和牛B 的成長日記

嚟梗9月係一個超級忙碌的月份，忙嘅原因係我哋將會去兩個旅行。而正正因為旅行次數密咗，唔想每次都問朋友借熱水壺或者冒險用酒店嘅熱水壺，所以我終於買咗一個屬於我自己旅行用嘅熱水壺。 因為我比較心急，所以我冇搵網上日本代購買，我實在等唔切。 最初我都喺日本城見到，之後我再去咗千色店睇，都有類似嘅款式，我諗都差唔多一樣咁濟，而且價錢一樣嘅。 最後，因為方便嘅原因我喺日本城買咗Cellini Italy ($268)，而且咁啱日本城做梗優惠，買滿$200再送$30 Coupon下次購物用，感覺好似平咗。 輕便、 摺疊壺身 壺身係用矽膠製造，可以能屈能伸，物料亦好輕身。 另外，好多人見到我買咗都有問我，啲膠臭唔臭有冇膠味，開箱後唔會大陣臭膠味。 但留意始終係矽膠物料，有少少味都係正常嘅，我覺得陣味唔大，可以接受。 我試過洗左煲，試煲3次後，第三次之後啲水就冇晒膠味，建議頭幾次都係煲完就算啦。 電壓：100-240V 而且係適合世界各地嘅電壓，不過熱水壺係三腳插，去旅行嘅時候記得帶多個「萬能插蘇」呀。 關於世界各地嘅電壓同埋插頭形狀，大家可以去下面個網址都參考，好詳細，好詳盡~ https://topick.hket.com/article/1440615/ 一幅圖看清世界各地插頭形狀 容量：0.5L 我試過可以入到600ml-700ml水，不過唔建議入滿，大概裝600ml左右，預留水位，避免水滾時，滾水溢出。 煲水速度： 測試過唔駛4分鐘就煲好咗一壺600ml嘅水，好快呀!!  我的試用分享 第一次用，裝好水之後，就按一按開關掣。 大約煲左分幾兩分鐘，就見到入面有小水泡啦。 最後3分43秒就煲滾了，水滾後仲會自動斷電，好安全。 打開個蓋嘅時候記得要小心痴喺蓋嘅水點彈到手呀! 最後大家可能會問我，咁個煲完水矽膠位會唔會好熱好辣手? 我答你唔會係假嘅，不論熱水壺壺身係矽膠料定係硬膠，煲完咁滾嘅水又點可能會唔熱呢? Cellini Italy @ 日本城 https://www.facebook.com/CelliniItaly/ -------------------...

最近，和牛B對「甜品」這兩個字特別敏感，因為「甜品」她都會馬上聯想到美味的甜點、雪糕、蛋糕等食物。所以，早上跟她吃過早餐，便馬上到超市買材料回家製作。 準備材料非常簡單，罐裝椰漿一罐、奶粉/ 鮮奶、魚膠粉。 材料：(份量6杯) 椰漿…400ml 奶粉/ 鮮奶…120ml 熱水…240ml 砂糖…50g** 魚膠粉…14g 砂糖的份量：由於我是用奶粉，所以砂糖的份量會比較少，如果用鮮奶的話，想甜一點的話砂糖份量可以加多一點點，大約120g 做法： 1. 砂糖加入120ml熱水拌勻備用。 2. 將奶倒入椰漿裡拌勻，再倒入糖水拌勻。   3. 魚膠粉加入120ml熱水快速拌勻。 4. 將魚膠粉水倒入椰奶裡快速拌勻。 5. 拌勻後再倒入甜品杯裡， 放入雪櫃，約1小時左右便可以食用，如放入冰格大約30分鐘就可以食用了。   我的試食小專員，吃到滿咀都是奶。 <當日小記事> 家長不要太心急跟小朋友預告會有甜品這件事，因為小朋友會非常著急，不停的追問~當日我一早告訴和牛B一起做甜品之後，她窮追不捨地一直追問甜品、甜品、甜品~~跟她到超市，都還未看完她便追趕著做甜品的事    我的幼兒食譜分享 【幼兒食譜】派對小食「幼兒簡易Pizza」- 附食譜 自製超簡易「雲呢拿雪糕」。 無生蛋、幼兒都食得 + 附食譜 【BB開飯】自製木魚調味粉、飯素 【幼兒食譜】低糖茶點「雲呢拿海綿蛋糕」 - 附食譜 【好物+ 幼兒食譜分享】我的煮食好幫手 *Tommee Tippee  蒸煮攪拌器* -  附食譜 【幼兒食譜】無糖無牛油「香蕉二重奏蛋餅」(1Y+) -  附食譜 【幼兒食譜】營養早餐「芝士雞蛋麵包卷」- 附食譜 【幼兒食譜】親子下廚一起包雲吞/ 餃子。 【幼兒食譜】簡易早餐、茶點「小窩夫」 - 附食譜   【幼兒食譜】健康小食「南瓜燕麥餅」- 附食譜 【幼兒食譜】與孩子一起做茶點 - 焗香蕉春卷 - 附食譜   【幼兒食譜】 BB 微糖蛋糕 + 兩種造法  –  附食譜 【幼兒食...

天氣咁熱，如果唔係玩水嘅話，帶住小朋友進行戶外活動真係 NO WAY 呀 !  所以轉戰室內嘅活動，而今次我哋去到沙田文化博物館，入面嘅兒童探知館消磨時間同埋放電。 喺呢到可以讓小朋友發現大自然嘅奧妙、懷舊玩具展、閱讀區以及體驗昔日香港的農村生活。展館分咗 8 個遊戲學習區， 認識鳥類、海洋生物、昆蟲及動物 呢個區有一個模仿米埔沼澤區，有條小斜橋，讓小朋友認識水中嘅魚、雀鳥、海洋生物。     基圍蝦嘅遊戲 小遊戲區，將手仔伸入去個袋仔入面，就可以扮隻鳥食蝦同蟹仔啦~~ 輕按台上嘅按鍵，就會發出「吱吱」嘅雀仔叫聲。   動物看世界 呢幾款動物造型嘅扇型其實係乜東東呢 ?  眼睛位置會模仿該動物睇嘢嘅視覺畫面，蝙蝠嘅話係會好黑好暗，雀鳥睇嘅嘢原來係紅色，蜻蜓就有複眼而且係好似放大鏡咁。     蜻蜓嘅複眼，仲係放大嘅~ 鳥類睇到嘅野原來係紅色。 感受水世界 呢個魚缸最特別之處就係，小朋友可以走入去，然後伸個頭去魚缸睇魚。請放心，係唔會濕身嘅，因為佢係有個半圓型嘅罩小朋友可以多角度咁睇魚。 鳥類世界 透過電腦遊戲、簡單遊戲認識雀鳥、等生物。 呢個互動至式嘅雀鳥公仔，真係好得意，鳥頭同鳥身部份係有磁力，可以俾小朋友做配對。     昆蟲世界 呢隻咁大嘅其實係蟻后嘅放大版，最版我仲以為係飛蛾嚟~ 仲有住喺山洞嘅朋友，會有啲咩呢? 有我最鍾意嘅兔仔，野兔…   放大左嘅螞蟻同埋蜘蛛。 「香江童玩」展覽 入面有昔日本港設計、製造嘅玩具，仲可以重溫經典玩具，有啲玩具舊到我都未見過呀。 仲有兩個大型嘅棋類遊戲「鬥獸棋」、「飛行棋」。 我諗鬥獸棋一定係爸爸們最鍾意玩嘅遊戲嚟。爸爸們係咪，即刻棋癮大發呢? 鬥獸棋同飛行棋，我比較鍾意玩飛行棋，不過每次擇骰擇到3次「六」就要返大陸，諗起都好唔開心~ 睇返以前啲玩具真係同而家好唔同，同埋以前好興鐵皮玩具呀。 原來以前啲煮飯仔咁逼真，我都想玩呀!!!! 一齊玩搖馬仔? 不過家長要留意呀，部分展品係唔可以坐上去玩，只供觀賞。 經典公園遊戲跳飛機，而家公園真係好...