和牛B 的成長日記

「愛與正義，穿水手服的美少女戰士Sailor Moon」、「我要替月行道，儆惡懲奸」。 相信呢兩句經典對白，80、90後媽媽一定耳熟能詳。 美少女戰士因為30週年嘅關係，熱潮再一次翻起!! 媽媽們嘅少女心，又再次被挑起及爆發出嚟!! 你哋又係咪同我一樣呢?? 喺咁多位美少女戰士入面，你又鍾意邊一個呢? 和牛媽媽就最鍾意月野兔Sailormoon，因為佢性格開朗又單純，又樂於助人!! 如果你都係美戰迷，就絕對絕對唔可以錯過今次The ONE盛大嘅月光傳說展，而咁大型嘅美少女戰士展，亦係繼日本以外首個喺海外舉辦嘅大型活動。 ^ 變身為Super Sailor Moon嘅 聖杯 展覽期由即日起至9月2日，仲設有期間限定店。入面有超多、超靚嘅美戰精品。事不宜遲，馬上同大家分享展覽嘅每個角落。 全球首度展出嘅1:1美少女戰士立體雕像，有Sailor Moon、Sailor Mercury、 Sailor Mars、 Sailor Jupiter、Sailor Venus、Sailor Chibi Moon及禮服幪面俠。 ^ 5米高嘅夢想星河主題場景，必影打卡位!! ^  Sailor Mercury ^  Sailor Mars ^ Sailor Jupiter ^Sailor Venus ^Sailor Moon Sailor Chibi Moon與獨角馬夢中相遇嘅情景。 有Sailor Moon，又點少得靡魔萬千少女心嘅禮服幪面俠丫? 禮服幪面俠玫瑰庭園，一定要遇男神來個合照! 【華麗星光傳說。互動遊戲】 限時內成功完成遊戲，仲有機會贏取期間限定店95折優惠券。 【Sailor Moon月影時光。互動遊戲】 只需讚好「The One」Facebook 專頁，及於限時內成功完成配對遊戲，就可以進入月光幻彩之旅，收集美少女戰士「閃卡」。 記得準備好手機，影低佢呀~ 位於地下露天廣場位置，仲有Q版嘅倩尼迪公主及安狄里奧王子。 中間仲有佢哋定情信物「星空音樂盒」，真係好浪漫呀!! 【期間限定店】 作為美戰迷，絕對要嚟到限定店搶購一番!!  由於當日仲係準備當中，所以我只能遠觀… 但係入唔到去都睇到我流晒口水，因為精品真係好吸引! Sailor Moon嘅碟、變身器化妝品等。 仲有寢室用具、毛巾、文具等。 【玩遊戲，贏小禮物】 美戰迷...

由於我哋7日6夜都主力以小朋友行程優先，所以嚟到USJ當然都係繼續小朋友優先啦。 基本上，小朋友想去邊到、玩咩我哋都會樂意配合同滿足咗佢哋先。 所以我哋四個大人基本上係無玩過任何適合大人嘅機動遊戲嘅，所以本篇都未能為大家介紹到樂園入面刺激嘅遊戲，到底係有幾好玩同有幾刺激。 但我會同大家分享樂園入面嘅所見所聞，首先介紹嘅係會令媽媽少女心大發嘅「美少女戰士Sailormoon」、然後仲有令大家充滿奇想嘅「哈利波特」。 【 美少女戰士Sailormoon】 其實一入園第一樣吸引到我嘅嘢，就係印有環球影城字嘅Sailormoon閃燈權杖!!! 而 美少女戰士遊戲「The Miracle 4-D」都近正門處，正門直入步行大概數分鐘就會馬上見到!! 由於小朋友行程，所以我無去體驗到 「The Miracle 4-D」 。就主力入咗紀念品店到行，人流同款式都超多、精品超級靚!!! ▲ 仲見到Sailor Venus幫Sailor Mars影相 (哈) ▲ 超級靚呀!! ▲ 一系列嘅首飾架!!!! ▲ 美少女戰士嘅頭飾、髮飾、襪以及斜孭袋 ▲ 超靚，個蓋上面有個魔幻銀水晶!! ▲ 手信之選，一盒有好多塊，絕對夠派俾一班同樣鍾意美少女戰士嘅好姊妹呀!! ▲ 變身鏡盒造型嘅糖果盒，超超超靚呀!!! ▲ 權杖造型嘅自拍棍，略嫌有點重... ▲ 服 飾系列 ▲ 仲有露娜毛毛索繩袋 ▲ 美少女戰士毛毛拖鞋 ▲ 毛巾仔套裝 紀念品嘅款式實在超級多，仲有一部銅幣機200 円一個。 ▲ 我當然係揀咗我最愛嘅Sailormoon啦~ 如果想變身扮下美少女戰士，呢到有間專業商品店，可以俾你租用權杖服飾扮Pose影相。 ▲ 呢一支權杖真心靚呀!!! 入園必買產品，美少女戰士爆谷桶!!! 2,300 円，爆谷仲好好食。 ▲ 我嘅小小兔呀~ 而美少女戰士紀念品店嘅對面，有間餐廳亦有出售以美少女戰士為主題嘅飲品同甜品。 但係見到實物，就覺得唔算吸引~ 【  哈利波特魔法世界  】 從現代途經一個樹林，穿過樹林之後我哋就嚟到「 哈利波特魔法世界」。真係同電影場景一樣，每個角落都覺得好新奇!! ▲ 電影情節入面嘅 蒸汽火車 ▲ 仲有得買人物角色專用嘅魔法杖 嚟到當然都要睇下紀念品店啦，有精品、服飾、公仔等。 我哋身後面，就係 霍格華茲啦~~~ 【  小小兵樂園  】 Mini...