【限定好去處】AIA Carnival 超多兒童機動遊戲、大人細路都啱玩、好多迪士尼公仔
期待已久嘅AIA嘉年華又返咗嚟啦!!! 今年同往年一樣，都係喺中環海濱活動空間舉行，活動日期由即日起至2019年2月17日。 原來今年仲係5週年，而我哋今日都終於嚟咗玩啦~~ 唔知點解，今年覺得特別好玩。可能因為 和牛B已經3歲，又夠高，好多遊戲佢自己都已經敢玩。所以2張成人票及1張小童票，總共27個代幣，可以俾和牛B玩好多個遊戲~~ 我哋今年，寧願俾和牛B玩機動遊戲都無掟公仔，和牛B大概玩咗有5-6個遊戲。 而大部份舀童嘅機動遊戲都係3個代幣左右，所以如果全部都係玩3個代幣，我哋入場大概可以玩到8-9款兒童機動遊戲。 【 詳細機動遊戲資料 】 咁多年都有嘅滑梯~~ Chairs O Plane - 兒童版飛天鞦韆~和牛B話好好玩，足足玩咗2次~ Wave Swinger - 大人版嘅 飛天鞦韆，超超超刺激!! 加埋激光同煙霧效果，氣氛馬上推到最高!!! Helicopter Tower Ride - 由低慢慢升上去嘅卡市直升機，玩樂時間都幾長，至少轉3分鐘~~抵玩呀!! 90cm＋ (90-120cm需由成人陪同) Inflatable - Assault Course - 充氣彈床區，呢到足足有成3個大彈床。 Mini Planes (Mini Jets) - 其實類似迪士尼小飛象嘅遊戲，但變咗飛機。 和牛B又係好鍾意玩，又玩咗2次~~ Dodgems - 碰碰車遊戲~~130cm+ (105-130cm 需由成人陪同) Spinning Coaster - 呢個遊戲上年都有出現過，130cm+ (130-140cm 需由成人陪同) Atmos Fear - 鍾意刺激嘅大人夠唔夠膽挑戰一下?? Apple Coaster - 和牛B好大膽挑戰咗!! 我同牛爸都無呢個膽量，好彩同朋友齊去，朋友戈為照顧和牛B~ Race O Rama - 鍾意反斗車王嘅小朋友必玩~ Dumbo - 小飛象嘅遊戲~ 120+cm(90-120cm 需由成人陪同) 成人必需坐於外圍位置。 Train Ride - 轉圈圈嘅小火車，無年齡限制，只要有大人陪同BB都玩得~ Formula 2000 (Circuit 2000) - 呢個玩足4-5圈，圍圈行走。90cm就可以玩得o架啦~ 呢個遊戲，和牛B又玩咗2次~ 以森林做主題嘅波波池迷你Playhouse...