和牛B 的成長日記

來到了第四週嘅五日早餐分享，本篇係最後一篇了~ 不過，說實話要快捷的話真心選擇唔多。 材料變化唔會太大，同樣都係以外型著手~ 重溫第一週 重溫第二週 重溫第三週 星期一: 卡通人物Pancake 星期二: 火腿炒蛋手卷 星期三: 芝士炸魚柳手指串 星期四:  香脆全穀燕麥片香蕉藍莓芭菲杯 星期五: 酥皮粟米火腿蛋批 詳細做法已經寫好俾大家參考一下~ 星期一: 卡通人物Pancake 材料: Pancake粉200g、雞蛋、水120ml、雲呢拿油(一瓶蓋)、朱古力醬 少量(裝飾用) 做法:  1. Pancake粉、雞蛋、水、 雲呢拿油拌勻至無粉粒 2. 將Pancake漿倒入卡通模具煎Pan煎，兩面熟。 3. 加入朱古力醬 裝飾，完成。 星期二: 火腿炒蛋手卷 材料: 火腿少量、雞蛋一隻、方包一塊 做法:  1. 火腿剪碎備用 2. 雞蛋打勻備用 3. 火腿碎加入蛋漿拌怔，落鑊煎熟。 4. 將炒蛋加入方包，捲起即成。 星期三: 芝士炸魚柳手指串 材料: 炸魚手指一條、芝士一片、方包一塊 做法:  1. 將炸魚手指放入P仔蒸焗爐，健康炸10分鐘 2. 茄醬塗勻方包，加入芝士，放入已炸熱之魚柳手指，好似包壽司咁捲好。 3. 加入長竹籤，放入焗爐 健康炸2分鐘，即成。 星期四:  香脆全穀燕麥片香蕉藍莓芭菲杯 材料: 燕麥片、香蕉、藍莓 做法:  1. 香蕉切片備用 2. 藍 莓洗淨備用 3. 將燕麥片倒入杯1/3滿，加入數片香蕉切片 4. 將其餘燕麥片倒入杯中，加入數片香蕉切片、藍莓即成。 星期五: 酥皮粟米火腿蛋批 材料:  酥皮一片、粟米少量、火腿少量、芝士碎適量、雞蛋一隻 做法:  1. 用少量牛油塗抹於模具上，放入已放軟之酥皮。 2. 火腿剪碎備用 3. 加入雞蛋，將火腿碎、粟米、芝士碎撒上面。 4. 焗爐預熱，200°C焗10分鐘。如果蛋未完全熟的話，就要再焗耐一陣。 ^ 雞蛋係全熟的~ 五日上學早餐，轉眼就四個星期了，今篇就係最後一篇~ 希望大家喜歡啦~ **溫韾提示** 1.如小朋友對以上食譜之食材會產生敏感，請於製作前將食材稍為修改一下，以免產生敏感哦~ 2.而每部焗爐爐溫都會略有不同，所以製作時請注意食材的加熱情況哦~ --------------------------...

來到了第三週嘅五日早餐分享，其實快捷的話真係選擇唔多。 所以，材料唔會好大改變，就唯有從外型著手~ 重溫第一週 重溫第二週 星期一: 朱古力Pancake卷 星期二: 火腿芝士粟米麵包批 星期三: 彩虹火腿雲朵蛋多士 星期四: 熊仔厚蛋芝士火腿 星期五: 火腿方包串 詳細做法已經寫好俾大家參考一下~ 星期一: 朱古力Pancake卷 材料: 朱古力Pancake粉200g、雞蛋、水120ml、藍莓 少量(裝飾用) 做法:  1. 將朱古力Pancake粉、雞蛋、水拌勻至無粉粒 2. 將Pancake漿倒入長方形細煎Pan煎熟及捲成蛋卷形，全熟即成。 3. 加入 藍莓 裝飾 呢隻朱古力Pancake粉喺「 AbouThai 阿布泰國生活百貨」購買，味道唔會好甜，偏淡。 我鍾意咁樣，唔洗太甜。 星期二: 火腿芝士粟米麵包批 材料: 芝士一片、芝士碎少量、粟米適量、火腿半片、方包一塊 做法:  1. 用圓形曲奇模將方包壓出一個圓形做批底，其餘部份剪成條狀。 2. 火腿剪碎備用 3. 將火腸、芝士、粟米舖在方包上。 4. 再加入麵包條 5. 再撒上芝士碎 6.  放入焗爐150 °C焗5分鐘，即成。 星期三: 彩虹火腿雲朵蛋多士 材料: 方包一塊、雞蛋一隻、火腿少量、芝士碎少量 做法:  1. 蛋黃同蛋白分離備用 2. 將蛋白打至企身，然後放到方包上。 3. 將蛋黃放在蛋白上，加入剪成彩虹形狀之火腿，撒上芝士碎。 4.  放入焗爐200°C焗10分鐘， **留意，因為係俾小朋友食，如果蛋黃仲未全熟要再加時間焗熟。 ***我哋嘅蛋黃係全熟嘅~ 星期四: 熊仔厚蛋芝士火腿 材料: 雞蛋一隻、火腿少量、芝士碎少量、 藍莓 少量(裝飾用) 做法:  1. 將雞蛋打勻，煎pan預熱。 2.  放好模具，將蛋漿倒入，加入火腿碎、芝士碎。 3. 煎至全熟，加入 藍莓作 裝飾用 即成。 星期五: 火腿方包串 材料: 火腿一片、方包一塊 做法:  1. 火腿剪成3條長方形，方包剪成9個小方塊備用 2. 火腿煎熱備用 3. 將方包用竹籤串起，再加入火腿，再加入方包，如此類推，完成。 五日上學早餐，又分享完了~ 下星期再跟大家分享，下一週嘅5天上學早餐提案~~ 希望大家喜歡啦~ **溫韾提示** 1.如小朋友對以上...

前文都同大家分享過自從疫情後，我在家落廚嘅機會都多咗好多，其實都幾頭痛呢.... 後期，到和牛B都正式復課。 我哋讀嘅學校為咗安全起建，都取消了茶點時間。 因為咁我每日都希望和牛B食到飽飽先返學，希望佢唔會餓親。 來到今天，再跟大家分享第二週嘅早餐款式~ 同樣都係 以焗爐為主，可以話放晒入焗爐就可以行開做其他嘢~~ 唔洗睇火，咁麻煩~ 重溫第一週早餐提案 >> 馬上看 星期一: 士多啤梨窩夫 星期二: 一口蜜糖吐司 星期三: 原味(雲呢拿)Pancake卷 星期四: 芝士火腿方包卷 星期五: 蟹柳粟米蛋沙律方包塔 詳細做法已經寫好俾大家參考一下~ 星期一: 士多啤梨窩夫 材料: Pancake粉200g、雞蛋、水120ml、雲呢拿油(一瓶蓋 )、士多啤梨少量 做法:  1. 加入pancake粉、雞蛋、水及雲呢拿油拌勻至無粉粒。 2. 士多啤梨洗淨，切粒、切件備用。 3. 格仔餅機預熱，然後加入Pancake漿。 4. 數分鐘後就完成，再加上士多啤梨就可以食了。 星期二: 一口蜜糖吐司 材料: 方包一塊、蜜糖適量、朱古力漿 (裝飾用) 做法:  1. 將方包剪粒，再掃上蜜糖 2. 放入焗爐150 °C焗5分鐘 3. 取出後，砌好擺位再加上朱古力漿裝飾，完成。 星期三: 原味(雲呢拿)Pancake卷 材料:  Pancake粉200g、雞蛋、水120ml、雲呢拿油(一瓶蓋 )、藍莓少量、 朱古力漿 (裝飾用) 做法:  1.  加入pancake粉、雞蛋、水及雲呢拿油拌勻至無粉粒。 2.  藍莓 洗淨備用。 3. 長方形煎pan預熱，倒入適量pancake漿 (足夠覆蓋長方形煎pan)，待邊沿位置開始熟慢慢卷起pancake。 4. 最後加上朱古力漿、 藍莓作裝飾，完成。 星期四: 芝士火腿方包卷 材料: 火腿一塊、芝士一塊、方包一塊 做法:  1. 火腿煎熟備用 2.  將芝士、火腿放上方包上 4. 將方包捲成條狀，大力壓實，切成數件完成 星期五: 蟹柳粟米蛋沙律方包塔 材料: 蟹柳一條、粟米粒適量、雞蛋一隻、方包一塊、沙律醬適量 做法:  1. 將雞蛋烚至全熟，放涼剥殼，剪碎備用 2. 將蟹柳放入沸水，輕輕煮熟，放涼剪碎備用 3. 利用圓形曲模，為方包造型備用...