和牛B 的成長日記

啟德郵輪碼頭係一個假日拍拖、親子、放空嘅好去處，因為呢到好好多草地可以俾市民野餐、休憩，入面仲有一間親子餐廳「紙飛機」。 但我今次並非介紹親子餐廳，而係想分享一下天台公園賞花。 惜花、賞花之人一定要嚟打個卡呀!! 到處都係唔同品種嘅花，真係心曠神怡，心情都好放鬆呀!! 而今次最重點想講嘅係，有一堆靚到好似櫻花嘅紫荊樹!!!  真係好靚!! 有白色有紫粉紅色!! 唔行近啲睇，差啲俾佢呃咗呀!! 樹底下拍攝，都一樣好有Feel!! ^ 仲有噴泉廣場 前往方法： 小巴:  綠色專線小巴86號 路線：往返郵輪碼頭 至 九龍灣港鐵站（德福花園） 服務時間：6:40am - 11pm 收費：每程 $6 車程：約為8至25分鐘 上落車地點 – 德福花園（九龍灣地鐵站A出口)：德福廣場二期地下巴士總站。[ 按此查看地圖 ]   巴士: 九巴5R  路線：穿梭行走郵輪碼頭、牛頭角及觀塘港鐵站  服務時間：星期一至星期五：11am - 4pm; 星期六、日及假期：11am - 7pm 收費：每程 $6.7  車程：約為30分鐘  上落車地點 – 牛頭角地鐵站A出口[ 按此查看地圖 ]  上落車地點 – 觀塘地鐵站A2 出口: APM 巴士站 -觀塘路 [ 按此查看地圖 ] 渡輪 ：富裕小輪 航線：經啟德跑道公園碼頭往來北角及觀塘碼頭 服務時間： 按此下載詳細時間表 收費： 成人單程每位：$6 長者 (65歲或以上）/小童（12歲或以下）/傷健人仕 單程每位：$3 的士: 從九龍灣上車大概車費$50左右 私家車:  113個時租車位 開放時間：7am - 11pm  收費：星期一至五：$10/小時；星期六，日及公眾假期：$15/ 小時 啟德郵輪碼頭 地址：九龍承豐道33號啟德郵輪碼頭 http://www.kaitakcruiseterminal.com.hk/ -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami   ...

香港地其實有好多特別嘅地方，放假唔一定要高消費嘅。今次我哋就用半日時間去咗港島南區玩， 路線：香港仔> 鴨脷洲(街渡)>  鴨脷洲兒童遊戲室 > 風之塔公園> 地鐵南港島線 (利東站) 話時話郵輪搭過未? 我哋未搭過 咁去長洲嘅大船搭過未? 我哋搭過 咁街渡(卜卜仔)呢? 和牛B未搭過 今次我哋就來到香港仔海濱公園乘搭街渡 (卜卜仔) 過海前往鴨脷洲，船費都好平，而且係可以用八達通俾船費，超方便。 船費：成人$2.2, 小童$1.2 (12歲或以下)。 旁途仲有船可以去珍寶海鮮坊。 啱啱上船和牛B有少少緊張，好快睇到出面有咁多船景睇，佢就變得好開心好興奮。 船程大概5分鐘內，可以感受海風，又可以睇風景感受到漁村風味。 落船後，和牛B好想自己行橋過海，沿路仲見到船家喺到將收穫加工。 一落船步行唔洗5分鐘，就可以到達鴨脷洲體育館 (一樓)。 鴨脷洲體育館 - 兒童遊戲室 遊戲室嘅主題，名為「小魚仙」。面積大概140平方米，每節只限30人進入，而遊戲室嘅走動空間都足夠。設施唔算好多，大概有5組設施，比較適合幼兒及3-6歲小童。 適合幼兒嘅攀架滑梯遊戲組，又上又落，放咗唔少電。 殺人鯨滑梯組 波浪形嘅軟墊跑道，超放電呀!!! 唔知和牛B來回跑咗幾多次，眼都花埋呀 仲有個泳池添~唔落水都可以喺池邊訓練平衡力o架~   場內設有鞋架，進入後必須除鞋及穿上襪子。 地址：香港鴨脷洲洪聖街8號鴨脷洲市政大廈1樓 電話：2554 0832 開放時間：9am - 8pm (2pm - 3pm不開放) *每節時間50分鐘至1小時 離開兒童遊戲室，附近有一個 小寵物互動區 (即狗公園)，活動空間唔算好大，但至少都有一個寵物休憩地方。 另外，仲有風之塔公園，入面有一個兒童遊樂場。 兒童遊樂場有組滑梯組 滑梯組都有多組設施玩，有斜台架、樓梯等。   ...