和牛B 的成長日記

我哋上一次錯過咗，因為太太太受歡迎所以超full，今次佢哋再度回歸!! 我哋終於可以帶到兩位小姐去《角落小夥伴》主題期間限定店啦!! 當然都要多謝老公今次咁叻仔，一收到風就馬上上網Book台~ (文末預約方法) **以我所知，餐廳分好時間亦好Full，所以只接受網上預約 (不設walk-in)。 和牛B知道去《角落小夥伴》主題餐廳，所以都特意搵返件衫、帶埋佢私伙嘅公仔一齊去~ 一去到餐廳門口，佢哋已經超級的興奮!! 衝呀~ 講真，我見到都好開心!! 平時都覺得佢哋好cute，而家仲放大咗咁多!! 餐廳入面有超級巨大版嘅角落生物，咁你想邊個陪你食飯呀?  佢哋有炸豬扒、炸蝦尾、貓、白熊、企鵝等。 預約嘅時候，仲可以揀自己鍾意嘅角色嘅主題台。 和牛b就鍾意炸豬扒、蝦尾同貓貓。 所以爸爸book咗炸豬扒、炸蝦尾台。 餐廳入面其他嘅人物台~~ 餐廳係主打台式美食，因為今次係《角落小夥伴》主題，所以餐廳特別附有主題美食。 ^ 殘忍嘅飯~(哈) [ 餐廳Menu ]     我哋點咗貓炸花枝丸、角落小夥伴兒童餐、炸豬扒咖哩飯、角落小夥伴包，三杯飲品(炸豬耕黑糖珍珠紅茶拿鐵、白熊可可棉花糖2杯)，一份甜品 (布甸)。 角落小夥伴兒童餐 (山鹽酥雞滷肉飯、章魚腸仔、沙律菜、粟米)  炸豬扒咖哩飯 角落小夥伴包 (原味饅頭、奶皇包、豆沙包) 鬆軟，而且好足料! 睇妹妹個樣就知，好味道~ 角落小夥伴布甸 (三款選擇: (貓) 芒果布甸、(白熊) 椰汁糕、(炸豬排炸蝦尾) 朱古力布甸) 布甸面頭 白色部份有帶少少咸少少酸，至於朱古力部份唔會過甜偏淡。 不過，真心我哋個人麻麻地面頭嗰陣味道~ 白熊可可棉花糖 炸豬耕黑糖珍珠紅茶拿鐵 - 我諗形容為珍珠奶茶會更加貼切，不過好飲的~ 食物份量唔算太大份，但我覺得食物質素係ok㗎。 不過作為主題餐廳，打卡嘅地方都多㗎。 而且真係好震撼，因為佢哋巨大咗好多~ 超可愛呀~~~！ 餐廳設每人最低消費 $100 (5歲以下小童不包括在內)，留意用餐時間為90分鐘。 餐廳墊台紙都一樣咁靚!!!  餐廳入面仲有佢哋嘅日本商品出售，所以2個女都超級開心呀！ ＊預約小貼士＊ Book位只限尖沙咀分店，暫時只開放預約至4月30日，每個月嘅8號中午12:00會開放下個月嘅預定。 預約連結: https://in...

每次嚟到MegaBox，和牛B每次都剩係諗起熊仔餐廳。 不過，食得多已經有啲悶啦... 所以，今次我哋去咗另一間餐廳食。 多謝朋友嘅介紹，真係唔錯，而且好特別!! 餐牌上都好多食物選擇，真係樣樣都想食呀。 係日式嘅餐廳，兒童餐真係超特別!! 因為係流水麵兒童餐，和牛B都係第一次食!! 另外，點咗另一份係飯團為主食嘅兒童餐俾妹妹。 我哋大人就各點一份餐，老公點咗呢款雞扒。 不過雞扒個皮有少少燶.... 我就點咗牛舌烏冬，仲有個焦糖燉蛋~~ 以後去MegaBox又多個開飯選擇啦~ [ 餐牌 ] 【竹虎京堂】 地址: 九龍灣宏照道38號Megabox 10樓4號舖 電話: 2177 2108 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================