【新春好去處】Peppa Pig粉絲注意！Peppa新春開運遊樂園 @奧海城
今年係己亥豬年，第一時間你會諗到邊隻豬仔朋友?? 我哋當然第一時間就諗起「Peppa Pig」啦!! 超開心、超興奮! 因為Peppa Pig、豬先生、豬太太同埋細佬George一家，著上最新嘅中式服裝嚟咗奧海城同大家拜年!! 除咗Peppa Pig一家仲有Peppa嘅好朋友，Suzy、Candy、Danny及Pedro。 而成個奧海城2期商場中庭，有5大 場景俾Peppa粉絲影相打卡~ 花開富貴區 ，有Peppa Pig一家四口著住新年裝嘅公仔等大家嚟拍照留念之外，背景仲有由LED閃燈組成滿天煙花，真係好靚呀。 鼓動舞獅區 - 好友Candy及Pedro嘅舞獅區，小朋友仲可以幫手打鼓助興，真係好熱鬧呀~ 旁邊仲有唔少影相道具，拍照時使用。 5米高巨型風車 ，旁邊仲有數十個細風車，快啲嚟轉下風車。 新年嚟轉個好運啦~祝順風順水。 超巨型5米全盒 大大個金幣，係咪好想發個新年財呢~ 仲有大大塊Peppa 牌朱古力，你睇和牛B幾開心。 全盒嘅前面，仲有Suzy、George、Peppa同埋Danny。 DIY大型福袋磁石牆 牆上嘅揮春，係可以隨意拼貼上去。 場內仲有Peppa Pig免費填色區，提供顏色筆俾小朋友即場填顏色。 而成個商場都貼上Peppa Pig一家人以及好友嘅貼紙~真係好靚同好有新年氣氛呀~~ 舞獅嘅豬先生 打花鼓嘅Peppa 及George 拎住風車嘅豬太太 當然唔少得豬爺爺同埋豬嫲嫲。 【Peppa Pig新春期間限定店】 活動期間，商場特設Peppa Pig新春期間限定店，各位Peppa Pig迷可以即場購買最新嘅Peppa 產品添呀！ 作為一個忠實嘅Peppa迷，我已經睇上了解晒貨架上有啲咩款係好新同埋好抵買~ -露營車出咗新款嘅露營款，有營火、帳幕連一家四口及單車仔。 -迎年金豬大錢罌 -仲有兩款減價產品 -新出嘅一家四口公仔，豬先生同豬太太嘅尺寸比之前出嘅比例細返少少，價錢亦平咗。 -另外都有數款唔係間間分店都有嘅玩具套裝 限定店真係超多...