和牛B 的成長日記

實在太忙碌...拖到而家先出到上年暑假8日7夜嘅行程分享。 我哋喺2024年8月暑假，我哋一家四口連同婆婆一行五人去咗沖繩自駕遊。 真係超級好玩，充滿電返香港! 今次雖然有老有嫩，但行程都係滿滿嘅，有觀光、小朋友放電、購物景點。 以下係我哋嘅行程參考，大家會問點解去咗兩次國際通? 因為想返去重點購物呀，所以再特地改行程再去多一次。 同埋點解Day 8瞓醒就走? 因為當時回程航班就只有一班...冇得揀 (哭) 而整個行程上，大家可能會問，點解都冇講早餐食咩? 係呀，因為通常想玩盡啲我哋都會到附近便利店買早餐上車食。 便利店食物、飲品選擇都好多，咁當然都要睇下同行長者願唔願意吧。 我家媽媽，冇所謂乜都食，所以就可以用盡時間。 Day 1 上午機到達沖繩 - 取車 - 午餐:  大阪贊岐面乃莊 鶴丸うどん本鋪 - 小祿店 - 沖繩 ASHIBINAA Outlet - Parco City - Parco City (Food Court) Day 2 - 瀨長島 - 波上宮 - 泊港漁市場 - 沖繩兒童王國 - 永旺夢樂城沖繩來客夢(AEON MALL Okinawa  Rycom)  - 晚餐 くら寿司 [ 永旺夢樂城沖繩來客夢(AEON MALL Okinawa  Rycom)] Day 3 - 早餐 iias はなまるうどん  - DMM水族館 - 美國村 (Lunch - Steak House 88) - 沖繩綜合運動公園 - SAN-A宜野灣Convention City購物中心 (Dinner - 和風亭) Day 4 - 早餐吉野家 - 古宇利島海洋塔 - 心型岩 - 名護自然動植物公園NEO PARK - しゃぶ葉放題  (晚餐) Day 5 - 豐崎海灘 - 國際通 - Parco City (Dinner - Beef Rush ) Day 6 - 百年古家 阿古豬 - 美麗海水族館 - Dinner 七輪安安烤肉 Day 7 - Round 1 - Lunch  追風丸 - 國際通 Day 8 瞓醒食埋早餐就回程返香港了... ----------------------------------------------------- 我哋發掘最新、至好玩嘅好去...

趁住妹妹學校假期，一家三口及屋企人一齊快閃沖繩! 今次日數只係4日3夜，行程比較緊密~ 3月份嘅沖繩，天氣好舒服，唔會有猛烈太陽，溫度介乎16-21℃左右! 我哋出發前，天氣預測4日都會落雨... 好好彩，到步後只係第一晚半夜落雨，然後最後一日就落足全日... 其餘日子都冇落雨，真係好好彩呀! Day 1 上午機到達沖繩 - 取車 - iias商場 x  DMMかりゆし水族館  (2025年3月更新!) - 沖繩 ASHIBINAA Outlet - 國際通 Day 2 -  沖繩兒童王國   -  永旺夢樂城沖繩來客夢(AEON MALL Okinawa  Rycom)  -  美國村 《Game Land Joy Jungle》 +食飯 Day 3 - 部瀨名海中公園   - 道之駅許田 -  名護鳳梨園 - Parco City - 燒肉きんぐ Day 4 - 波上宮 - 豐崎TomiTon -  系滿魚市場 - 沖繩世界文化王國 - 玉泉洞 ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/

沖繩中城公園（Nakagusuku Park），係一個令人眼前一亮嘅親子天堂，位於沖繩本島中部北中城村，距離人氣景點美國村同永旺夢樂城唔遠。佔地接近98萬平方公尺，係沖繩最大嘅縣營公園之一，唔單止免費入場，仲有超多好玩設施，絕對係一家大細放電嘅理想選擇。 中城公園真係一個令人驚喜嘅地方，唔使錢又玩到癲，空間好大，設施都多。 中城公園分成幾個主要區域，包括： - 南區廣場 - 中央廣場 - 西區幼兒遊戲區 每個區域都有唔同年齡層適合嘅設施，由幼兒到小學生都可以玩得開心，仲有遮蔭空間、洗手間、自動販賣機，設施非常齊全。 南區廣場：彈跳床＋滑梯＋攀爬網＝放電三重奏 南區係最受歡迎嘅區域之一，睇過介紹佢主打係兩座巨型彈跳床，其中一座仲連接咗滑梯同攀爬網，形成一個立體遊戲迷宮。小朋友可以喺彈跳床上跳跳跳，然後滑落去，再爬返上嚟！ 不過當時來到，此設施正在維修，所以未能進入遊玩... - 彈跳床分高低兩層，適合唔同年齡層 - 下層有遮蔭空間，雨天都照玩 - 攀爬網設計得好安全 - 滑梯種類多，有旋轉式、直線式、隧道式等 中央廣場：滾輪溜滑梯＋飛索＋探險走道 ＋搖搖板 中央廣場係小學生嘅最愛，設施多元又刺激： 西區幼兒遊戲區： 專為1～5歲幼童設計，設施溫和又安全： - 玩沙區：沙坑夠大，仲有沖沙區方便清潔 - 發聲器材：一掂就有聲，刺激感官 - 小型溜滑梯、吊床、迷宮設計：適合幼兒探索 - 家長可以喺旁邊休息，睇住小朋友玩 開放時間與注意事項: - 開放時間：每日 10:30～17:00（夏季至18:00） - 門票：免費 - 注意事項：   - 所有設施只限12歲以下使用   - 夏天注意防曬，建議帶遮陽外套 【沖繩 | 中城公園 】 地址: 沖繩縣中頭郡北中城村荻堂平田原370-2 Map Code: 33 440 100*84 鍾意上面嘅行程，就快啲加入你嘅口袋保存，下次去沖繩再計劃哦~ 沖繩旅遊好玩、好吃景點分享。  <美食> [南部] 地道烏冬 x 親民價錢 | 大阪贊岐面乃莊 鶴丸うどん本鋪 - 小祿店   人氣必食沾麵拉麵店 - 追風丸  (近國際通) 地道平民火鍋、壽司放題。《しゃぶ葉》 放題  (晚餐) 三大魚市場之一。系滿魚市場 x 刺身 x 熟食選擇較多 《串家物語》放題自助炸...

今次介紹嘅沖繩親子景點，絕對絕對要來呀!!  位於沖繩本島中部浦添市的浦添大公園，距離那霸市中心只需約15分鐘車程。佔地超過37公頃，分為A、B、C三大區域，每區都有不同主題和設施，無論你是小朋友、大朋友、攝影控、好動嘅你!  浦添大公園最出名嘅，莫過於長達90公尺嘅滾輪式滑梯 ，係堪稱沖繩溜滑梯界嘅天花板！ 真係要專程過來朝聖一下呢!!  免費入場、交通方便、設施多元，不過地方真的超大! 所以即使來往B區及C區，都係必需駕車前往!! 步行的話...真係太辛苦了!! 大家絕對放心，兩個區都分別設有免費停車場。 B區： 停車處鄰近居民墓地，步行數分鐘就到達遊樂設施。 B區主打就係90公尺滾輪滑梯，就算唔玩都要打個卡!! 從山坡頂端滑下來，沿途風景一覽無遺，滑行過程既刺激又安全，適合6至12歲小朋友。大人也可以陪玩，一齊邊玩邊睇風景。 除了溜滑梯，B區還有其他兒童遊樂設施、觀景台，能俯瞰浦添市街景，絕對係一個打卡嘅好地方。 小貼士：夏天滾輪會因陽光變燙，記得穿長褲、帶帽子，避開中午時段 另外C區係近年新開發嘅遊戲區，設施新穎、設計用心，分為幼兒區（3歲以下）、和學齡前兒童區，兩個遊樂設施區。公園內有多條不同造型嘅滑梯、攀爬架、吊床等，真係超放電呀!  仲設有飛索設施，真係玩到唔捨得走呀!!  亦有鞦韆區 公園內設有自動販賣機、洗手間，還有小食檔(設於B區)。 尤其是帶小朋友的話，建議自備水壺、簡單零食。 【沖繩 | 浦添大公園 】 地址: 沖縄県浦添市伊祖115-1 Map Code: (B區) 33 282 826*47 / (C區) 33 312 112*02 https://www.urasoedaipark-osi.jp/ 鍾意上面嘅行程，就快啲加入你嘅口袋保存，下次去沖繩再計劃哦~ 沖繩旅遊好玩、好吃景點分享。  <美食> [南部] 地道烏冬 x 親民價錢 | 大阪贊岐面乃莊 鶴丸うどん本鋪 - 小祿店   人氣必食沾麵拉麵店 - 追風丸  (近國際通) 地道平民火鍋、壽司放題。《しゃぶ葉》 放題  (晚餐) 三大魚市場之一。系滿魚市場 x 刺身 x 熟食選擇較多 《串家物語》放題自助炸串美食 [ 中部 ] 美國村打卡。好食抵食牛扒半自助餐介紹《Ste...

宜野座道路休息站（道の駅ぎのざ）位於沖繩本島東海岸，距離名護市大約20分鐘車程，鄰近漢那海灘。呢度唔止有便利嘅停車場、乾淨嘅洗手間、地道美食，仲有一大片專為小朋友設計嘅遊樂設施，真係一站式滿足全家大小！如果你帶住小朋友嚟沖繩自駕遊，呢個地方絕對係你行程表上嘅必去之選。 泊好車之後，就見到超大嘅遊樂設施，4層樓高超長滑梯、滑梯組、繩索迷宮、彈跳床、小吊橋與攀爬設施等。 遊樂區域設計得好貼心，唔同年齡層都有適合嘅設施。 爸媽可以坐喺一旁嘅遮陽區睇住小朋友玩，買樽嘢飲坐喺到嘆，真係好Chill。 免費嬉水區，夏天必玩！ 沖繩夏天熱辣辣，宜野座休息站有一個免費開放嘅戲水區 ，真心超消暑呀！ 水質清澈，水深只到腳踝，安全又放心。仲有遮陰設施，唔怕曬傷。 爸媽一定要記得帶多套衫、褲俾小朋友替換，因為佢哋一定會到玩到濕身唔肯走。 室內育兒遊戲室：冷氣開放，細路仔專屬天地 如果你帶住1–4歲嘅小朋友，唔使擔心佢哋玩唔到戶外設施。 宜野座休息站特設冷氣開放嘅室內育兒遊戲室，專為幼兒而設。 軟墊地板，安全又舒適。色彩繽紛嘅玩具同遊具，刺激感官發展。 一位大人陪同免費入場，唔使額外收費。 呢個空間好適合小朋友午睡前放電一下，或者避開中午最熱嘅時段。 休息站仲有沖繩地道料理、咖啡廳、洗手間。 仲有農產品、伴手禮商店，入面有好多沖繩出產嘅新鮮蔬果。價錢仲好親民! ✅ 免費入場，設施多元。 ✅ 停車方便，設有育嬰室。 ✅ 夏天記得帶泳衣、毛巾、替換衣物。 ✅ 建議上午去玩，避開午後高溫。 ✅ 可搭配北部名護景點一齊安排行程。 【沖繩 | 道之駅宜野座道路休息站 (道の駅ぎのざ) 】 地址: 沖繩縣宜野座村字漢那1633 Map Code: 206 204 344*26 鍾意上面嘅行程，就快啲加入你嘅口袋保存，下次去沖繩再計劃哦~ 沖繩旅遊好玩、好吃景點分享。  <美食> [南部] 地道烏冬 x 親民價錢 | 大阪贊岐面乃莊 鶴丸うどん本鋪 - 小祿店   人氣必食沾麵拉麵店 - 追風丸  (近國際通) 地道平民火鍋、壽司放題。《しゃぶ葉》 放題  (晚餐) 三大魚市場之一。系滿魚市場 x 刺身 x 熟食選擇較多 《串家物語》放題自助炸串美食 [ 中部 ] 美國村打卡。好食抵食牛扒半自助餐介紹《Steak House 88》 ...