和牛B 的成長日記

  北上除咗吃喝、大型 Playhouse 、動物園玩之外。如果想輕鬆一點，都可以嚟體驗下掘寶石活動，不同收費有不同嘅寶石選擇。最平 RMB 89 就有得玩一次，而且係不設限時，所以小朋友可以慢慢玩、慢慢體驗同享受掘寶嘅過程。 喺開始之前，可以先揀定想要邊款寶石 / 水晶石，店員就會為你準備好。 寶物藏於白沙入面，小朋友可以不停來回用水慢慢沖走白沙，呢個過程可以訓練小朋友嘅耐性同專注力。 ^ 紫晶都有呀 !! 仲大大粒㗎 因為妹妹年紀少，所以妹妹係呢一個遊戲玩法，喺沙泥入面掘寶藏，將鍾意嘅水晶石或貝殼放入寶藏箱，可以入滿佢帶走。妹妹呢一個係 1 小時任玩，可以慢慢掘、慢慢揀。 享受尋寶樂趣之餘，妹妹仲可以體驗埋玩沙，真係唔錯嘅體驗。 掘完寶石同貝殼，可以過嚟沖走沙石帶走返屋企啦 ~ 妹妹嘅寶藏箱入面有寶石同埋具殼，全部都係自己掘出嚟，揀啱帶走㗎。 和牛 b 嘅水晶石都有半桶滿㗎，而且都幾靚，有咁多送俾朋友都得呀。   價目表參考 : 【地球寶藏樂園】 地址 : 深圳笋崗萬象食家購物中心三樓 前往方法 :  首先從香港搭港鐵去到落馬洲站，過晒關後。就轉搭深圳地鐵搭乘 4 號線搭一個站去福民，然後轉乘 7 號線往太安方向，去到笋崗站落車 A 出口就直返商場啦，超級的方便呀 ! 記得關注我哋，留意最新玩樂景點呀 ~ 記得 Like & Follow 我哋 Facebook 同 IG 呀 ! http://www.facebook.com/80smami/   http://www.instagram.com/wagyubmami/ https://www.youtube.com/@wagyubbmami/

  再北上遊玩，我哋今次帶咗兩姊妹去《 深圳野生動物園》玩~ 原 來呢到已經開咗30年啦!! 園內有超多野生動物睇，而佔地面積有64萬平方米，真係超級大㗎!!! 而園內有近萬隻野生動物，當中亦有唔少世界珍禽名獸及國家一、二級嘅保護動物。例如華南虎、 東北虎、 金絲猴、火烈鳥、 丹頂鶴、 麥哲倫企鵝、長頸鹿、斑馬、亞洲象和犀牛等。 還有動物園自己繁殖嘅虎獅獸及獅虎獸!!! 記得出發前，先預訂門票呀~  價錢HKD 99/人起  (每張成人門票可帶同一名1.2米以下的兒童)  https://www.kkday.com/zh-hk/product/29259?cid=14923 今次我哋嚟到，都玩唔晒、睇唔晒啲動物呀!! 我哋...又要Plan下次再嚟玩過!! 所以呢，出發前一定要先做好功課，清楚想睇咩嘢就先去~ 另外，入場後都要留意表演時間表。 園區好大，其實配套上佢哋都好貼心。 有付費嘅觀光小火車或者付費智能伴遊車。 觀光小火車會途經6個站，收費方面都合理，可以揀一個價錢不限次數或者單次乘坐。 <不限次數> 成人: RMB 40/人, 身高1.5米以下的兒童或65歲或以上長者: RMB 20/人 <單次>  成人: RMB 30/人, 身高1.5米以下的兒童或65歲或以上長者: RMB 15/人 智能伴遊車，就好似電動嘅家庭單車咁。 一架車大概可以載4人， 首1小時RMB 120，一小時後RMB 60/30分鐘 由於我哋一行6人，所以唔太適合租智能伴遊車。 而且價錢比較之下，小火車抵玩好多。 但就唔及 智能伴遊車咁點對點，所以都係隨個人喜好啦~ 園區入面共有4間餐廳，天鵝餐廳、馬戲餐廳、猿猴餐廳、海洋餐廳。 再提提大家北上遊之前，記得一定要開通好所有電子支付工具呀~ 場內有好多付費餵飼動物環節，都係主要用電子支付掃碼付款。 每份飼料一般都係RMB 20/份左右，記得如果想坐車餵獅子。 一定要預早購票呀!! (RMB 50/人) 我哋當日太遲去...已經賣晒車票，冇得搭車餵獅子老虎食嘢。 但坐唔到車餵老虎，其實都可以從高處觀賞老虎。 注意! 園區內有好多動物可以企埋隔離/坐上去影相，不過要俾RMB 20，我就覺得唔太抵啦~ 所以靜靜雞講，企遠少少影啦~免費 (哈) 同時呢到好多動物都可以俾錢買飼料...