和牛B 的成長日記

  相信每個小朋友都一定有最心愛嘅寶貝毛公仔，我哋都係。 妹妹之前喺精品店，遇上了一隻仿真度幾高嘅貓貓毛公仔。 佢超級鍾意，愛不釋手。 誰知精品店已經冇新貨，只剩下陳列品嘅貓貓公仔。 見到妹妹咁鍾意...我哋都照買咗返屋企。 由於貓貓公仔入面嘅物料，唔可以濕水，所以我哋就只能用消毒噴霧消毒。 但貓公仔嘅毛，就已經係一舊舊。 其實好唔值...不過妹妹真係太鍾意...我哋都照買咗啦。 妹妹當佢真貓一樣照顧，睇書、瞓覺、玩都會帶埋貓貓。 ^ 仲幫貓貓戴頭飾 ^ 每晚一定要攬住瞓覺~ 養寵物都要日日梳毛，所以我就用密齒梳。 開始幫貓貓(公仔)梳毛，不過真係要恆心... 始終毛毛已經打結打到一舊舊，真係要慢慢梳。 亦因為佢係公仔，都唔能夠太暴力，否則會扯甩晒啲毛。 未打理前... 打理後，毛毛明顯都順滑返。 我嘅小法寶，密齒梳 順、逆方向都要梳 超愛貓貓(公仔)的妹妹，貓貓係佢嘅小寶貝。 ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================

香港地好多家庭都係兩公婆要外出工作，照顧小朋友呢部分就要交俾工人姐姐或者係老人家照顧。我哋都唔例外，大家唔好再問點解我唔自己湊。香港地生活高消費，樣樣都係錢，唔係話慳就可以生活到。住屋問題係最貴嘅部份，個個月都要捱貴租，我唔想老公獨力承擔、亦唔想因為無錢搞到成日鬧交，所以一齊努力工作都係為求過到生活、以及留啲儲備日後俾和牛B用。 當我生完和牛B復工後，和牛B嘅日常、照顧都係由婆婆代勞。感恩，我有一個好媽媽。佢由和牛B初生就開始幫我照顧佢，因為我同娘家住得遠，唔想大人細路都咁頻撲、辛苦。到而家為止，平日和牛B都係喺婆婆家過夜。要湊一個小朋友，已經夠辛苦，仲要幫我湊過夜。真係辛苦婆婆了。 選擇俾自己媽媽湊，我真係好安心。 而我亦唔想俾壓力婆婆，所以我返工嘅時間，好少會打電話/ whatsapp婆婆問和牛B做梗乜，有冇邊到唔妥之類。 婆婆間唔中都會影相俾我睇，幫我打打氣咁。 如果我全職湊和牛B，我相信和牛B一定係好瘦猛猛。 因為婆婆每一餐都好有心機煮、好有心機陪住佢食飯，作息定時。每日都有水果放送時段及滋補養生嘅湯水，所以和牛B由細個到而家，一直都肥肥白白。 而我選擇婆婆湊和牛B係因為，我由婆婆(媽媽)一手一腳湊大，我對上仲有哥哥同姐姐都係。所以我絕對相信，婆婆係有經驗、有能力、有耐性、有愛心照顧和牛B，所以我好安心。 而且婆婆係唔會寵壞和牛B，佢會幫我教導和牛B。和牛B做錯事/ 唔聽話嘅時候，婆婆會鬧。所以和牛B而家都會講「婆婆唔錫和牛B架，婆婆會鬧和牛B」   我聽到呢句，我當然會加以引導佢，我話佢知「婆婆好錫和牛B，只係和牛B曳，婆婆咪鬧你囉，媽咪都鬧你o架」佢聽完我講，佢自己都會笑 而都和牛B都好鍾意婆婆，放假日子，佢會話掛住婆婆，要睇下婆婆(視像)。 俾老人家湊，老人家都有兩類人。一種好似婆婆咁，真心感謝咁有心機。另一種就係過度寵孫，錫佢哋係o岩，但係如果咩都就晒小朋友，唔教導佢哋嘅話。佢扭計要食糖、飲汽水都俾佢，佢唔聽話曳你都就晒佢。久而久之，小霸王就係咁就誕生出嚟o架啦。 父母就真係會好激心…好憂心o架啦。 -------------------------------------------------- 歡迎聯...

當我生咗和牛B之後，我部手機長期都係處於「靜音」狀態。部電話嘅鈴聲到底係點樣嘅呢? 我已經完全忘記咗，但行出街聽到有電話鈴聲就會馬上神經質，睇下係咪自己響。但，我部手機早已俾我毒啞咗，長期靜音mode。 身邊總有人會話我，成日打俾你都唔聽電話，通常鬧得最多o個個一定係我老公。 仲話「搵你救命就死得啦」。冇錯，叫救命嘅，你不如直接打999啦，咁會最好效率。 旁人一定唔會明點解我要教靜音，返工就話唔好騷擾到同事啫，平時都靜音部電話唔響有乜意思。但 作為一個媽媽，我最驚電話喺唔適當嘅時候響起。 做媽媽真係好忙，照顧初生o個陣根本冇停手，換片、餵奶、泵奶，到BB瞓咗覺都仲有家務要做，做完淨返落嚟嘅時間 先係媽媽嘅自由時間/ 休息時間。如果就喺呢個時候，手機響起，對一個媽媽嚟講揀直就係大懲罰。因為BB驚醒咗嘅話，又要唔知花幾多時間先可以成功哄睡/ 到下一輪睡覺時間。 所以由和牛B一出世之後，我就將部電話直接調教至靜音功能。 日子耐咗，我都習慣咗一部唔響嘅手機。 加上我頻密嘅影相習慣，就更加唔想影一張相響一下，有聲嘅話咁咪會俾人知，我瘋狂得好緊要?  -------------------------------------------------- 歡迎聯絡我&和牛B:  chungying56@hotmail.com Facebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。