文章

【限定好去處】冷織小型遊樂場 x 聖誕限定 x 滑梯 | 織愛送暖

圖片
最近同和牛B嚟咗一個聖誕限定嘅放電去處,位於尖沙咀海運大廈入面以大型編織造型嘅擺展裝飾及小型遊樂場。 ^ 大大個編織出嚟嘅薑餅人 最特別之處係,玩樂之餘仲可以做善事幫助有需要人士。 遊樂場唔算大,入面設有2條滑梯。 場內設有編織造型嘅七彩聖誕樹、雪鹿等造型可以影相。 ^ 兩條波浪形嘅滑梯 ^ 每次可由一位家長陪同進入 ^ 以七彩繽紛嘅冷織打造嘅聖誕樹 只需要捐$40予「香港血癌基金」,就可以進入遊樂區玩樂。 適合3-12歲小童進入玩樂 每節時間: 限時15分鐘 除咗遊樂場外,商場內仲有唔少編織出嚟嘅可愛公仔。 ^ 火車頭造型,後面每卡都有唔同嘅編織公仔。 全部都同聖誕主題有關,小雪人、聖誕樹等。 【織愛送暖。遊樂場@尖沙咀】 活動日期:即日起至2020年1月1日 活動時間:11am. - 7pm. 活動地點:尖沙咀海運大廈地下中庭 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

【限定好去處】Hello Kitty x Müllerchen蘋果森林聖誕相遇之旅 | 屯門市廣場

圖片
今個聖誕 Hello Kitty 嚟咗 屯門市廣場 呀 ‼️ 今次係 Hello Kitty 仲係首次以德國主題服飾造型登陸香港,仲同德國擁有 120 年歷史嘅 Müllerchen (小木木)嚟個 Crossover!! 主題「 Hello Kitty . Müllerchen 蘋果森林聖誕相遇之旅」入面有 4 大打卡點及 4 大體驗區,一齊睇下有咩影同玩啦! Hello Kitty 蝴蝶結造型露營車車站 大家可以同車長 Müllerchen 自拍,旁邊仲有著住德國傳統服飾造型嘅 Hello Kitty 。 記得於旁邊嘅「旅客指示板」領取地圖,一齊出發到蘋果森林探險呀 ‼️ 入面係一張填色紙,粉絲一定要收藏呀! Hello Kitty 「瞭望台」 企上 Hello Kitty 「瞭望台」可以將 4 米高身穿德國傳統服飾造型嘅 Hello Kitty 及 4.5 米高嘅冒險家造型 Müllerchen 影得清清楚楚㗎 ~~ ^ 必影靚位,小橋可以推門進入,小橋嘅欄杆都有好多好可愛嘅蝴蝶結裝飾。 仲有小朋友最鍾意嘅遊戲「滑梯」,限時玩5分鐘。 ^ 探險滑梯只適合4-8歲小童 (身高90-130cm進入),遊戲時間限時5分鐘。 蘋果森林星光隧道 蘋果森林入面仲有一條浪漫閃爍嘅星光隧道,絕對係打卡靚位呀~~ ^ 星光隧道外仲有 Hello Kitty x Müllerchen嘅聖誕花環裝飾 蝴蝶結聖誕樹 聖誕樹當然唔少得逾 6 米高蝴蝶結聖誕樹,鮮紅亮眼嘅大型蝴蝶結燈飾掛喺巨型聖誕樹上 ,配以不同大小嘅木製蝴蝶結裝飾,真係好靚啊~ 蘋果園野餐區 蘋果纜車前有 Hello Kitty 及 Müllerchen 俾大家影相打卡,仲有蘋果園野餐區內旁嘅特大蝴蝶結鞦韆上照片,配埋閃亮嘅聖誕燈飾蘋果樹,真係好浪漫呀!! 摘蘋果樂園 蘋果樹佈滿超過200個超像真蘋果,影相都係一個唔錯嘅打卡位呀~ 嚟到仲可以參加「摘蘋果挑戰」,只要 登記成為S+ REWARDS會員,即可憑指定點數換領遊戲證成為果園工人,用特製嘅電子道具於場內嘅蘋果樹四出尋找指定蘋果。參加者只要成功獲取指定分數,即有機會贏取精彩禮品,包括主題貼紙、限量年曆卡、木製蘋果形聖誕卡或期間限定店現金券等。 ^「摘蘋果挑戰」中~ ^ 最後我哋只係完成到大概67個蘋果,所以換到貼紙一張~ 巨型雪山冰洞探險 入面以全息投影(...