和牛B 的成長日記

2016年嘅時候，我曾經分享過我對和牛B嘅食飯守則。 和牛B喺婆婆家被婆婆照顧嘅時間，係傳統餵飯。 當假日我照顧嘅時候係進行BLW，所以妹妹當然都唔例外，亦以同樣嘅食飯模式。 當年和牛B係非常成功，佢歲半已經可以自己進食，唔需要我操心。 而且食完飯，佢都會乖乖坐喺位。 至於妹妹，妹妹食飯嘅時候係超專心。 但食完飯之後，就一定要離開座位去玩。 因為妹妹比較好動，好奇心超滿!! 但加固初期，妹妹就唔太鍾意食固體食物... 而且仲會經常流返晒啲粥仔出嚟~ 到妹妹開始明白到加固係咩一回事，佢就愛上了。 而我照顧嘅時候就採用BLW，讓佢感受用自己一雙手去拎食物放入口。 都係一種手、眼協調嘅訓練。 自己放到入手食，都係一個好好嘅食的體驗。 ^ BLW嘅小BB, 父母要有強大嘅心臟!! (正在食紅肉火龍果) 當然啦，從BLW去到自己拎餐具進食。 過程都好難捱，因為BB未掌握到，通常都會整到周圍、一地都係食物。 照顧者、父母們必需俾耐性，接受佢哋食到污糟邋遢!! BB們只要經過多次經驗、練習，就會掌握如何使用餐具。 作為父母、照顧者們必需學會放手，小朋友先可以長大、獨立進食。 ^ BB與大人同台食飯 我家妹妹從歲半開始，就已經係自己食飯。 佢亦唔需要我餵佢食飯仔，佢鍾意自己嚟。 如果我強行想餵佢食一啖飯，佢係會扭計發脾氣。 而每一次佢都會好專心食，仲要食到冇晒為止。 同時間，由BB加固時期，家長就要同BB培養食飯規矩。 BB與大人同台食飯 食飯時候，飯台係唔可以有玩具 (要培養佢哋食飯係要專心) 一定要坐好先可以食飯 食飯途中離開座位，就會收餐 **加固注意示項** 其實唔需要心急，加固因應BB成長情況而定。 和牛B同妹妹加固，我都係跟健康院指引。 等佢哋能夠自己坐立，坐穩先開始慢慢加固。 每樣食物，試一個星期，冇敏感再轉/ 添加食物款式。 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/

戴口罩、買口罩買到窮，已成為生活一部分... 回想返， 和牛B個妹妹出生於疫情最嚴重嘅時期，好記得當時住醫院都提心吊膽。 自己住醫院期間，全程包括瞓覺都戴口罩。 只有在進食、飲水期間先除低口罩... ^ 妹妹當時仲係半歲前，所以未能戴口罩 但BB可以點呢? 咁細嘅BB唔可以戴口罩，因為佢哋呼吸比較弱，所以係絕對唔可以戴口罩!! 我唯一嘅辦法，就係帶定便攜式嘅空氣淨化機放喺BB床入面(放於安全位置)。 仲記得妹妹出院嘅時候，就最為擔心.... 當時防飛沫罩仲未盛行，市面亦未見有得買。 我唯有單手抱住妹妹，另一隻手拎住「立體口罩」幫妹妹遮擋，再上車返屋企。 到第一次返健康院，仍然未有 防飛沫罩。 同樣唯有 單手抱住妹妹，另一隻手拎住「立體口罩」幫妹妹遮擋或者餵奶巾。 後來市面上，終於推出更多適合嬰幼兒使用嘅防疫裝備。 真係超方便，而每個階段都有唔同嘅裝備可以選擇。 最初，妹妹仲細我會考慮推BB車加雨擋，就最全面! 而妹妹亦喺BB車入面，亦唔需要戴口罩同埋防飛沫罩。 到天氣好熱嘅時候，我哋嘗試過用呢款防飛沫罩。 不過，掛頸呢條繩一定要將兩邊夾實喺BB車先比較安全。 但如果BB大力拉扯...就通常都遮唔到BB了..... ^ 妹妹當時仲係半歲前，所以未能戴口罩 另一個方法，同樣唔太work... 因為BB瞓喺BB車，頭仔左右郁動的話。 防疫帽會走位，同埋罩會飛起… 所以，唔係好夠周全保護呢.... ^ 妹妹當時仲係半歲前，所以未能戴口罩 如果用Hip Seat的話，用掛頸款防疫帽。 頭頂部份冇密封，少少通風...不過天氣熱都係會焗到妹妹出晒汗...T^T ^ 妹妹當時仲係細，所以未能戴口罩 到BB可以自行坐好嘅時候，戴防疫帽尚算可以遮擋。 ^ 妹妹當時仲係半歲前，所以未能戴口罩 到妹妹差唔多10-11個月大，我哋就開始同佢訓練戴口罩。 最初，我哋都會喺屋企同佢習慣一下。 但本能反應，佢第一件事就係會扯甩口罩，都係正常反應。 所以，最初經常都會扯爛口罩... 後來，外出我哋為咗安全起建。 戴口罩之外，都會戴上防疫帽/ 掛頸式防飛沬罩。 以防萬一，而呢個外出方式。 亦可以令BB習慣，外出係要戴口罩。 而家妹妹一歲半，已經習慣喺街要戴口罩了。 雖然，妹妹已經習慣戴口罩。 但當遇上妹妹扭計嘅時候，口罩都係會扯爛無數個... 所以，出街手袋一定要帶備4-5個以上嘅口罩.......

早前都有分享過關於幼稚園面試或學前嘅教材，今次我再自製咗一款讓小朋友感興趣而有可以每日學習嘅教材俾和牛B。 每朝起身俾佢換一次日期、星期、天氣嘅卡牌。簡單嘅動作，每天都做，就會非常深刻。 大家可能會問，街上面都有得買日曆/月曆啦。 但係日曆再配合天氣嘅話，似乎又真係未見過。 小朋友定力、專注力係需要培養，要佢哋坐定定去學習，係有難度。 只要配合遊戲方式進行學習，充滿好奇心嘅小朋友係會特別鍾意玩，同埋係會特別有印象。 我將佢貼喺房門/ 牆上面，都可以好整齊好方便。 如果唔上貼上牆/門，亦可以每次玩完後整齊收好。 如果想要 #和牛媽媽 製作嘅教材，請即登入 https://goo.gl/LzPQXW ， 並做齊以下三個步驟就可以了; (1) 「Like讚好」 和牛b的成長日記 專頁 (2) 「Like讚好」 & 「Public Share公開分享」此 Facebook post (3) 留言「想要 #和牛媽媽 製作嘅日曆教材」及tag 3位Facebook朋友 <其他教材> 【學前教材分享】自製幼稚園面試教材/學前教育 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

較早前，我哋透過和牛 B 嘅相發現佢雙眼似乎出現咗一啲問題，我哋留意到和牛 B 左眼瞳孔喺有啲情況下會出現瞳孔向入 ( 眼角 ) 傾。 於是，我哋去健康院查詢有關問題，健康院姑娘好好，亦為我哋免費安排到健康院問症及檢查。 當日去到健康院，一如以往需要度高同磅重。姑娘話體重、身高於正常合格水平。 然後，再等叫名姑娘再問一次我哋發現嘅問題。問完症之後，再到大堂等叫名。終於見到醫生，醫生有了解我哋嘅情況，而醫生都簡單說明咗斜視、假斜祝同埋鬥雞係啲咩。 什麼是斜視 ? - 正常的人看東西時，兩隻眼睛的視軸平行，雙眼望向同一方向。 - 斜視是指看東西時，雙眼的視軸不平行，一隻眼珠注視目標，另一隻眼珠望向其他方向，視線偏離目標。 - 不正常的眼珠可以向內、外、上或下傾斜。內斜視是其中一種較常見的斜視。 * 資料來源自衛生署 健康院醫生利用電筒叫和牛 B 眼睛追光，醫生話和牛 B 眼睛係追到晒所有位置。但係去到斜視呢一個問題，健康院方面嘅儀器就未能 100% 斷症。所以建議家長儘早去眼科專科醫生到檢查，唔好拖到四歲政府檢查。 (* 留意一般眼鏡舖視光師係未能斷症 ) 終於約咗一位眼科專科醫生幫和牛 B 檢查眼睛，醫生幫和牛 B 做咗幾個簡單檢查，包括用一把有圖案嘅間尺，同樣係測試和牛 B 瞳孔可唔可以正常郁動追到圖案。 電筒照清雙眼瞳孔、用手遮蓋和牛 B 一邊眼睛做測試。 結果得出和牛 B 絕對係 100% 無鬥雞、無斜視 ，而點解我哋會覺得和牛 B 左眼瞳孔向入傾呢 ? 就要追溯返「無人係完美」呢一點，和牛 B 左眼眼角皮膚比右邊生得長，所以遮蓋眼角 ( 眼白 ) 部分比右邊多咗。所以視覺上，佢左眼瞳孔就好似向入傾。 醫生證明和牛 B 並無鬥雞無斜視嘅說明 1.    當醫生用手遮蓋和牛 B 左眼，左眼瞳孔自然向外走，醫生話呢個情況叫外斜視，普遍嘅香港人都有呢個情況。而當瞳孔會向外傾嘅話，就即係唔會有鬥雞問題，相反有鬥雞眼情況嘅話，當其中一隻眼睛被遮蓋嘅同時，該瞳孔向內傾，走咗入眼角，呢個情況下就係鬥雞嘅徵狀。 2.    用電筒照住和牛 B 雙眼瞳孔，瞳孔會有一點發光位，而發光位都係平衡喺正中間，所以並無斜視。 當日醫生話和牛 B ...