和牛B 的成長日記

好多時都會聽到人講，你「清胎毒」未呀?  如果今胎係第一胎嘅你，等我分享一下咩係「清胎毒」啦，而作用又係乜嘢? 胎毒其實係孕婦懷孕期間吸收到嘅毒，例如: 飲食唔節制、 食煎炸肥膩、過度滋補、脾氣暴躁、肝火旺盛，都有機會導致母親內熱過重，將「毒」傳俾BB，造成胎毒。 而胎毒又會對BB產生咩唔好嘅反應呢? 例如: 嬰幼兒出現濕疹、過敏性皮炎、皮膚出現瘡癤等等。 陀二寶嘅我，自己同先生本身有鼻敏感。上胎清胎毒清得唔夠，所以和牛B的確患有濕疹問題。 到而家濕疹，仍然一直纏繞住和牛B....都真係好苦惱! 有咩食物可以清胎毒? 孕婦可以選擇 涼性嘅食物，例如: 西瓜*、綠豆沙、豆腐、腐竹、椰青、荷葉、薏米、白蓮鬚**、冬瓜皮、粟米鬚等。 * 西瓜: 要注意果糖陷阱，如果有妊娠糖尿嘅子婦，都要控制食西瓜嘅份量哦。 ** 白蓮鬚: 有一個傳聞，體質啱嘅媽媽，飲咗會易啲生。相反體質唔合適，飲咗就會陣痛好耐都生唔到…(我就係後者，當年一飲完即刻頭暈兼作嘔…然後作動十幾個鐘先生到和牛B)。 另外 保持大便通暢都好重要 ，所以要食多啲菜、飲多啲水。 幾時開始清胎毒 我自己就喺33週中期開始，但每個人體質都唔同，建議諮詢中醫意見再開始。如果太早進行清胎毒，BB未完全發育成熟，進食過度寒涼嘅食物，係會引起子宮收縮引至早產o架!! 所以，唔好心急呀! 【清胎毒湯水分享】 袪濕消腫湯 材料： 蓮子...........50克 粟米鬚........50克 鮮冬瓜皮.....100克 豬𦟌肉........200克 蜜棗...........3粒 做法： 將以上材料洗淨，放入煲，加水1500毫升，用大火煲至水滾後，改用細火繼續煲1.5小時，加鹽調味即成。 功效： 清熱利水消腫。 桑寄生蓮子蛋茶 材料： 桑寄生....1兩 蓮子.......1兩 雞蛋.......2隻 片糖.......少許 做法： 將雞蛋煮熟剝殼，再將桑寄生放入湯袋，加6至6 碗半清水同蓮子， 用大火煲至水滾後， 改用細火繼續煲 2小時，加適量片糖調味。 功效: 補肝壯腎、養血祛風同安胎催乳嘅作用。 腐竹蛋糖水 材料： 水.......5-6 杯 腐竹......

最近再次走到工廈嘅親子餐廳「Jungle King」，呢到唔係新開嘅。 只係之前一直想要嚟玩，但遲遲都未嚟到。 今次就趁住平日夜晚，帶咗和牛B過嚟放輕鬆下，食個便飯。 餐廳座位都好多，而玩樂區分成兩大個 (波波池、廚房區)。 進入餐廳前，都會先探熱同埋用消毒液搓手再進場。 ^ 波波池嘅顏色好醒神，好舒服!! ^ 餐廳座位 而餐廳入面嘅遊戲區，最大嘅區當然係波波池、滑梯區吧。 入面有2條滑梯，繩網攀爬、吊橋。 ^ 繩網攀爬 ^ 真係好鍾意呢隻色嘅波波池~ **聽餐廳職員講，呢到嘅波波池都係用機器定大清洗嘅。 另外旁邊仲有一個適合幼兒玩樂嘅廚房、超市玩樂區。 ^ 和牛B最愛嘅廚房、超市玩樂區 ^ 仲有適合幼兒嘅玩具 ^ 男孩最愛嘅積木車遊戲 另外仲有男孩、女孩變裝區，不過女仔衫當日只剩低一件。 男仔嘅英雄角色衫就比較多選擇，同埋好多面具~ 另有仲有車仔，可以玩~不過玩車仔嘅空間唔大。 ^ 迷人Pink嘅電動車 <晚餐、飲品餐牌> 餐廳點餐都好方面，直接掃瞄QR Code就上以登入電子下單平台。 點餐嘅同時，你仲可以輸入額外嘅需要，例如: 走醬、煮淋啲等。 餐廳超窩心，知道父母都會忙於照顧小朋友。 所以，器皿特意採用保溫碗盛載。 ^ 日式蒲燒鰻魚飯 ^ 兒童餐 兒童餐更係廚師悉心為小朋友而設，低鹽低糖嘅主菜及甜品。 螺絲粉嘅湯底更係廚師新鮮製作嘅蕃茄湯，更加健康。 B.L.T. 漢堡新鮮熱辣辣，入面嘅牛肉仲好有誠意。除咗有牛肉仲有煙肉、芝士、蕃茄、生菜配料。 ^ B.L.T. 漢堡 <晚餐、飲品餐牌>     <餐廳設施> 餐廳入面仲設有換片、哺乳室。 而餐廳入面嘅女洗手間，仲設有親子廁所 (小童坐廁)。 唔常見嘅設施，真係非常窩心呀!! 就連洗手台都特設小童高度，超讚!! 餐廳門口仲有兩隻可愛嘅長頸鹿同大家打招...