沖繩親子遊 | 名護菠蘿園 x 恐龍探險區 x 親子行程
雖然嚟過沖繩三次，但今次係第一次計劃來到沖繩北部嘅「名護菠蘿園」。 因為成日聽人講呢到好伏，但妹妹又好鍾意食菠蘿，所以我哋今次決定嚟行下體驗下。 而我嘅個人感想係: 好開心、場內佈置好可愛、好投入、好多影相位，唔伏喎! 親子旅行景點，我哋主要以小朋友角度出發。 雖然出發前的確抱住...唔好咁大期望，個個都話伏伏地。 但今次有驚喜呀!! 開開心心咁離開，妹妹第2朝瞓醒仲問，係咪會再去多次「 菠蘿園」? 「名護菠蘿園」整個園區都緊接，半露天或有蓋戶外空間 。 我哋當日天陰、天氣都算涼，場內仲有多把風扇掛喺上面。 (如果暑假來訪，天氣熱可能就會比較辛苦。) 重點係整個園區，都會有好多好可愛嘅佈置、超洗腦主題曲，仲有恐龍探險區，都係打卡一流呀! 當日泊好車後，就馬上向住園區出發。 首先先乘坐菠蘿園火車，先兜菠蘿田園睇風景，再進下車轉乘全自動駕駛嘅「菠蘿號」。 ^ 菠蘿園火車 ^ 菠蘿田 ^ 全自動駕駛嘅「菠蘿號」， 小朋友最開心，可以扮小司機駕車。 「菠蘿號」會帶我哋進入叢林探索，沿途可遊覽世界各地嘅昆蟲固有種、菠蘿品種和亞熱帶的植物品種。 當中有空中漫步長廊，可以近距離觀賞植物。 仲有恐龍探險區内，可以與區內嘅恐龍打卡。 入面有多種不同品種恐龍，鍾意恐龍嘅小朋友一定好開心! 菠蘿園入面仲有餐廳，有各式各樣以菠蘿製成嘅餐點。 仲有就係，當然唔少得各種由菠蘿製成嘅手信、精品、服飾、毛公仔啦! 入面嘅精品全部都好可愛! 真係買咗好多嘢呀!! 而菠蘿蛋糕都好好食，大部份都有得試食!! 俾大家參考一下，我哋當日大概喺「名護菠蘿園」逗留咗2小時左右。 而入場票方面，可即場購票或於網上購票。 入場費（至 2025 年 4 月 30 日） 成人（16歲以上）1，200日元 兒童（4-15歲）600日元 4歲以下：免費 入場費（2025 年 5 月 1 日起） 成人（16 歲及以上）1,500 日元 兒童（4 至 15 歲）800 日元 4 歲以下：免費 Trip.com網上購票 https://hk.trip.com/travel-guide/attraction/nago/nago-pineapple-park-88826/ Klook網上購票 https://www.klook.com/zh-HK/activity/14671-nago-pineapple-park-t...