和牛B 的成長日記

話咁快又一年 , 以前未夠 18 歲 o 個陣 , 仲係學生 , 就覺得時間過得好慢 , 唯獨是暑假過得特別快。點知 , 一過左 18 歲 , D 時間就超快速咁過。   2015 年 , 對我黎講真係大起大跌嘅一年 !   開心唔開心嘅野 , 其實年年一定有 , 但係今年開心、唔開心嘅事件 , 真係影響得我同我屋企人好緊要 !   不如先苦後甜啦 ~ 就係 3 月嘅時候 , 足足陪伴左我 12 年幾嘅愛兔喜寶過左。佢真係一隻好叻 , 好堅強 , 好可愛嘅兔仔。不過 , 我好開心 , 因為當佢開始出現退化嘅時候 , 我有努力過去照顧佢 , 亦好慶幸 , 我能夠抱住佢陪住佢直至佢斷氣 o 個刻。遺憾嘅係 , 佢見唔到悠悠呢個妹妹出世。       一不離二 , 二不離三…估唔到喜寶年紀大所以衰退致死之後。 4 月頭嘅一個清晨 , 收到屋企人電話通知。我爸爸睡夢中仙遊 , o 個陣時 , 我都未瞓醒 , 你地講咩 ? 有冇人可以話我知 , 我係發梗夢 ? 爸爸突然嘅離世 , 送到殮房 , 死因庭 o 個邊同我地搞左好耐 , 因為我地一直唔想做解剖查明死因。但係…原來呢個世界上冇自然死亡呢回事 , 來來回回搞左成個月 , 都係要解剖查明死因 , 先可以批死亡症 … 死因「心肌梗塞」。之後 , 終於定到設靈日期 , 但係天意弄人。我一直好希望悠悠 B 搭正預產期先出世 , 好讓我送別到我爸爸。點知…我就係設靈前幾日見紅 , 入左醫院等生。最後 , 悠悠出世當日 , 就係我爸爸設靈當日。遺憾嘅係 , 爸爸爭一個月就見到悠悠 B 出世啦…除此之外 , 我去唔到送別我爸爸。我好唔開心 … 我到而家都唔相信我爸爸過左身。     5 月 , 悠悠 B 出世 , 我同老公嘅小公主終於出世啦 !! 媽媽我 o 係醫院待產幾日 , 等到我人都癲呀 ~~ 見紅以為生得 … 原來見紅都唔係咁易話生就生得。人生第一次住醫院 , 就係因為生 BB 。原來醫院都唔係想像中咁恐怖 , 我一直覺得醫院係有鬼 ge!! 但我住醫院前前後後 , 住左成個禮拜 , 就...

加固係除左要 BB 學習自己吞、咀嚼固體食物之外 , 訓練 BB 自己拎起水杯 / 奶樽飲水 / 奶都係一個重要環節。     我其實對於悠悠 B 要學習自己飲水、拎起杯 / 奶樽飲水都唔覺得係一件容易嘅事黎。雖然 , 之前睇過 幸 晴 媽 嘅文章講學習杯 , 都係話唔駛買咁多隻杯架 , 因為 BB 遲 D 就會識 ~ 但係 … 性急嘅我 , 最後我買下買下 , 已經買左 3 隻學習杯返屋企。   悠悠 B 第一隻學習杯 , 係 Richell 嘅軟膠吸管雙耳嘅杯仔護協價 $7X/PC 。結果呢 , 悠悠 B 係唔識用個吸管 ~ 得淡笑呀 ~ 唯有擺下先啦 , 總有一日佢係會識得飲嘅。     悠悠 B 第二隻學習杯係一隻平價之選 , 鴨咀杯 ~ 日本城 $10/PC 有交易 ~ 仲有兩隻色 ~ 不過唔好之處係 , 冇蓋 , 出街嘅話唔適合攜帶外出用。二黎係冇防溜功能 , 如果一打翻就溜晒 D 水出黎 …     重點係 , 因為個鴨咀係硬膠 , 悠悠 B 又未識用 … 就不停用牙肉啃咬個咀 , 終極都係吞唔切 D 水 , 流晒出黎多過飲呀 ~     悠悠 B 第三隻學習杯 Nuk Hello Kitty 杯杯 ( 悠悠嘅堂姑媽買嘅 , 所以我唔知咩價 ) 。呢隻杯我覺得好好嘅係 :1) 鴨咀部份係軟膠 , BB 學以慢慢適應。 2) 防溜功能 , BB 吸啜鴨咀部分先有水出 , 不用擔心打翻水杯時倒晒 D 水出黎 3) 有蓋 , 方便攜帶出街 4) 內附一個防漏蓋 , 唔飲 / 攜帶出街時 , 可以蓋返個防漏蓋 , 就真係萬無一失啦 ~ 5) 出水部分唔會過於太大量 , 引致 BB 吞唔切而 ” 瀆 ” 親。     因為呢隻杯係防漏 , 所以我決定放手 ~ 放開所有 ~ 俾悠悠 B 自己摸索 , 同隻杯做個朋友先 ~ 舔一舔 ~ 啜一啜 ~ 咁就識得用啦 ~     不過 , 悠悠 B 仲未識 / 夠力得...