【免費限定活動】玩具反斗城 Toy Fair。超多嘢玩。玩足1日
玩具反斗城尖沙咀旗艦店正舉行一連11日嘅Toy Fair (即日起至1月14日)，可以免費玩晒入面18個大型玩具遊戲。有1.5米高嘅Majorette戰車賽道、高2米身型龐大嘅Super Wing杰特、5米長嘅Globber滑板車等，同場亦展示首次喺亞洲登陸嘅Lego Mosaic Maker。 而參與今次Toy Fair 嘅玩具品牌陣容都好鼎盛，有 18個咁多。有 Majorette 、 Boogie Board 、 4M 、 Slimy 、 Hatchimals 、 Kinetic Sands 、 Audley Super Wings 、 Turning Mecard 、 Globber 、 Zipes Speed Pipes 、 Stikbot 、 Jelly Bean Factory 、 WOW S tuff 、 Fun Promotion 及 Alpha Group (Blazing Team 、 Screechens 、 Skyrover 、 Drone Force) **醒目貼士** 入場記得領取小冊子 ，完成每項遊戲可獲 蓋印一個 ，只要 集齊當中 8 個玩具品牌的蓋印，即可換領傑菲故事書一本。 我哋成功集齊咗8個玩具品牌蓋印，換到傑菲故事書一本，你睇下和牛B幾開心，一收到即刻打開嚟睇啦。 未入到門口，就已經見到高2米身型龐大嘅Super Wing杰特 喺半空中矗立 。 旁邊仲有 1.5 米高的Majorette 戰車賽道，戰車賽道做得好細緻，就連場景入面嘅紅綠燈都係會轉燈嘅。有三個唔同嘅玩樂區，而每個玩樂區都會有職員教導小朋友玩。 有車仔、有火車。而火車仲會自動郁，真係好吸引呀!! ~必到嘅影相打卡位~ Slimy 鬼口水系列 呢堆青BB嘅鬼口水，令我諗起Ghost Buster呀~ 鬼口水獨有的質感，可讓小朋友即場創作不同形態及形狀的趣緻設計，發揮小朋友的創意。 起初和牛B都唔敢玩，佢覺得個感覺唔舒服。 最後佢都願意落水去玩，仲玩到唔捨得走添呀。 唔講唔知，...