和牛B 的成長日記

Urban Cafe有多間分店，我地今次係去佢哋第3間分店。 早前曾經去過油麻地及觀塘分店，今次嚟到荔枝角分店。 荔枝角分店空間好大，座位都算多，貓貓數量都超級多!! 絕對係被貓貓重重包圍呀~~ 鍾意貓貓，一定要嚟哦~ 仲可以即場購買濕糧/乾糧餵貓貓。 我哋當日係平日夜晚，設最低消費每人$50。 食物類別有意粉、小食、pizza、沙律、Burger，選擇都多。 另設有套餐，不過由於只係得我同和牛b，所以就單點，但結果都係食唔晒... 黑松露芝士拉絲薯條、安格斯牛肉手工漢堡薯條、朱古力雲朵沙冰、香草薄荷朱古力。 ^  安格斯牛肉手工漢堡肉，有少少札實同埋偏咸，其他都正常。 ^ 鍾意食黑松露同芝士，一定要試下呢個! 個醬好得，芝士真係拉絲!! ^ 個人建議，飲品揀少甜，正常糖有少少甜。 【Urban Cafe @荔枝角】 地址: 九龍荔枝角長沙灣道680號麗新商業中心1樓 (港鐵荔枝角站 B1 出口, 步行約5分鐘) 營業時間: 星期一至日 12:00 - 22:00 //快啲加入，和牛媽媽吃喝玩樂whatsapp群~ https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦！ https://www.facebook.com/groups/145854551755966 ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/

和牛b好鍾意貓貓，但之前都提及過養寵物責任重大、亦怕敏感問題。 所以唔養貓貓，又想同貓貓玩的話唯有去貓Cafe啦~ 今次趁和牛b放學去學童保健後，見時間尚早，就帶咗和牛b去貓cafe抖下輕鬆下。 當日嚟到5點鐘左右，Cafe 5點半前就截單，好好彩我哋仲可以叫下午茶、午餐。 而且可能平日關係，貓多過人，真係好正!!  由於我哋玩貓同時當埋晚餐，我哋又唔算大食。 而平日下午最低消費係，入座只需每人點一份食物或飲品就可以了。  我哋點咗一份日式吉列豬扒豬骨湯烏冬及台式鹽酥雞翼配薯條，另外叫咗一杯凍檸茶及一杯凍香草薄荷朱古力，都好夠飽了。 食物即叫即做日式吉列豬扒豬骨湯烏冬，烏冬彈牙湯底唔會太咸，豬扒都係即炸，好食！  另外台式鹽酥雞翼配薯條都係新鮮即炸，所以真係熱辣辣好香口呀！  而呢個香草薄荷朱古力，真心好飲！薄荷味有啲似綠箭香口膠味，正呀！ 至於場內嘅貓貓都好親人，好得意。 另外，仲可以加錢買貓糧餵貓，乾糧$28/份，濕糧$58/份。 真心講第一次覺得呢類cafe嘅食物係有質素，大多都係以貓為主食物其次，真心推薦！  *另外餐廳係設加一服務費嘅 【Urban Cafe - 旺角兆萬分店】 地址: 旺角西洋菜南街1N號兆萬中心14樓 聯絡: 59698549 (WhatsApp) 營業時間: 中午12時至晚上10時 --------------------------------------------------------------- 記得關注我哋，留意最新玩樂景點呀 ~ 記得 Like & Follow 我哋 Facebook 同 IG 呀 ! http://www.facebook.com/80smami/   http://www.instagram.com/wagyubmami/ https://www.youtube.com/@wagyubbmami/