和牛B 的成長日記

  聖誕節長假期好快又到啦！又係時候要計劃去邊到玩啦~~ 今次和牛媽媽為大家介紹一個可以玩足一日嘅好去處俾大家，就係香港挪亞方舟嘅《寵樂童萌大派對》，呢個活動絕對係好適合一家大細，仲有屋企嘅毛孩 (如果有)! 今次活動主題《寵樂童萌大派對》，當然就係同寵物有關係啦~ 鍾意小動物嘅兩姊妹第一次體驗做獸醫《智萌小獸醫》，跟獸醫哥哥學習寵物習性，仲了解獸醫嘅日常工作。 你睇佢哋換埋大會提供嘅獸醫制服，幾享受、笑得幾開心！ 獸醫哥哥仲教佢哋點樣幫小動物消毒傷口同包紮，仲有幫小動物做手術!! 真係學咗唔小知識呀!! 遊戲代幣: 4個 另外，仲有我哋最鍾意嘅手作工作坊《毛絨小萌寵DIY》，利用簡單材料，就可以製作自己獨一無二嘅狗仔、兔仔或熊仔。 當日有啡色同白色材料揀，不過兩姊妹都話要啡色~ 遊戲代幣: 4個 除咗學做獸醫同做手作之外，亦有小朋友最鍾意嘅動物造型糖果製作《甜趣動物糖DIY》、利用食用印刷術，揀張自己鍾意嘅相，打印獨一無二嘅曲奇《聖誕曲奇設計工房》。 估唔到《甜趣動物糖DIY》糖果係咁容易做，小朋友自己都可以一手一腳完成呢個咁好味嘅糖果~ 遊戲代幣: 6個 而《聖誕曲奇設計工房》係利用食用印刷術，揀張我哋最鍾意又有紀念價值嘅相去印曲奇，老實講真係唔捨得食咗佢呀!!! 遊戲代幣: 6個 除咗以上限定活動之外，香港挪亞方舟其實仲有好多嘢睇好多嘢玩。 《e-Planet 夢想星球》係香港首個以大自然光影互動展館，係沉浸式體驗~ 入面可以穿梭森林、海洋、四季和未來城市四個展區。 嚟到呢到必去方舟花園，兩個女都係讀有宗教嘅學校。 所以佢哋都略有概念，打個卡留個念係必須嘅~ 仲有心形打卡位~~ 今次嚟到又忍唔住再喺《啤啤熊之友製作室》，整咗一人一隻啤啤熊返屋企。 啤啤熊仲有出世紙㗎~而家佢哋兩姊妹，當佢真係BB咁樣照顧㗎~ 套裝價$300公仔連服飾，啤啤熊仲有四款熊仔皮選擇~ 仲有超級放電嘅兒童遊樂場呀!!! 今次香港挪亞方舟嘅活動，有得食又有得玩，兩姊妹表示超滿意呀~ 仲有優惠$120門票 (原價$198)，你哋都快啲買飛去啦~ https://www.kkday.com/zh-hk/product/32218-noahs-ark-hong-kong-ticket?cid=14923 *每購買兩張遊客門票可獲贈10張遊戲代幣及總值$200現金券，遊戲代幣可用於參加活...

一向好鍾意香港懷舊特式嘢嘅我，今次率先帶咗和牛b去挪亞方舟嘅復活節活動「童遊反斗時光機」。 今次嘅主題活動，全部都以昔日老香港情懷為主。 懷舊香江製麵館 由李錦記及徳國寶贊助，由大師父即場教授，點樣用製麵機以麵粉、天然食材製作健康麵團。小朋友自己落手落腳做，麵都特別好食啲。 ^ 今次製麵嘅好幫手德國寶製麵機 和牛b同爸爸一齊整麵，完全估唔到，整麵原來係咁簡單，和牛b都輕易做得到呀！ 製麵期間，挪亞方舟嘅吉祥物，仲一齊參與我哋嘅活動。 完成麵團後，可以揀選蕃茄濃湯或豬骨濃湯，仲可創作自己專屬嘅包裝袋添呀！ 麵團口味 : 紅菜頭、紅蘿蔔、菠菜 (三選一) 【活動需使用4張遊戲券】 維他奶砵仔糕工作坊 砵仔糕絕對係香港懷舊特式小食之一，今次係和牛b第一次整砵仔糕，材料好簡單。 最估唔到係用平日最常飲嘅維他奶荳奶或麥精，都可以輕易製作到。 完成砵仔糕仲可以帶返屋企，同屋企人慢慢品嚐。 **場內仲設有維他奶盒回收，飲管及以清洗乾淨之紙盒。 【活動需使用3張遊戲券】 養生花茶體驗坊 舊式茶館嘅場景，擺滿了製作花茶嘅材料。 再加上和牛b著上茶館師傅制服，就更加可愛呀！ 而體驗坊可以製作三款傳統養生花茶茶包，有桂花雪梨茶、蘋果山楂茶及檸檬薏米茶。 【活動需使用3張遊戲券】 情尋康樂棋製作室 康樂棋你玩過未？ 我仲記得細個最常玩就係康樂棋、飛行棋。今次仲可以同和牛b一齊創作專屬嘅康樂棋，回憶更加深呀！ 由摺紙盒開始，都係自己一手一腳做。 【活動需使用2張遊戲券】 巨型懷舊遊戲競技場 呢個場景超吸引，因為入面嘅遊戲係我細個時玩嘅變大版，真係咩回憶都返返嚟呀！ ^ 3米 x2.6米嘅巨型波子棋 ^ 2.4米 x2米嘅超大彈珠台 ^ 神槌大力士 成功完成3個遊戲，仲可以換領小禮物一份。 古董巴士合拍區 熱狗巴士我有搭過，但係挪亞方舟展出嘅呢兩款巴士，「大水牛」麗晶5型雙層巴士及「亞比安」55型單層...