文章

【二寶孕記】懷孕初期。一胎 VS 二胎大不同。

圖片
幾年後,我又再度懷孕了。 陀和牛B嘅時候同二寶嘅發現時間都好相近,當年都係大概5週左右就發現有咗BB。 陀和牛B嘅時候除咗因為經期遲咗,就係我飲凍嘢、追車個小腹有少少痛,之後我先驗。 二寶就純粹係經期遲,不過自己有預料到生二寶。 所以,好快就驗一驗。 我仲記得以前陀第一胎(和牛B),我成個孕期都超級舒服。 由懷孕初期,已經係好舒服,完全沒有孕吐,步速、胃口同平時一樣。 只係懷孕初期超易攰,其他地方根本同正常人一樣無分別~ 但今胎可能我伴隨住,生病。 7週前我除咗有強烈嘅孕吐感、無胃口 (我直情有啲驚食物)、好驚雞蛋(聽到、望到都好想嘔)、長期覺得疲憊。  ^ 唯有飲滴雞精補充營養吧 7週後,我開始有返胃口,食到嘢。 但夜晚時份,瞓覺就唔多舒服。打平瞓又唔得,打側身瞓又唔得…總之唔識講,總之瞓得唔好啦。 今胎,除咗有老公照顧我,仲有和牛B照顧我。 和牛B超乖,知道要做姐姐,佢開心到不得了。 佢係極之關懷我,就算好想去玩,但知道我攰或者唔舒服。 佢都唔會扭計,會乖乖留喺屋企玩玩具,好讓我可以同BB一齊休息下 。 作為媽媽,我真係好安慰。 4歲嘅和牛B,已經超懂事。 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami    

【觀塘全新!】7000呎 | 10+個主題遊樂 x 商店超市體驗x 商店超市體驗 x公主專區、波波池迷宮

圖片
係咁炎熱嘅天氣入面,觀塘區又有喜訊啦! 就係觀塘區又開多咗一個新嘅室內兒童遊戲室「PlayLab 反斗研究所」。 場地面積超過7,000呎,入面特設超過10個主題遊樂及體驗區,包括主打嘅放電迷宮波波池,入面有多重障礙設計包括繩網陣、獨木橋、互動投影等。 ^ 訓練手、眼、腳協調嘅繩網陣 ^ 互動投影遊戲 適合幼兒嘅滑梯區,滑梯都係利有軟墊製作而成。 粉紅、粉藍配上透明波波,真係好夢幻呢。 迷宮底部亦係小朋友嘅世界 和牛B超鍾意玩呢個水管滑梯,因為透明度好夠,同埋好滑。 駕車小天地,最特別嘅地方就係有個加油站~ 另有商店、超市體驗區,大玩像真度極高嘅蔬果、窩夫雪糕、台式珍奶、水果茶奶蓋、甜甜圈等;仲有專為幼兒而設嘅BabyGym,又好玩又可以訓練大小肌肉。 商店、超市體驗區 全部玩具食材都超像真,大人見到都覺得好興奮呀!! 一齊嚟扮蛋糕店店員啦~~ 呢到嘅窩夫雪糕、台式珍奶、水果茶奶蓋、甜甜圈又係超像真!! CookLab,煮飯仔廚房區。 呢個廚房,唔好話小朋友好鍾意,我嘅理想都係屋企有個咁大嘅廚房呀~ 廚房空間都超大~設備超齊全。 廚房嘅另一邊,仲有餐台可以招呼朋友享用美食。 和牛B整咗我最愛嘅雞翼同雞翼尖俾我,仲配多杯珍珠奶茶添呀~ 小女孩最愛嘅公主扮靚區,有齊梳妝台、多款公主衫免費穿。 ^ 多款公主衫免費穿 換好公主衫,化返個靚妝~ 馬上就可以登上公主舞台了~ 釣魚池區 小男孩、小女孩最愛嘅工程區,仲有工程服裝免費穿。 ^ 仲有工程車 除咗工程車、大積木,仲有木製粒粒沙池。 互動投影填色、畫畫遊戲,可在電腦台上進行填色或繪畫,再將作品投影到屏幕上。 近門口位置,仲有積木牆讓小朋友發揮創意。 仲有綠野Glamping空間,透過特大窗戶滲入陽光,映照著草原小木屋及綠色草地。 伴著跳跳馬、跳跳鹿等Jumpy玩具、影相超一流呀!...