【台灣親子遊】玩在宜蘭。羅東夢幻Baby親子餐廳 | 太空主題遊戲區 x 繩網陣 x 滑梯
嚟到台灣，第一站我哋馬上去到宜蘭嘅親子餐廳食個午餐，放個電。 位於羅東嘅親子餐廳「羅東夢幻 Baby 親子餐廳 」，呢間餐廳總共有3層樓。 地下係餐廳部份，二樓及三樓都係玩樂區。 不過，當日我哋係平日。 可能人流較少，餐廳無開放三樓玩樂區，好可惜呢! 當日我哋係平日星期五大概2時左右到達，餐廳幾乎無客人。 餐廳裡除咗不停播放兒歌外，仲有電視可以監察二樓嘅遊樂區。 食物方面有一飯、意粉、炸物小食類， 亦有窩夫等甜品。 另有兩款兒童餐選擇。 最特別就係親子餐廳都可以打邊爐，有火鍋食品。 而餐廳平日 最低消費為每位成人需點 一份餐點或飲品，至於 80-145 cm 之小童則不設最低消費，但需繳付遊戲區清潔費為 台幣 200 元/人。假如點兒童餐 嘅 話，可折抵清潔費台幣100 元。 ^ 兒童餐，可愛嘅車仔盛載美食 ^ 小食拼盤 另外，還點了一份小食拼盤及兩個飯餐。 不過太餓了… 三層樓嘅建築，二樓係太空主題嘅遊戲區。 有大型滑梯設施、繩網陣、彈床、氣球屋及幼兒玩樂組。 ^ 大型滑梯設施、繩網陣 ^ 繩網陣 ^ 幼兒滑梯組 ^ 氣球屋 ^ 彈床區與迷宮陣 ^ 彈床區 ^ 波波池區 (不過波唔算好多) ^ 太空攀石牆 ^ 小小建築師，一齊砌屋 ^ 幻彩滑梯，超靚呀! 會不停變色添呀~ ^ 適合幼兒嘅遊戲區 ^ 積木牆，範圍都好大呢! ^ 與觸感、日常生活有關嘅玩樂牆 ^ 幼兒最愛嘅爬爬遊戲 ^ 幼兒搖搖遊戲組 ^ 搖搖板遊戲 ^ 男孩女孩都鍾意玩嘅廚房玩具 ^ 仲有圍裙可以穿上 二樓嘅遊戲區，已經好夠玩、好放電!! 所以今次上唔到三樓參觀，都唔緊要啦， 小朋友們都已經玩得好開心。 職員仲為和牛B扭咗一朵汽球花，和牛B超鍾意呀! 門外還有吸引小朋友嘅電動遊戲。 【餐廳內設施】 餐廳 內設有升降機，超方便...