次!! 說話不多,馬上分享饅頭食譜給大家~ **食譜適合12m以上幼兒,不過幼兒就唔好食炸饅頭,食住原味先啦~ 材料 : 1.  中筋麵粉  250g (如果冇的話高筋粉同低筋粉以1:1比例混合亦可以) 2.  砂糖  20g 3.  酵母  3g 4.  油  8g 5.  鮮奶  135ml 做法 : 1.  將( 1)-(4) 全部倒入廚師機,分數次加入鮮奶。 2.  用最低速打 5 分鐘,再用速度 2 打 5 分鐘,檢查麵團是否唔黏,能拉薄膜。如果仲黏,且未能拉薄膜,需再用廚師機打麵團。 3.  麵團打好後,放室溫發酵, 30 分鐘。 ( 如天氣凍,我係放入 Panasonics  蒸焗爐用發酵功能 ) ^ 已發酵一次的麵團 4.  將麵團切成你想要的件數,搓好饅頭,再次發酵 30 分鐘。 ^ 搓好形狀,待第2次發酵的麵團 ^ 已完成第2次發酵 5.  我用 Panasonics 蒸焗爐,以 High Steam  功能蒸 25 分鐘。 如果氣炸的話,先取出饅頭。 再選 Panasonics 蒸焗爐 嘅 Health Fry 功能,預熱後放入去炸 5-7 分鐘,或氣炸鍋炸,就完成! ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mal...

【和牛B個妹。Login成長日記】訓練BB獨立自己進食

圖片
2016年嘅時候,我曾經分享過我對和牛B嘅食飯守則。 和牛B喺婆婆家被婆婆照顧嘅時間,係傳統餵飯。 當假日我照顧嘅時候係進行BLW,所以妹妹當然都唔例外,亦以同樣嘅食飯模式。 當年和牛B係非常成功,佢歲半已經可以自己進食,唔需要我操心。 而且食完飯,佢都會乖乖坐喺位。 至於妹妹,妹妹食飯嘅時候係超專心。 但食完飯之後,就一定要離開座位去玩。 因為妹妹比較好動,好奇心超滿!! 但加固初期,妹妹就唔太鍾意食固體食物... 而且仲會經常流返晒啲粥仔出嚟~ 到妹妹開始明白到加固係咩一回事,佢就愛上了。 而我照顧嘅時候就採用BLW,讓佢感受用自己一雙手去拎食物放入口。 都係一種手、眼協調嘅訓練。 自己放到入手食,都係一個好好嘅食的體驗。 ^ BLW嘅小BB, 父母要有強大嘅心臟!! (正在食紅肉火龍果) 當然啦,從BLW去到自己拎餐具進食。 過程都好難捱,因為BB未掌握到,通常都會整到周圍、一地都係食物。 照顧者、父母們必需俾耐性,接受佢哋食到污糟邋遢!! BB們只要經過多次經驗、練習,就會掌握如何使用餐具。 作為父母、照顧者們必需學會放手,小朋友先可以長大、獨立進食。 ^ BB與大人同台食飯 我家妹妹從歲半開始,就已經係自己食飯。 佢亦唔需要我餵佢食飯仔,佢鍾意自己嚟。 如果我強行想餵佢食一啖飯,佢係會扭計發脾氣。 而每一次佢都會好專心食,仲要食到冇晒為止。 同時間,由BB加固時期,家長就要同BB培養食飯規矩。 BB與大人同台食飯 食飯時候,飯台係唔可以有玩具 (要培養佢哋食飯係要專心) 一定要坐好先可以食飯 食飯途中離開座位,就會收餐 **加固注意示項** 其實唔需要心急,加固因應BB成長情況而定。 和牛B同妹妹加固,我都係跟健康院指引。 等佢哋能夠自己坐立,坐穩先開始慢慢加固。 每樣食物,試一個星期,冇敏感再轉/ 添加食物款式。 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/

【室內放電】Kids Kids Car - 小朋友享受駕駛樂趣 x 充氣彈床 x 迷你廚房 x 仿真超市

圖片
最近Kids Kids Car 嚟咗荃 灣嘅荃 新天地開分店!!  新店除咗可以玩電動車之外,仲有充氣彈床、玩具廚房以及仿真超市!! 新店入面設3個區: 迷你私家車、越野車歷險旅程、小小樂園區 **必影打卡位** 迷你私家車 多款電動車選擇~ 最後和牛B都係揀咗BMW車~ 呢個轉彎位,超考小朋友駕駛技術呀~~ 越野車歷險旅程 一人一架車,因為妹妹年紀仲細未識控制,都唔洗怕呀。 職員可以提供遙控器,咁我哋就可以控制妹妹部車啦~~ 牆紙貼上卡通森林園野牆貼,好似去咗森林探險咁。 ^ 超專心駕車嘅和牛b~ 小小樂園區 小小樂園區一次過有幾樣嘢玩,當中包括充氣彈床、小火車、仿真超市及廚房。 兩姊妹一入到嚟,二話不說直衝上充氣彈床,今次係妹妹第一次接觸充氣彈床。 但估唔到妹妹非常鍾意玩,一啲都唔驚,仲超級開心添呀!! (大家要記得穿上襪子先可以玩彈床哦) 仿真超市+廚房玩具,絕對係小朋友最愛嘅角色扮演遊戲。 揀好食材,就可以去廁房準備美食啦~ 玩遊戲需要接待處購票,可以散買,亦設有套票價錢。 另外,新店仲可以以Package價錢,同小朋友搞生日會。 $5,000  (包party 房間 1間 2 小時 10張玩車票,小小樂園區任玩) 妹妹就嚟2歲生日,等我都計劃一下點樣慶祝先~ 【Kids Kids Car @ 荃灣】 地址: 荃灣楊屋道 1 號荃新天地一期 1 樓119 號舖 營業時間: 星期一至五12:00-19:30 星期六,日及公衆假期11:00-20:30 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/