和牛B 的成長日記

未到7、8月天氣已經相當炎熱，基本上我都唔想出街。 但放假唔帶和牛b出去玩，總係覺得浪費咗個假期。 諗咗好耐，終於諗到一個室內場係好玩之餘，再唔係得波波池或者Playhouse。 九龍區有一個超大超放電嘅室內遊樂場，有機動遊戲玩: 摩天輪、碰碰車、小火車、海盜船等。 我講梗嘅就係位於黃埔嘅美國冒險樂園旗艦店，而家仲有港鐵直達黃埔，所以都超方便呀! 而且，唔洗日曬雨淋，仲有冷氣嘆住放電，真係假日一流好去處呀!! 旗艦店有6個機動遊戲及1個大型幾層高嘅迷宮波波池。 所有遊戲可以代幣或遊戲方式進行，HKD160就有8張遊戲券。 摩天輪 每節遊戲券1張或50代幣。 身高80-139cm小童必須要有一位成人陪同。1大小登上摩天輪都只係1張遊戲券，超抵玩呀! **為安全起建，如身高不足80cm之小童不得進入。 摩天輪 每節遊戲券2張或70代幣。 身高80-99cm小童必須要有一位成人陪同。 坐咗火車頭嘅和牛B，超級開心呀!! 彈跳飛車 每節遊戲券2張或70代幣。 身高80-139cm小童必須要有一位成人陪同。 超彈超彈呀~~見到都覺得好刺激!!  估唔到過咗90cm仲足3歲嘅和牛B，馬上解鎖，唔怕玩機牞戲遊!! 仲好enjoy! 轉轉杯 每節遊戲券1張或50代幣。 身高80-99cm小童必須要有一位成人陪同。 去過迪士尼玩過瘋狂咖啡之後，和牛B徹底愛上咖啡杯呢個遊戲。 所以當日見到轉轉杯，馬上話要玩。不過佢有少少失望，因為轉轉杯唔可以再喺入面自轉。 碰碰車 身高100-139cm小童必須要有一位成人陪同。 海盜船 每節遊戲券2張或70代幣。 身高80-139cm小童必須要有一位成人陪同。 升級巨無霸迷宮 幾層高，真係一個迷宮嚟!! 超放電呀!! 不過當日我哋無入去玩，所以未能同大家分享~ 玩完機動戲遊，當然就係去必到嘅掟彩虹啦! 場內仲有唔少遊戲、夾公仔機等等。 美國冒險樂園旗艦店 地址： 黃埔花園十一期聚寶坊地庫 電話： 2362 3855 https://www.jumpingym.com/ https://www.facebook.com/JumpinGymU.S.A/ -------------------------------------------------- 歡迎聯絡我&和牛B:  chungying56@hotmail.com F ...

＼\ 港島區兒童喜訊 /／ 室內兒童遊樂場愈來愈多，不過港島區就似乎相對比較少呢啲場所啦~最近，港島區終於又多一個新嘅場啦。平日12時正之前入場，仲可以1大1小$80入場，玩足1日，真係超抵呀。 今次我哋要介紹嘅就係位置鬧市銅鑼灣，喺皇室堡商場13樓嘅《Planet J Kids》。佢係由美國冒險樂園打造嘅全新親子樂園，入面仲設有六大好玩嘅遊戲區，幾個月大BB都啱玩o架。   講返正題，入面有動又有靜嘅遊戲。首先當然介紹最放電嘅遊戲區啦，藍白色波波池海，呢到有幾個遊戲設施。有充氣嘅彈床，放電必備呀!! 「創意積木城」，呢到有型軟膠積木俾小朋友發揮無窮想像力，起屋、砌乜都得。而遊戲區建造嘅材料亦好安全，因為唔係硬嘅板、尖嘅角，所以好安全。   而另一邊仲有兩條滑梯，直接衝落波波池。 「勇者之丘」攀石牆，鍛鍊小朋友嘅手、腳肌肉及協調。 **為安全起建，攀石牆只限身高130cm以下小童使用 波波池上面仲有唔少得意可愛嘅吹氣浮床，兔仔、Pizza、火烈鳥都有。 真係好似衝梗浪咁呀。 另外仲有一組適合幼童鍛鍊身手嘅遊戲組合，重點都係有波波池~ 由幾個六角形組合而成，訓練爬上、攀高，可以訓練小朋友身手。   滑梯組亦有長、短款。 「奇幻互動地帶」波波池入面仲有大型投影光幕俾小朋友玩互動遊戲，可以俾小朋友郁動身體下之餘，仲要同朋友仔合作玩遊戲。遊戲好好玩，刺激官感，仲可以鍛練反應。   「太空彈步」呢個係一個親子遊戲，在充氣跑道和充氣滾筒中，父母可以同小朋友一齊運動。可以加強下半身肌力及前庭平衡感。 有動就有靜，「想像工作室」呢邊有好多唔同種類嘅玩具，仲有好多可以角色扮演嘅玩具。    有和牛B最鍾意嘅煮飯仔玩具(食物)。     發揮想像力的海綿積木。 仲有好多圖書、繪本睇。 仲有兩張小書台，俾小朋友靜靜地坐喺到玩玩具、睇圖書。 小男孩最愛嘅積木火車組玩具。 幻想，我是小小音樂家。 幻想，我是一個雪糕店務員   成功整到一杯香芋味雪糕俾媽咪啦~   幻想，我係一個收銀員。 「先生，多謝你呢到$33蚊」   訓練小朋友平衡嘅遊戲。   「休悠小島」上船啦喂~~ 佢係一個軟墊遊戲組合，有小樓梯又有小滑梯。   架船要開啦，你一唔一齊嚟渡假呀。 軟墊嘅攀爬遊...