和牛B 的成長日記

成為父母已經不覺快三年，睇住和牛B愈來愈大個女，伴隨住我哋嘅銀包都愈來愈厚。 厚嘅原因唔係搵多咗錢，而係我哋都愈來愈多會員卡、Playhouse VIP卡。 所以儲下儲下，就有咁多張遊戲卡喺手。 兩歲半前嘅和牛B，超細膽，如果旋轉木馬/ 機動遊戲開始郁，佢會馬上嚇到要走。 而家佢已經唔再怕，仲好享受。 而我哋每星期除咗會去戶外活動之外，都總會有敗家遊戲活動 (掟彩虹)。 其實講到尾都係我哋受唔住引誘，所以行到邊就玩到邊、申請到邊啦。 但當你見到和牛B玩得咁開心，點都係值得嘅。 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

以前細個嘅時候，玩嘅玩具都好簡單，好便宜，無乜科技可言。但而家呢個年代，小朋友玩嘅玩具就真係好唔同，我自己唔主張俾和牛B玩同睇太多手機、睇太多YouTube。 因為太吸引啦，開咗個頭就真係返唔到轉頭。所以我都儘量搵好多有趣嘅玩意俾佢，今次我就上網搵返紙公仔嘅模版，打印出嚟再自己剪返出嚟俾和牛B玩。結果佢真係好鍾意，好開心。   而Sailormoon近年Hit返，就即刻勾返起我嘅回憶同少女心。 Sailormoon嘅紙公仔，我細個嘅時候都有玩過o架。 不過已經絕咗版，市面係無乜機會買得返。 誰知，俾我喺網上面搵返佢哋返嚟呀!! 齊晒齊晒!! 有月野兔、小小兔、水野亞美、火野麗、木野真琴仲有愛野美奈子!!!     其實喺搵到Sailormoon紙公仔之前，我係搵到另一啲嘅紙公仔模版。我用咗210g厚紙印，不過都係唔夠硬淨。   俾和牛B玩咗都無5分鐘，個公仔條頸就斷啦~ 【紙公仔模版下載】 http://kids.nifty.com/enjoy/clothes/index.htm 所以再做Sailormoon紙公仔，我喺打印後，再喺上面加一層膠紙，底部再托一層卡紙。 **唔過膠原因係，公仔要預先剪好，過完膠又要再剪一次，工序重複咗，製作時間就會多咗。   為咗和牛B第二朝有得玩，開夜車大概1小時就完成晒啦~   第二朝和牛B見到超級開心呀!! 紙公仔真係好孩子最愛，因為可以幫公仔不停換衫，紙製帶出街都好輕便。 【Sailormoon紙公仔模版下載】 http://www.oasidelleanime.com/minisiti/sailormoon/paper-dolls/index.htm 除咗Sailormoon之外，我仲搵到百變小櫻同埋小魔女Do-re-mi。 https://vk.com/album-6371290_147725935 ---------------------------- ---------------------- 歡迎聯絡我&和牛B:  chu...

天氣好嘅時候，我都會盡量安排戶外活動俾和牛B。 讓和牛B可以吸呼新鮮空氣，曬多啲太陽，吸收維他命D，睇多啲綠色嘢。 今次，我哋嚟到九龍區樂富與黃大仙交界嘅「  摩 士 公 園   」。 呢個地點，如果搭地鐵去黃大仙站又或樂富站落車，都一樣需要步行大約10分鐘，路程亦都差唔多。 摩士公園其實分咗四個部分，有一號、二號、三號及四號。而我哋今次主要係去三號公園玩，因為已經好夠放電了! 三號公園入面嘅兒童遊樂場區域，分成咗八個小區。 六個 鞦韆 、 八條滑梯，攀爬類嘅遊戲組亦都有唔少。 我哋從鳳舞街近摩士體育館入口進入，途經會見到公廁及小食亭。 而兒童遊樂場附近都有一個公廁，仲有育嬰室。 第一區 ，適合幼兒 嘅 滑梯遊戲組，旁途仲有軚盤遊戲及 鼓。 可以作親子互動嘅圓圈板。 唔會太斜或太高，有少少波浪形嘅滑梯。 旁邊仲有訓練小朋友平衡、力量、膽量嘅搖搖遊戲組。 小朋友要靠自己運用力量，將重心轉移，令到搖搖裝置郁動，彈下彈下。 第二區 ，有一支圓柱體，企上站台，家長在旁幫忙轉動，佢係迷你版嘅氹氹轉遊戲。   旁途仲有三隻搖馬遊戲組。 第三區 -  鞦韆區，鞦韆分咗幼兒款(有個兜型)同一般嘅款式。 幼兒款 鞦韆一組有兩個，一般鞦韆有兩組共四個。 準備進入第四區至六區嘅兒童遊樂區了。 呢個區嘅遊戲組適合4歲以上小童，有攀架、斜台板、滑梯三條等。 斜台板附有一條鐵鏈，輔助小朋友登上遊戲區，旁邊仲有條滑梯。 力量型遊戲攀架，和牛B當然未夠力支撐、同未夠高去玩啦~ 另一邊仲有仿石梯嘅膠質樓梯。 淨係樓梯，呢一組遊戲組都有三個款式。 呢到亦都有軚盤遊戲組 滑梯組有三條，最後一組就喺了。 第五區 - 幼兒與兒童嘅遊樂區 八個小區入面，呢個區有兩條滑梯，一條短滑梯，而最高就係呢一條黃色滑梯了。 要上去瀡滑梯，首先要通過體力考驗。 ...