文章

【粉紅控】必到免費影相呃Like景點MOKO 新世紀廣場

圖片
今次介紹嘅影相呃Like好地方,其實唔係咩新嘢。 只係地點好方便,係位於旺角東站一出就到嘅MOKO新世紀廣場。   旺角嚟講,暫時只有MOKO新世紀廣場係適合帶住BB去嘅好地方。   名為「Beauty Club Lounge」(M/F) 嘅影相空間,媽媽們、小公主們一定會好鍾意呢到。 其實呢到係為2017年聖誕而設置,所以呢個擺設,亦係為聖誕而倒數嘅月曆。 旁邊名為夢幻蝴蝶拱門。      超靚嘅粉紅波波Party Queen浴池。   超有feel嘅場景,由多個燈泡嘅閃爍星光簾。     呢到唔係好大,大概有五個影相靚位,全部都好少女味。 媽媽、同小公主都一定會好鍾意。     絕對係粉紅控必到嘅影寫真靚位呀!     【 Beauty Club Lounge 】 地址:MOKO新世紀廣場 MTR樓層 (SHISEIDO旁) 開放時間:上午10時至晚上10時 https://www.moko.com.hk -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

【放電好去處】源自芬蘭。逾萬呎免費歷奇公園 x 親子鞦韆 x 3.5米超高滑梯

圖片
之前都有同大家介紹過葵芳新都會廣場平台,有一個免費戶外兒童遊樂場。最近,呢個兒童遊樂場升級咗做歷奇公園,佔地逾萬呎,而且仲係免費入場嘅添!! 嚟梗7月31日,正式對外開放啦~~ 遊樂設施仲係源自芬蘭,玩味十足!! 有6.5米高大型遊樂設施,3.5米超高戶外遊樂場滑梯,仲有第一次見到嘅親子鞦韆呢。 遊戲設施亦適合幼兒、小童及大人。 【親子 鞦韆】 首次見嘅親子鞦韆,和牛B玩得超開心,仲玩咗好多次。 親子鞦韆可以同時容納1位大人、1位小童及兩位幼兒~ 【 6.5米高大型遊樂設施 】 有繩網陣、攀爬繩,可以鍛鍊小朋友嘅手腳肌肉。 全方位多角度,每一處都有得玩。滑梯都有好多條,長度都有好多種。 茄子嘅滑梯~ 3.5米高嘅水管滑梯~和牛B唔敢挑戰,唯有爸爸嚟挑戰啦~ 【 新式氹氹轉 】 仲有好多新款氹氹轉玩~~ ^樹葉氹氹轉 三人版氹氹轉,仲會左右傾斜添~~ 五人氹氹轉,4個座位,再加上一個企位~~ 超好玩嘅旋轉青蛙,可以訓練小朋友嘅平衡力呀~ 【 樂器敲擊 】 兩座敲擊樂器,可以俾小朋友發揮音樂天份。可以打鼓、玩豎琴狀嘅樂器。 檸檬樹,俾充滿好奇心嘅小朋友捐來捐去~ 【親子 健身區】 引入英國最新設計嘅遊樂場健身運動設施,邊做運動仲可以邊為手機充電~ 設卧式、手部及動感單車。 就連USB充電線都有得借用,仲可以用wifi 45分鐘上網。 **不過,想要將手機到100%電,真係加把勁啦~~我好努力都踩唔上最高點(哈) 而戶外公園仲有洗手位、飲水機。 【限定。低碳生活農墟市集 】 而空中花園仲有限定活動,由即日至8月26日(逢星期六、日)都會舉行, 低碳生活農墟市集。 而市集以健康、天然、手工成主打。 仲有種植唔少綠色植物、蔬菜、花等。 ^ 本地種植嘅茄子。 ^ 本地種植嘅檸檬。 ^ 仲有導賞團,可以了解更多種植、植物嘅知識。 ...