和牛B 的成長日記

未去到暑假，天氣已經熱到成三十幾度。 想帶小朋友去放電，又唔想去戶外嘅話。 就唯有轉戰室內場地啦，今次為大家介紹係港島區嘅好去處!! 真係港島區兒童嘅福音呀!! 而我都估唔到咁熱鬧嘅銅鑼灣，都有免費嘅兒童遊樂設施。 我講梗嘅仲要係銅鑼灣地標「時代廣場Time Square」呀!! 呢個室內兒童設施，重點係「免費」。 唔需要喺商場內消費，都可以俾小朋友玩足10分鐘!! 10分鐘唔多唔少，但已經足夠小朋友放電!! 佢係位於13A/F樓層，戲院再上一層嘅Kids Square。 充氣彈床唔算好大，而每場只限8位90-120高小朋友進入。 彈床入面有條小滑梯。 有兩條通嘅小隧道。 仲有一啲障礙物充氣棒。 在場嘅職員叔叔仲都超有Heart、對小朋友都有愛心同盡責。 佢會睇住場內小朋友嘅情況，提醒小心碰撞。 仲有就係全方位每個角落都有閉路電視，監測住彈床入面嘅情況。 雖然，有一個有Heart、盡責、對小朋友有愛心嘅職員叔叔，亦設有閉路電視。 但基於彈床只係俾小朋友進入，碰撞情況總會發生。 所以家長都要留意小朋友喺入面嘅情況，千祈唔好行開呀。 充氣彈床仲有3節清潔時段，每節大概40分鐘。 - 3:00 ~ 3:40pm - 5:00 ~ 5:40pm - 7:00 ~ 7:40pm 地點：銅鑼灣時代廣場13A/F - Kid Square 每節人數：8位小童 (90-120cm) 每節時段：10分鐘 費用：全免 ------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -----------------...

香港地其實有好多特別嘅地方，放假唔一定要高消費嘅。今次我哋就用半日時間去咗港島南區玩， 路線：香港仔> 鴨脷洲(街渡)>  鴨脷洲兒童遊戲室 > 風之塔公園> 地鐵南港島線 (利東站) 話時話郵輪搭過未? 我哋未搭過 咁去長洲嘅大船搭過未? 我哋搭過 咁街渡(卜卜仔)呢? 和牛B未搭過 今次我哋就來到香港仔海濱公園乘搭街渡 (卜卜仔) 過海前往鴨脷洲，船費都好平，而且係可以用八達通俾船費，超方便。 船費：成人$2.2, 小童$1.2 (12歲或以下)。 旁途仲有船可以去珍寶海鮮坊。 啱啱上船和牛B有少少緊張，好快睇到出面有咁多船景睇，佢就變得好開心好興奮。 船程大概5分鐘內，可以感受海風，又可以睇風景感受到漁村風味。 落船後，和牛B好想自己行橋過海，沿路仲見到船家喺到將收穫加工。 一落船步行唔洗5分鐘，就可以到達鴨脷洲體育館 (一樓)。 鴨脷洲體育館 - 兒童遊戲室 遊戲室嘅主題，名為「小魚仙」。面積大概140平方米，每節只限30人進入，而遊戲室嘅走動空間都足夠。設施唔算好多，大概有5組設施，比較適合幼兒及3-6歲小童。 適合幼兒嘅攀架滑梯遊戲組，又上又落，放咗唔少電。 殺人鯨滑梯組 波浪形嘅軟墊跑道，超放電呀!!! 唔知和牛B來回跑咗幾多次，眼都花埋呀 仲有個泳池添~唔落水都可以喺池邊訓練平衡力o架~   場內設有鞋架，進入後必須除鞋及穿上襪子。 地址：香港鴨脷洲洪聖街8號鴨脷洲市政大廈1樓 電話：2554 0832 開放時間：9am - 8pm (2pm - 3pm不開放) *每節時間50分鐘至1小時 離開兒童遊戲室，附近有一個 小寵物互動區 (即狗公園)，活動空間唔算好大，但至少都有一個寵物休憩地方。 另外，仲有風之塔公園，入面有一個兒童遊樂場。 兒童遊樂場有組滑梯組 滑梯組都有多組設施玩，有斜台架、樓梯等。   ...