澳門親子遊 | 澳門大熊貓館 x 免費玩樂好去處
今年熊貓熱潮實在太厲害，妹妹成日話好想探熊貓，所以我哋今次嚟到澳門。 我覺得過開嚟澳門，絕對值得過嚟探下大熊貓4隻大熊貓，重點係免費入場㗎! 澳門大熊貓館係位於澳門路環石排灣郊野公園內，公園內除咗大熊貓館之外仲有稀珍動物館 (不過暫停開放中)。 不過出發前，要留意大熊貓館嘅開放時間。 其中兩隻大熊貓位於室內有冷氣嘅館入面, 另外兩隻則位於戶外館。 當日去到其中一隻大熊貓正在懶洋洋瞓覺中，其餘三隻大熊貓都好活潑，喺到食竹葉~ 館外仲有大熊貓打卡位~ 另外，喺另一邊仲有樓高二層嘅大熊貓資訊中心，入面有關於大熊貓嘅資訊、成長介紹資料等。 ^ 大熊貓BB模型 當然仲有《大熊貓禮品館》啦，入面有好多同大熊貓有關嘅精品、毛公仔出售。 禮品店仲設有兒童購物車，真係好窩心! 超可愛嘅大熊貓Baby系列毛公仔~ 仲有自己充棉嘅毛公仔!! 每個款式唔同價錢，另外仲會附送一張出世紙。 ^ 可以幫自己嘅公仔BB度高、磅重，填返上出世紙上面。 而且公園內仲有其他動物可以觀賞，有豚尾獼猴、環尾狐猴、黑葉猴、金剛鸚鵡、孔雀等。 仲有戶外嘅兒童遊樂設施， 呢到可以輕鬆玩同埋放電。 仲有魚池同埋火烈鳥 【澳門大熊貓館／路環石排灣郊野公園】 地址: 澳門路環石排灣郊野公園 開放時間: 上午10時至下午1時；下午2時至5時（最後進館時間為下午4時45分）。 逢星期一休館，若為公眾假期，則順延至翌日休館。 免費入場 https://nature.iam.gov.mo/c/panda ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/