【親子餐廳】非洲大草原主題。好玩遊戲區x波波池
荃灣 D.Park 係親子設施、商舖、娛樂最齊全嘅好去處，最近佢哋又有一間新嘅親子餐廳進駐啦！就係Play House Play Cafe啦，而今次佢哋係 以非洲大草原作為主題，場內有好多野生動物嘅公仔，佈置都超可愛、超有大草原氣氛呀！ 馬上去片~~~> 售票處，可以喺呢到登記安排進入餐廳。 **下面會有更詳細清楚嘅入場費資料 進入餐廳 / 遊戲區前都要搽上消毒搓手液，清潔雙手。 餐廳部份，都有至少四十多張台，亦有一間 Party Room 。 *餐廳另一側 Party Room都一樣，不失大草原嘅主題氣氛。 遊戲區 進入遊戲區，記得要除鞋及穿上襪子，如果無著襪嘅話，可向職員購買襪子，每對 $10 。 除咗鞋，記得放好入鞋櫃呀。 對面有啲好可愛嘅小朋友櫈，俾小朋友坐低除/ 著鞋。 非洲大草原主題，有樹屋、有動物。 一堆馬仔、斑馬、獅，小朋友可以坐上馬仔到遊走地下迷宮區。 機關重重嘅遊戲區，佢哋兩父女喺到做梗乜呢? 原來佢哋不停將波波放入個窿入面，係想集齊多啲波波，再按機關掣，啲波波就會從天而降啦！ 每間Playhouse PlayCafe都有嘅三色彩虹滑梯，登上滑梯口都幾個通道，今次和牛B揀咗呢條有障礙物嘅斜樓梯上，另外一邊亦有樓梯可以登上上層。 幼兒玩具區，如果 BB 太細的話，都有幼兒玩具。 又或者跳波波池跳到攰，稍作休息，玩較靜態嘅玩具。 遊戲區有唔少障礙物遊戲，又上又落，又有獨木橋，訓練平衡力。成個場嘅遊戲都係力量形，好有鍛鍊嘅功效，真係好攰呀！ 重點就是藍白色波海的波波池，仲有長頸鹿陪你玩波波池。 發電吹波 波山，按掣就可以啟動吹氣功能，不停將波波投入窿窿到，就可以不停將波波噴返出嚟。 地下同上層都有迷宮玩，大人要追住小人玩，真係好攰呀！！(哈) 下層嘅迷宮，和牛B仲驚喜發現咗Mickey Mouse呀！！ 上層有透明膠板天橋，讓小...