文章

【簡易食譜】手殘都做到「迷你牛角酥」。輕食早餐、茶點

圖片
天氣開始凍,每朝早餐我都想整一啲暖笠笠、熱辣辣嘅食物俾和牛B。 但天氣凍,自自然然都唔想早起。 所以,唯有做一啲準備時間較短嘅食物就似乎比較適合,要返工又要帶和牛B返學嘅我。 牛角酥合乎快、靚、正嘅效果。 準備材料都好簡單,現成嘅酥皮。其餘食材相信大家屋企都會有,蛋、糖漿/蜜糖。 材料: 1.酥皮一塊 (我呢塊大概15cm x 15cm) 2.蛋一隻 (蛋漿) 3.糖漿/蜜糖 做法: 1.酥皮從冰上拎出嚟解凍 (軟身就可以了) 2.將酥皮砌成4塊三角形 3.用麵棍碌平 4.喺三角形部份嘅中間位置剪開 5.從底部開始卷起 (如果想甜啲,可以搽上糖漿/蜜糖) 6.喺牛角酥上掃上蛋漿,再掃上糖漿/ 蜜糖 7.放入爐焗160 ℃,焗20分鐘 8.完成! 酥軟可口,自己整仲新鮮~ 我只係喺牛角酥面掃上蜜糖,唔會好甜,如果想甜少少就喺卷嘅時候搽埋蜜糖,咁就由內到外都會有甜味。 *溫韾提示* 由於每個焗爐的新舊型號關係,爐溫都會有差異。所以喺烤焗時,建議定時留意牛角酥嘅情況,以免焗燶。 我的幼兒食譜分享 【幼兒食譜】小朋友的鬆脆植物油曲奇餅 【幼兒食譜】簡易茶點煉奶、花生醬夾餅 - 附食譜 【幼兒食譜】清新檸檬味、柯華田杯子蛋糕 - 附食譜 【幼兒食譜】派對小食「幼兒簡易Pizza」- 附食譜 【幼兒食譜】低糖茶點「雲呢拿海綿蛋糕」 - 附食譜 【幼兒食譜】無糖無牛油「香蕉二重奏蛋餅」(1Y+) - 附食譜 【幼兒食譜】營養早餐「芝士雞蛋麵包卷」- 附食譜 【幼兒食譜】親子下廚一起包雲吞/ 餃子。 【幼兒食譜】簡易早餐、茶點「小窩夫」 - 附食譜 【幼兒食譜】健康小食「南瓜燕麥餅」- 附食譜 【幼兒食譜】與孩子一起做茶點 - 焗香蕉春卷 - 附食譜 【幼兒食譜】簡易茶點「紅苺乾杯子蛋糕」 – 附食譜 【幼兒食譜】BB微糖蛋糕+兩種造法 – 附食譜  【幼兒食譜】超簡易茶點「微糖杯子蛋糕」附食譜  【幼兒食譜】輕食OK!小茶點「無油蛋酥餅」附食譜 【幼兒食譜】超簡易健康有營養茶點「焗香蕉麵包雞蛋布丁」附食譜 【幼兒食譜】超簡易早餐、茶點「香蕉Pancake」附食譜 【幼兒食譜】無油無糖雞蛋Puff。超簡單。超快。輕食OK! -------------------------------------------------- 歡迎聯絡我&和牛B: ...

【聖誕限定】麥兜粉絲注意「海洋公園聖誕全城 HO HO HO」 x 全港首個麥兜音樂劇場

圖片
12 月真係一個超開心嘅月份,今個聖誕前夕我哋仲去咗香港海洋公園玩,嚟呢到朝聖 !! 因為 ~~ 港人熟 悉 同埋原創卡通可愛嘅小豬「麥兜」嚟咗香港海洋公園呀 !!! 今年香港海洋公園嘅主題係「海洋公園聖誕全城 HO HO HO 」。 而今次最觸目嘅,就係全港首個麥兜音樂劇場「麥兜。出走的魚蛋」。魚蛋弟弟同麥兜仲成為咗今年海洋公園聖誕最人氣嘅人物添呀~~成條老大街都有佢哋嘅攤位遊戲獎品!!樣樣都想搶返屋企呀!!   「麥兜。出走的魚蛋」音樂劇場 「麥兜。出走的魚蛋」音樂劇場 ,每日只演四場,所以要留意場次同埋預定時間去排隊呀~ 同場仲有吳君如鬼馬聲演「麥太」一角,成個音樂劇場嘅內容都都風趣、幽默,大人細路都睇得超級開心呀 !! 和牛B同牛爸都睇得超級開心 每場大概 30 分鐘,呢 30 分鐘真係超開心,直情覺得唔夠喉好想再睇一次呀 ~~   完場後,仲可以同演員拍照留念 ~ 當日四場為: 11am. / 12:30pm. / 4:15pm. / 6:15pm. 另有一場係智紛全年證嘅專屬場次: 2:15pm. **但確實場次,大家還是跟海洋公園為準吧~   打卡熱點。閃亮互動聖誕樹 今年香港海洋公園有棵 40 呎高嘅巨型聖誕樹,聖誕樹繞上 LED 螢幕絲帶,唔好以為無乜特別 !! 其實佢係一棵「放閃聖誕樹」,只要將你嘅相片 Upload 到 Instagram 再加上 Hashtag 「#opxmas2018」 ,大概一分鐘左右,相片就會顯示喺 LED 螢幕上面 o 架啦 !! 而今次呢棵聖誕樹亦係 「德國 HiPP 喜寶呈獻:閃亮互動聖誕樹」 。 **Upload 嘅同時記得留意要將帳戶設定為公開先會顯示到 o 架   睇完麥兜嘅音樂劇場之後,當然唔可以錯過麥兜同麥嘜嘅見面會啦 ~~ 麥兜同麥嘜會喺老大街嘅電車前面等大家同佢影相留念 o 架 ~ 當日見面會時間如下; **確實見面會時間,請依照海洋公園當天時間為準。 而老大街除咗有麥兜同麥嘜嘅見面會之外,仲會有香港懷舊經典人物:馬姐、女殺手、筷子姊妹花等經典人物出現 , 同大家影相留念同埋玩 ~ 老大街仲有麥兜卡通公仔嘅影相位 喺老大街見到包租婆呀~~和牛B好驚呀~ 老大街嘅攤位遊戲獎品超吸引,有麥兜、菇蒔、魚蛋弟弟~...