和牛B 的成長日記

和牛B夜晚瞓覺係一個比較扭嘅小朋友，基於初生時嘅生活環境同埋習慣影響之下。 和牛B平日係喺婆婆家過夜，而假日我自己照顧，當時餵母乳嘅我，我可以俾佢埋身食奶瞓覺。 由於和牛B夜晚瞓覺比較扭，為減輕婆婆嘅疲勞及容易照顧，所以喺和牛B大概3個月大時，我就買咗佢人生第一個奶咀。起初，和牛B都唔鍾意食奶咀，佢會吐返出嚟。慢慢佢對奶咀就起咗一份感情，同埋奶咀癮。 以前出街坐Car Seat、Hip Seat都唔洗食奶咀，變到一坐Car Seat就要食奶咀，喺Hip Seat想瞓又一定要有奶咀先得… 唔知由幾時開始，對奶咀產生咗呢種強烈嘅依賴。因為和牛B有濕疹，皮膚痕會特別憫，所以俾奶咀佢都有安撫之用。而我哋喺和牛B大概2歲半開始幫佢戒奶咀，對佢嚟講兩年幾嘅習慣，突然要改變，明白佢都需要時間習慣嘅。所以我唔會一下子全部情況都唔准佢食奶咀，佢崩潰大喊喊好耐時，大人都唔好受。 第一步：Car Seat 而戒奶咀，我哋分咗3步曲。首先當然係戒唔係最常遇嘅情景，就係坐Car Seat食奶咀。不過，食慣咗突然要戒，父母真係要忍耐一下。佢哋嘅堅持係可以好持久，會不停扭同埋喊。而我哋就會不停分散佢注意力，叫佢一齊唱下兒歌、、帶啲小玩具上車、睇下窗外面有啲乜，例如話我見到月亮先生呀。 戒期：大概4-6次車程 第二步：Hip Seat 坐Hip Seat時戒掉奶咀瞓覺，其實呢個相對地容易得多。因為佢寧願唔瞓，都要食奶咀，咁所以唔需要做啲咩，總之無奶咀就唔瞓。久而久之，佢太重之下我都無再用Hip Seat。 第三步：瞓覺 瞓覺食奶咀相信好多BB都會有呢個習慣，和牛B都唔例外。而作為一個在職媽媽，喺唔想影響日常工作情況下，我揀咗長假期(農曆新年假)開始幫和牛B戒奶咀。 當然要有個開場白，其實呢個方法未必係100%好，但對我哋和牛B嚟講係有效，而且係估唔到咁快就戒得甩。 和牛B姨媽有咗BB，而和牛B亦一直好期待表弟出世仲好錫表弟。所以我哋就同和牛B講佢大個女唔需要再食奶咀，奶咀就送俾表弟啦。 而以上嘅對話我就喺日常時間同和牛B講，而佢係應承咗。所以到睡前，當佢要求奶咀嘅時候我就會重覆及提醒返佢，佢應承咗戒奶咀同埋俾表弟。 而我最估唔到，佢只係喊咗1聲就無再要求，仲好乖合埋眼瞓覺。持續咗3晚，我哋就成功戒咗了。 戒期：3晚 奶咀，本身係一樣幾矛盾嘅安撫物品。BB瞓覺需要有安全感，咬住奶咀啜下啜下就會有安慰...

剛剛出世嘅和牛B大概只有6X cm身長，而家和牛B 2歲8個月，身高達87cm，算唔算好高? 我諗唔算，因為我同和牛爸爸都唔係生得高。但和牛B嘅身高就離90(cm)後不遠了，90後嘅世界有好多唔同嘅轉變。 可以玩到部份兒童機動遊戲、食放題要俾錢、搭港鐵要俾錢(達95cm高)… 諗返起初初出世嘅和牛B，細細粒，好似公仔咁，睇落去又瘦又長咁。 剛剛過咗一歲，學梗行路嘅和牛B，肥嘟嘟。o個陣時佢嘅高度，我哋手拖手都要屈膝遷就佢。   過咗一歲半有多嘅時候，明顯已經行得好叻，而我拖住佢手仔，已經唔需要喺高度上作太大遷就了。   兩歲半嘅時候，頭髮長咗好多，已經有一種少女嘅味道。你哋真係大得太過快啦…好快你會同我水平視線對望啦。 其實如果唔介意屋企幅牆劃花，我覺得有一幅度高牆都唔錯丫，係佢地成長印記嚟。 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

在BB成長階段，作為父母除了緊張BB健康之外，語言方面都是我比較緊張的一點，因為和牛B在兩歲前都是BB話跟疊字較多，所以我都比較擔心是否有語言障礙問題，不過在25個月後和牛B開始懂得說句子了。 還記得 1歲半健康院檢查的要求是懂得叫人及大約20組生字就算是合格，當時和牛B都是合格。 而在和牛B接觸及學習語言的同時，我最著重的就是發音是否正確，咬字是否清晰。父母千萬不要覺得帶點BB話好得意就讓BB一直說下去，這樣的話要影響下日後的語言學習，因為他們會以為是正確發音。所以發現發音、咬字不正確的時候，要馬上糾正他們。 ▲    語言是重要的溝通渠道，亦可以從遊戲中學習 語言是重要的溝通渠道，如果小朋友說的話句只有自己才明白的話，就會嚴重影響日後的社交生活，因為當他跟別人聊天但對方一句都聽不懂，要說多幾遍都未必有人明白的話，就更加嚴重打擊小朋友的自信心。所以發現小朋友說話上不清晰表達能力欠佳或發音不正確就要馬上糾正他及正視問題。 這個階段的和牛B，記憶力非常好，總會跟人說她回憶裡及記得的事情。不過每一次她都會令聽眾一頭霧水，因為她需要重組句子及故事。在這個時候，要引導她慢慢、清楚地再說一遍，問得更清楚更深入，她就會說到整個故事。 學習語言需要時間，但最重要就是父母協助她學會溝通。 如果想BB學習語言更進一步的話，家長盡量引導BB多說話，避免「是非題」，讓他們多運用就會有進步。 而跟小朋友多講故事，亦對他們有幫助，除了啟發他們的想像力之外，亦有助學習語言。 ▲    其實這本刊物「砵砵車」內的故事，我只跟和牛B講過一次，她的印象便非常深刻，亦非常喜歡。因為入面有故事小道具(人物及活動版面)，所以深深的吸引著她。 除此之外，在幼兒學習語言的同時，建議家長留意自己的說話是否過於粗俗。因為幼兒還未懂辨別句子上的對與錯，不想出現尷尬的情況，建議家長還是要慎言。 如果你擔心BB有言語障礙，可以留意一下BB/小朋友是否有以下情況； 先天因素： 1. 自閉、智障兒童 2. 兔唇、裂顎 3.  聽障 後天因素 ： 1. 表達能力欠佳 2. 理解能力欠佳 3. 咬字、發音不正確 4. 聲沙問題 5. 口吃 6. 社...