吃喝玩樂 – 生日一天精華遊 – 香港特麗愛3D美術館 – wildfire
一年一度嘅老公生日遊 , 我地唔係特別喜歡出國旅行。所以每一年 , 我地都係留港渡過。我地過往都係去海洋公園 , 探下一班動物仔 , 行下。但上年因為我陀住悠悠 , 所以取消左去海洋公園嘅習慣 , 擔心太操勞 ~ 。今年 , 帶埋悠悠 , 一家三口 , 但就唔去海洋公園啦 , 因為上年 9 月尾去左一次。今年香港多左好多優惠一月生日嘅人就正啦 , 勁多免費著數野。 o 係眾多嘅免費景點入面 , 老公揀左 香港特麗愛 3D 美術館 ( http://trickeye.com/hongkong / ) 。第一次去 , 稍後等我介紹一下呢個景點 ~ 第一次帶住悠悠過生日 , 第一次孭住悠悠去山頂搭纜車。纜車收費： $40/ 人來回票價。其實...勁多人, 如果唔係悠悠第一次黎, 我都真係打算搭小巴, 仲快上到山頂~ 最搞笑係, 悠悠 o 係上纜車前竟然瞓著左 ~ 架車去到一半佢先醒 ~ 都好啦 , 總算感受到個斜度 ~45 度角 ~ 到步第一站就係去依肚 , 食方面 , 我今年完全冇計劃 , 本身好想去阿甘蝦 , 但係 … 醫生嗌我餵人奶要戒口唔可以食海鮮 , 悠悠婆婆嗌我唔好食炸物 … 所以我放棄左。不過 , 都係堅持揀西餐 , 唔知點解 , 硬係覺得生日一定要食西餐 ~ 有冇人都係咁諗 ? 最終 , 去左有景睇嘅 wildfire, 環境好好 , 好寧靜 , 仲有香港景色睇。相信夜晚會更加靚呢 ! 食手指都要有靚景陪襯~幾威~真係好巴閉呀! ! 望住靚景, 真係心擴神怡! 悠悠都係第一次去到山頂~ 食咩好呢? 樣樣都想食, 悠悠B見到餐牌都笑得勁開心~揀埋一份, 不過...BB你未食得播~ 我地點左 3 道菜式 , 肉醬千層麵 , 好味道 ! 麵嘅質地少少煙韌 , 唔會淋到爛嘅感覺 ! 其次點了小食併盤 , 有煙三文魚好有心機卷到好似朵花咁 ~ 炸魷魚鬚 , 雞翼 , 薯仔角及餡餅。雞翼略為咸左 dd~ 餡餅好好味 ~ 重頭戲當然係安格斯牛扒配薯條 ~ 我地...