和牛B 的成長日記

作為只有一個孩子嘅媽媽，對住現年4歲嘅和牛b。 我不時都會反思，自己身為媽媽，有無做錯嘅時候。 我好肯定地承認，我不時也會有做錯嘅時候。 生活忙碌，休息時間時夠。 每日都趕頭趕命，令我對佢嘅 笑容都慢慢減退 。 因為每日，我都只顧睇時間，忽略咗好多嘢。 4歲，踏入幼稚園生涯嘅第一年。 學習要打好基礎，除咗每日要做簡單功課之外。 亦需要每天溫習，咁生活要點樣取得平衡。 想期望和牛B學習上保持到水平，又要有足夠睡眠時間。 到底又應該要從哪裡入手呢? 生活咗廿幾三十年 VS 生活咗剛四年的小朋友 永遠係旁邊者都會覺得，輕易啦，Take it easy，放鬆啲啦！ 講就容易… 原來人會愈活愈糊塗，係真嘅。 當我眼見同齡嘅朋友步伐同和牛B好唔同…我 就會覺得被比下去… 擔心女兒發展比其他人慢…而焦急 笑容又漸漸減退... 作為媽媽，心理質素、情緒都要控制得好好。 每日大家都在學習之中… 點解孩子愈來愈大，笑容而變得愈來愈少… 全因為自己造成的壓力，影響了自己同埋孩子嘅關係。 堅持自己嘅信念，讓孩子在快樂中成長… 不要讓孩子都失去應該有笑容、以及童真… -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

由出世到而家，和牛B轉眼間就快三歲了，我哋無幫佢報讀N班。原因係想俾佢有一個快樂童年，玩多一年先正式孭書包入幼稚園讀書。 上年開始進行咗三場面試，終於接觸到學校係咩一回事。自從面試過後，佢開始不斷會問，「我幾時先返學?」、「我要返學」。 其實我哋所想嘅，又係咪佢想要嘅呢?? 和牛B係獨生女，暫時都仲係，未來仲係咪我唔知。 但最近，和牛B成日同我講「媽咪，你唔好返工，陪我玩啦」。 自問和牛B屋企嘅玩具真係超多，圖書亦有好多。但呢一切只能代表佢物質上係好充裕，不等同佢內心覺得開心同幸福。 從每一日嘅小發現，當我推開屋企大門佢就會好興奮、期待眼神望住我同和牛爸爸。 第一句佢會同我哋打招呼，然後馬上拖住我哋隻手，叫我哋陪佢玩。 (其實我想洗手先) 「媽咪/ 爸爸，你陪我玩啦~」 「媽咪/ 爸爸，你睇下~」 有時佢為咗想得到大人注意，亦會出盡力或過份肉緊地表達自己開心嘅情感。 其實和牛B真正想要的，是我同牛爸的 陪伴及關懷 。重點係佢係一個獨生女，家中沒有細佬/妹，冇小朋友陪佢玩，所以佢會寂寞。 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

自從和牛B出世之後，我眼入面、話題永遠都離唔開佢。你可以話我無咗自己，雖然係咁，但係我仍然好享受同佢一齊嘅時間。 手機入面嘅相，無咗自拍、無晒放閃嘅溫韾合照，全部都變晒和牛B嘅相。不論係影小手、小腳、超近close up嘅相，乜都有。 和牛B半歲大時嘅小手。 旁人可能覺得呢啲相好無聊，但係當過咗一段時間睇返，係好令我回味。 亦覺得點解佢哋大得咁快，頭三個月重點係食奶、瞓覺、喊，我哋都會好期望佢快啲大。 有人話，趁佢哋仲細，快啲撇低佢去返幾轉旅行，同朋友出街食飯都無所謂啦。但係，我真心唔捨得放低佢，原因唔係擔心照顧者唔夠貼心，而係我唔想錯過佢每一日。 亦有人話孩子最需要父母就係頭三年，我認同呀! 因為孩子喺三歲左右就正式入學(K1幼稚園)，入學後佢哋就會開始慢慢學習建立人際關係，有自己嘅社交圈子有朋友。而有啲小朋友如果讀N班的話就更早會有自己嘅朋友，當佢哋有咗自己嘅世界，就慢慢會同父母疏遠。因為跟同輩相處，講心事始終跟同輩傾比父母來得舒服。 回想外出嘅時候，細細個要瞓BB車，第二個階段就係同佢好親密嘅Hip Seat，我同佢嘅距離係幾咁近。 到一歲左右開始學步，我哋就多咗手拖手嘅機會。 而從我嘅角度去睇佢，距離係好近，我哋也需要微微屈膝遷就和牛B嘅高度。   而家兩歲八個月，好多時都會想甩開我哋隻手，自己跑去玩。不過，我哋一般都唔會俾佢敢做，要花啲心思同時間氹佢，出街要拖住大人行。 而家只係兩歲八個月就已經開始唔願意拖，距離唔需要父母嘅時間似乎又近咗了… 珍惜孩子需要我嘅時光，成長得一次錯過咗就無了! -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -----...