文章

顯示包含「BLW」標籤的文章

【和牛B個妹。Login成長日記】訓練BB獨立自己進食

圖片
2016年嘅時候,我曾經分享過我對和牛B嘅食飯守則。 和牛B喺婆婆家被婆婆照顧嘅時間,係傳統餵飯。 當假日我照顧嘅時候係進行BLW,所以妹妹當然都唔例外,亦以同樣嘅食飯模式。 當年和牛B係非常成功,佢歲半已經可以自己進食,唔需要我操心。 而且食完飯,佢都會乖乖坐喺位。 至於妹妹,妹妹食飯嘅時候係超專心。 但食完飯之後,就一定要離開座位去玩。 因為妹妹比較好動,好奇心超滿!! 但加固初期,妹妹就唔太鍾意食固體食物... 而且仲會經常流返晒啲粥仔出嚟~ 到妹妹開始明白到加固係咩一回事,佢就愛上了。 而我照顧嘅時候就採用BLW,讓佢感受用自己一雙手去拎食物放入口。 都係一種手、眼協調嘅訓練。 自己放到入手食,都係一個好好嘅食的體驗。 ^ BLW嘅小BB, 父母要有強大嘅心臟!! (正在食紅肉火龍果) 當然啦,從BLW去到自己拎餐具進食。 過程都好難捱,因為BB未掌握到,通常都會整到周圍、一地都係食物。 照顧者、父母們必需俾耐性,接受佢哋食到污糟邋遢!! BB們只要經過多次經驗、練習,就會掌握如何使用餐具。 作為父母、照顧者們必需學會放手,小朋友先可以長大、獨立進食。 ^ BB與大人同台食飯 我家妹妹從歲半開始,就已經係自己食飯。 佢亦唔需要我餵佢食飯仔,佢鍾意自己嚟。 如果我強行想餵佢食一啖飯,佢係會扭計發脾氣。 而每一次佢都會好專心食,仲要食到冇晒為止。 同時間,由BB加固時期,家長就要同BB培養食飯規矩。 BB與大人同台食飯 食飯時候,飯台係唔可以有玩具 (要培養佢哋食飯係要專心) 一定要坐好先可以食飯 食飯途中離開座位,就會收餐 **加固注意示項** 其實唔需要心急,加固因應BB成長情況而定。 和牛B同妹妹加固,我都係跟健康院指引。 等佢哋能夠自己坐立,坐穩先開始慢慢加固。 每樣食物,試一個星期,冇敏感再轉/ 添加食物款式。 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/

和牛b的成長日記 - 我們的食飯守則1、2、3

圖片
最近出席飯局,不論是朋友的、家族的。都總會聽到大家對和牛b的稱讚,說和牛b好乖,坐定定食飯。其實和牛b也有玩飯,扭計不要飯,甚至乎發脾氣掉餐具到地下的時候。 在最初和牛b加固自己坐在high Chair食飯時,我們已定下了規則,就是; 1.通常和牛b吃飯,我都會跟她一起吃。 2.還未吃完應吃的份量,是不能離開餐椅。 3.吃飯時請勿騷擾,即是說不要逗她玩,例如左右左右的玩Peekgaboo,因為這樣子會讓她不停將身體往後看,無視餵飯者,亦令和牛B會無心機進食只顧玩。 4.吃飯一定要自己坐在high chair上,如外出吃飯餐廳沒有BB櫈就沒辦法。 5.扭計嚷著不吃飯的話,要求離台。我會先跟和牛B說若你選擇不吃飯離台的話,媽媽就會收起那一餐,肚子餓都不會給零食充飢,直至下一餐。讓她知道吃飯時吃飯,遊戲時遊戲。 6.扭計不願吃,推匙,為了增添新鮮感,我會讓她自己拿起匙自己食。 7.當掉餐具時,我們會先告誡她,再犯就會罰企,然後再告訴她掉餐具是不對的。 8.遇到每吃一口會吐出來,我會將每匙的份量減半。 9.讓她感到吃飯是一件快樂的事。 以上的規則,我跟老公都是一致通過。有時候,跟老人家或其他人吃飯,老人家一定心軟或者會二話不說「我來抱你」,我通通都會阻止,因為有了第一次,小朋友就知道有下一次,甚至知道有人可以讓她"想點就點"。如果每次都這樣例外的話,那麼就不用吃飯了嗎? 我很嚴厲吧? 但我的宗旨都是希望和牛B吃得飽,長多點肉,作為父母這是沒有錯的! 我們還未用電子奶咀讓和牛b坐定定吃飯,但有時和牛b不耐煩,我會盡量拿出小工具,如圖書、我帶的手錶、紙巾(包)。或者外出吃飯的話,就隨手拿如餐牌等讓她解悶。不過,最近她比較想自己拿匙,所以我會準備2隻匙。 大家要加油哦! ---- --- ---- --- ------- ------- ------- ------- 歡迎聯絡我 & 和牛 B ,參加產品試用和活動 : email:  chungying56@hotmail.com Facebook 專頁 : 80's Mami –  和牛 B 嘅成長專頁