文章

顯示包含「parentingblogger」標籤的文章

【打卡餐廳】悠閒墨西哥風 | 舞獅主題 | 餵羊 | 《獅藝館茶座》

圖片
  假日想悠閒地享受親子時光,嘆個Tea打個卡。 我哋早前趁住新年期間,終於去咗bookmark咗好耐嘅地方 《獅藝館茶座》。 地方比較隔涉,如果去開上水又冇咩嘢做,或者踩單車途經,都可以嚟食個Tea。 因為入面其實真係餐廳,非親子玩樂餐廳哦~ 鍾意舞獅嘅話,必定會想嚟到打個卡留念。 而我一直都好鍾意睇舞獅表演,每一下嘅鼓聲,再配合舞獅嘅動作,真係好吸引!! 而餐廳亦設有室內及戶外區,戶外區亦有分兩邊。 ^ 室內 ^ 戶外區 ^ 戶外區 餐廳範圍都有多個打卡位~ 可以拍照留念~ 我哋食完Tea已經差唔多黃昏啦~ 太陽映照喺湖上,影相真係好靚! ^ 大家見到上面張圖,唔洗緊張! 本身有條繩嘅,不過我修圖整走咗條紅繩啫 ~ 喺餐廳戶外區,仲見到走地雞~ 餐廳仲可以餵羊,不過可能當日太晏啦羊仔都哩埋晒~ 食物方面,價錢都係正常合理的。 不過,我哋當日可能係新年期間啦,唔知係咪人手不足。 所以落單後,上菜都比較慢... 我哋叫左一份飛碟、兩碗麵...但等了一小時... (當中有向店員查問,是否溜了) ^ 芝士咸牛肉飛碟 ^ 餐肉辛辣麵 ^ 叉燒豬骨湯拉麵 前往方法:  於上水乘搭小巴51k到總站,下車後 向雙魚河方向行, 大約十分鐘。 駕車的話,佢哋有一個免費停車場。 【獅藝館茶座 @ 上水】 地址: 上水河上鄉居石侯公祠 電話號碼: 9316 1443 營業時間: 星期一至五: 11:00 - 18:00 (逢星期三休息) 星期六至日: 10:00 - 18:00 ^ 以上資料來源自Openrice  https://www.facebook.com/profile.php?id=100064125366652 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubm...

【和牛B個妹。Login成長日記】訓練BB獨立自己進食

圖片
2016年嘅時候,我曾經分享過我對和牛B嘅食飯守則。 和牛B喺婆婆家被婆婆照顧嘅時間,係傳統餵飯。 當假日我照顧嘅時候係進行BLW,所以妹妹當然都唔例外,亦以同樣嘅食飯模式。 當年和牛B係非常成功,佢歲半已經可以自己進食,唔需要我操心。 而且食完飯,佢都會乖乖坐喺位。 至於妹妹,妹妹食飯嘅時候係超專心。 但食完飯之後,就一定要離開座位去玩。 因為妹妹比較好動,好奇心超滿!! 但加固初期,妹妹就唔太鍾意食固體食物... 而且仲會經常流返晒啲粥仔出嚟~ 到妹妹開始明白到加固係咩一回事,佢就愛上了。 而我照顧嘅時候就採用BLW,讓佢感受用自己一雙手去拎食物放入口。 都係一種手、眼協調嘅訓練。 自己放到入手食,都係一個好好嘅食的體驗。 ^ BLW嘅小BB, 父母要有強大嘅心臟!! (正在食紅肉火龍果) 當然啦,從BLW去到自己拎餐具進食。 過程都好難捱,因為BB未掌握到,通常都會整到周圍、一地都係食物。 照顧者、父母們必需俾耐性,接受佢哋食到污糟邋遢!! BB們只要經過多次經驗、練習,就會掌握如何使用餐具。 作為父母、照顧者們必需學會放手,小朋友先可以長大、獨立進食。 ^ BB與大人同台食飯 我家妹妹從歲半開始,就已經係自己食飯。 佢亦唔需要我餵佢食飯仔,佢鍾意自己嚟。 如果我強行想餵佢食一啖飯,佢係會扭計發脾氣。 而每一次佢都會好專心食,仲要食到冇晒為止。 同時間,由BB加固時期,家長就要同BB培養食飯規矩。 BB與大人同台食飯 食飯時候,飯台係唔可以有玩具 (要培養佢哋食飯係要專心) 一定要坐好先可以食飯 食飯途中離開座位,就會收餐 **加固注意示項** 其實唔需要心急,加固因應BB成長情況而定。 和牛B同妹妹加固,我都係跟健康院指引。 等佢哋能夠自己坐立,坐穩先開始慢慢加固。 每樣食物,試一個星期,冇敏感再轉/ 添加食物款式。 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/

【親子學堂】粒粒皆辛館 | 學習珍惜食物、不浪費的習慣

圖片
最近我同妹妹去咗參觀一個超有意義同長知識嘅地方,就係惜食堂 嘅「粒粒皆辛館」。 「粒粒皆辛館」真係好有意義, 惜食堂亦 幫到好多長者!! 去完呢次參觀,再次提醒返我唔好浪費食物。 食物係好珍貴,就算連廚餘其實亦都好有用。 例如橙皮咁,可以製作橙皮酵素成為天然嘅清潔劑。 蛋殼用天然色素染色後,仲可以同小朋友一齊整手工。 今次,我真係長知識啦!! 講返「粒粒皆辛館」嘅背景,佢其實係全港首間融合惜食、關愛嘅實體展館,喺呢次參觀過程入面,大家將會接觸惜食冷知識,仲會了解到香港以至全球嘅食物浪費及飢餓問題。同時館內亦會反映香港長者現況,讓參加者更關注社會,關心有需要嘅長者。 藉此令大人反思,以及教育小朋友不浪費。 ^ 生動有趣嘅主持人 Mark叔叔 「粒粒皆辛館」特設 6個展區;  - 惜食270 - 惜食冷知識區 虛擬實況影片區 廚餘較量區 模擬劏房區 紙皮回收區 *每一個區,都有唔同嘅知識同埋意義 惜食堂每日會從領展鮮活街市、商場回收箱、9噸貨車及流動惜食實體店收集捐贈之食物,再製作成飯盒,免費送贈長者或有需要人士。 透過互動遊戲,學習正確食物保存方法。 甚麼是廚餘? ,其實每日每個家庭都會產生廚餘... 你同我都一定有.... 館內仲有模擬廚餘重量,一個四人家庭一個月嘅廚餘重量....重到我都拎唔起... 嚟到尾聲,就進入香港嘅糧食問題。 獨居老人以及劏房長者嘅生活... 透過遊戲,讓小朋友體驗老人執紙皮嘅生活。 好辛苦先賺得少少錢....有時甚至乎努力過後,1蚊都冇.... 今次嘅參觀,仲整咗橙皮酵素清潔劑以及蛋殼聖誕咭。 ^ 橙皮酵素清潔劑 原來好容易整,只要一個乾淨水樽、橙皮、糖同埋水,就可以整到天然嘅清潔劑!! 過程入面,仲可以訓練小朋友手指肌肉同埋手眼協調。 完成之後,等3個月就可以用啦~~ 估唔到蛋殼除咗可以整雞蛋布丁之外,仲可以染上天然色素後,變成手工材料。 如果大家都想帶小朋友去參觀,可以到官網報名。 親子體驗精華遊 (星期一至五)  歡迎個別家庭報名,每家庭最少一位家長及一位小童(年齡須為4至15歲)。每時段可有多於一個家庭參與。  時間:1.5小時  語言: 廣東話  活動內容:  •認識惜食堂的工作  •參觀展區及觀賞虛擬實境(VR)影片  •橙皮酵素工作坊...