和牛B 的成長日記

之前長期留喺屋企，所以屋企添置唔少玩具、家品、用具。 分享一下最近買嘅多用途兒童桌，我覺得價錢再加上質量都係真心好!! 台嘅價錢大概RMB200左右，就有一張伸縮桌連兩張櫈。 其實張台最吸引我嘅地方，就係除咗可以伸縮之外，仲配有兩塊積木板 (係Lego兼容)。 一塊板係適用於標準積木，另一塊板係適用於Lego Duplo玩樂。 ^ 兩張櫈，一人一張唔洗爭。 另外，將呢兩塊板反轉，仲可以變成白板進行學習。 或直接棟起，都可以當白板使用。 有時，想兩姊妹一齊學習、做手工、畫畫，亦可以當成學習台用。 如果鍾意玩沙或水，亦都可以!! *套裝附送白色防漏水塞，不過質地好柔軟...喺玩水途中，妹妹手多篤咗個塞一下...結果漏到一地都係水 (哈) 同時黃色呢張台，亦可以變成收納盒。 兩姊妹想撐台腳亦得，只要將張台收返一邊，就可以變返一個方形台。 而且，組裝非常容易簡單。 購買鏈結:   https://bit.ly/3vkTud9 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/

講下講下又已經8月了，再眨下眼和牛B又要準備入讀K1幼稚園班。 第一個開學日，我心情好緊張，除咗要開始調節和牛B起床時間，自己同佢嘅心理都要調節一下。 另外，要準備嘅嘢都唔少，防水嘅姓名蓋印、迷你熨斗、通告回條掛袋、姓名貼、打底背心、褲仔同埋襪。 不過，我實在太忙，今次主要同大家介紹 防水嘅姓名蓋印、迷你熨斗、通告回條掛袋。 【姓名蓋章】 上個月返學校開新生家長會，先知道所有衣物、鞋、手巾仔、用具都要有蓋名/ 貼上姓名貼。 原因係以免同學仔互相交換咗都唔知，又啱嘅小朋友自己都未必認得，老師又點會認得呢?! ^淘寶價RMB59  防水洗嘅姓名蓋章，即係拎去洗衣機洗洗完都唔會甩色嘅神奇印。 我從淘寶訂購咗一個，質素都幾好，只係略嫌中文字體太幼身，如果蓋印喺毛巾或紋理較多嘅布料上，就會唔太清晰。 而我訂嘅呢個，只係 RMB59  (未計運費)。 ^ 蓋於棉質上面，非常清晰。 ^ 蓋於校服裙上嘅牌仔。 ^   蓋於紋理較多嘅紗巾上面，會有少少唔清晰。 我分享一下將姓名印印在紋理較多嘅紗巾上再經過浸、洗過程後嘅變化。 ^ 蓋印後，力氣不太夠唔算好深色。 ^ 馬上浸水浸過夜 (超過8小時) ^ 臨放入洗衣機前，再搓咗紗巾幾下，唔甩色!! ^  拎埋入洗衣機洗，係矇咗少少!!  其後再試蓋印時蓋得深色啲，再洗浸過後，仍然保持到顏色。 而以我所知，呢個樣嘅印章外國正貨正品係DIY自己砌英文字母粒嘅。 所以如果有得訂中文名嘅，絕對係淘寶款嚟嘅。 價錢大概由RMB50不等，但我會建議大家睇多幾個賣家入面嘅售後評語再訂購。 雖然係淘寶訂，但係你都可以同賣家講，我要繁體中文字。 同埋佢仲有好多款卡通人物俾你揀，中文名+英文名+卡通公仔。 [  購買連結  ] 【 迷你熨斗 】 我本身無買熨斗，因為和牛爸爸唔洗著西裝，所以呢個產品對我嚟講唔係好需要用。但係和牛B返學，要著校服裙，無理由洗完「巢蚊蚊」咁返學嘛。 為咗整齊起見，我就決定買個熨斗。 但係，屋企細唔想再買大型物件，所以我又搵迷你版嘅熨斗。 大家可能會話「買電器我真係唔敢買淘寶」我認同，但係熨斗都係用一陣，熨一件衫不過2-3分鐘。所以我覺得係可以接受嘅，而價錢只係RMB26 (未計運費) 由於係大陸貨，所以插頭係兩個(扁腳)，需要用萬能插蘇。 唔好以為佢細細部，其實佢...

喺陀和牛B之前，我係百分百嘅咖啡控，每日一啡係指定動作。 如果當日唔飲咖啡，我係會有種周身唔自然，同埋集中唔到精神咁。 但係飲二合一沖劑咖啡，味道絕對唔可以媲美咖啡店嘅香濃咖啡味!! 陀B、生B後，經歷咗三年無啡生活，我終於可以重投每日一啡啦!!　但係每日一杯名牌咖啡，就有少少奢侈了。 首先飲咖啡係鍾意咖啡嘅香味，提神對我嚟講只係幻覺。 而我今次同大家分享嘅好物係，方便到可以喺屋企、公司甚至乎野餐都得，幾分鐘都能夠嘆到香濃咖啡!! 所需配備「 Minipresso 手壓濃縮咖啡壺 」， 少量嘅熱水、咖啡粉。再配合適當擠壓，近乎8bar嘅壓力自動生成後，豐富濃郁嘅特濃咖啡就會被萃取出嚟。 Minipresso 嘅 外型設計好有型，以膠囊為概念，高 16.5 厘米、重量約 360 公克，方便攜帶。 可提供116psi ( 約8bar )  嘅 壓力，採用手動加壓方式萃取咖啡，亦唔需要用任何電力，外出時只要有咖啡粉 (約7毫克)、熱水 (約70毫升) 就可以沖煮咖啡，基本上就連去野餐都可以嘆咖啡！  等我真人示範一下佢嘅使用方式； 1.扭開咖啡杯 2.扭開咖啡隔 3.取出咖啡濾隔 4.將 咖啡粉倒入濾隔 5.將 咖啡濾隔與 咖啡隔安裝好 6.扭開熱水槽蓋，加入熱水 **留意加入熱水時，唔好超過界線 7.轉動解鎖 8.扭開頂蓋，準備好咖啡杯 9.不停按壓，就會劑出香濃咖啡 ★    我 嘅 小 貼 士  ★ 大家可能睇片段都會見到我倒入咖啡粉嘅時候，會搞到一台都係。 要沖 膠囊咖啡粉，基本上咖啡粉同奶粉係分開個兩裝。 而咖啡濾隔係唔能夠容納兩樣嘢，所以我就唯有要借用和牛B一個奶粉隔嚟將膠囊咖啡粉及奶粉混好。 倒入已混好嘅咖啡粉入濾隔更乾手淨腳，而一套咖啡膠囊混好之外，仲可以分兩次用。 每日只需5分鐘嘅時候，就可以即時嘆到熱咖啡啦~ 關於更多「 Minipresso 手壓濃縮咖啡壺」詳細資料及購買連結。 <請按此 > ------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyub...