和牛B 的成長日記

今次嘅有老有嫩觀光+玩樂沖繩遊，觀光一定要來「古宇利海洋塔」。 地點位於沖繩北部，雖然地點比較遠，但絕對值得來訪! 從那霸機場前來大約1.5至2小時車程，前往「沖繩美麗海水族館」大約半小時，所以建議行程可以安排同日進行。 來到古宇利海洋塔，最特別就係可以搭乘免費嘅「無人駕駛高爾夫球車」。 沿途會有熱到植物庭園造景，欣賞景色。 **注意! 係唔可以中途落車拍照㗎!  到站下車，會從一樓進入，可先到參觀「貝殼博物館」，或直接搭升降機往2至4樓展望台。 另外，二樓設有餐廳咖啡廳區域。 貝殼博物館入面收藏咗好多大小、不同款式嘅貝殼，真係大開眼界呀! 同時，亦設有紀念品區，可以慢慢選購。 然後搭乘升降機往海洋塔進發，低層係室內觀景台，再行樓梯可到達頂層。 露天嘅塔樓，可環景眺望，古宇利藍天碧海嘅景色!  風景真係超靚，但注意! 都係超級大風呀~ 嚟到露天展望台，記得要敲鐘呀，官方介紹係「敲響幸福的鐘聲」。 古宇利海洋塔設施古宇利海洋塔整個園區，佔地唔算好大，參照其他人介紹一般預計停留時間大約一個小時就夠。不過，我哋慢慢欣賞貝殼博物館嘅展品、影相、購買紀念品，再午餐。我哋大概2-3小時才離開。 位於二樓嘅餐廳，餐廳望住古宇利海，風景優美。 食物都適合大人及小朋友，可以我哋都先食個午餐再繼續行程。 仲有小朋友最愛嘅兒童餐可選呢~ 自駕遊到古字利海洋塔的話，呢到有提供免費車位。 入場費: (資料來源自官方網站) - 成人 (16歲以上) 1,000 yen - 學生 (6-15歲) 500 yen - 6歲以下 免費 【  Klook 購票優惠  】 去完古宇利海洋塔，如果有時間可以順便到出名嘅心型岩拍照留念。 心型岩附近一帶有幾個停車場，停車後主動將停車費投入錢箱便可以。 落車後，沿著指標往心型岩嘅方向走，唔算好遠，不過沿路都係好多沙石、小岩石。所以路比較難行，建議穿著防滑嘅鞋。  我哋當時因為受颱風影響，所以超大風、海浪超大亦有潮水漲，安全起見我哋當時冇行落去影相。 【 沖繩 |  古宇利海洋塔  Kouri Ocean Tower 】 地址: 沖繩縣國頭郡今歸仁村古宇利538番地 開放時間: 請參閱官方網站 Map Code: 485 693 485*14 https://www.kouri-oceantow...

今次嘅沖繩親子遊，有老有嫩，觀光遊樂為主。 食方面都想佢哋有更多體驗，今次介紹呢間係來到沖繩必食嘅「追風丸」。 沖繩有6間分店，而我哋今次係來到了 久茂地店。 餐廳門外打卡不錯，當日天氣超好! 配上藍色木屋外牆，真係好靚呀! 追風丸最出名嘅就係沾麵，有數款選擇，有辣有唔辣，亦有飯及餃子選擇。 餐廳入面充滿日本情懷，有種家庭式嘅感覺，亦好有歷史感覺。 店舖唔大，座位唔算多。 當日嚟到都需要等位，幸好只係大概15分鐘左右。 我哋一行五人，三大兩小。點咗4碗麵，另點咗一份餃子。 麵底好煙韌，湯底好香濃，而且都好大碗! 餃子煎到脆卜卜，好香口呀! 前往方法: 自駕的話車只能停泊在附近嘅露天收費停車場，再步行過去，好近亦方便。 如搭乘交通工具，可乘搭 單軌電車於「縣廳前站」步行5分鐘，或是從「美榮橋站」步行8分鐘即可抵達。 **餐廳內設有洗手間，帶著小朋友，洗手間真的好重要呀!! 【沖繩 @ 追風丸拉麵(久茂地店)】 電話 : (+81) 98-861-0239 地址 : 沖繩縣那霸市久茂地3-15-1 營業時間 : 週一~週日 11:00am. - 8:45pm.  https://www.hayatemaru.com/ramen.html 記得Like我哋Facebook及設定為搶先看， 收睇我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/