和牛B 的成長日記

好開心，香港愈來愈多特式嘅兒童遊樂場。計葵芳、屯門外，而家嚟到馬灣嘅挪亞方舟都有。如果去開挪亞方舟，一定要去玩哦！ 全新太空船造型兒童遊樂場，設於青馬橋橋底之下，可謂半室內嘅兒童遊樂場，落雨去公園玩都無有怕，因為設施都無被雨水沾濕。 ^ 青馬橋橋底之下，半室內嘅兒童遊樂場落雨也不怕啦! 設施超高，滑梯超長超刺激呀!! ^ 三組唔同嘅滑梯組 ^ 太空船背面 ^ 太空船底層 設施適合 5-12 歲小童遊玩，要登上太空船必須通過不同嘅攀爬設施才能登上。 新設施真係好吸引、好吸睛的!不過，對於4歲嘅和牛B，就比較有難度。 所以，我哋都只係玩返旁邊嘅兒童遊樂設施較為適合。 有2組滑梯，亦有平衡木、吊橋、遊戲適合幼兒玩。 ^ 兩組唔同嘅斜台板，訓練手、腳肌肉。 ^ 高低不平嘅小橋 ^ 訓練身手嘅攀架 ^ 滑梯組 ^ 平衡木 ^ 平時較為少見嘅攀爬樓梯 公園開放時間： 上午10時半至下午5時半 如果將會到訪挪亞方舟，一定要去玩哦！設施為於地下，近正門附近。 前往挪亞方舟方法: 1.渡輪(來往中環2號碼頭至珀麗灣碼頭)  2.渡輪(來往珀麗灣碼頭至荃灣碼頭) 3.方舟專線服務 (旺角新世紀廣場 <> 馬灣挪亞方舟入口廣場)  - 登車位置近 - 票價雙程$38 - 出發之方舟專線到挪亞方舟，請於專線出發時間10分鐘前完成購票手續。  4.巴士珀麗灣 <-> 港鐵青衣站 NR330 5.巴士馬灣 <-> 港鐵荃灣站 NR331 6.巴士馬灣 <-> 港鐵荃灣西站 NR331S 7.巴士珀麗灣 <-> 葵芳新都會廣場 NR332 8.巴士珀麗灣 <-> 機場1號停車場旅遊車泊位19號 NR334 9.巴士珀麗灣 <-> 中環2號碼頭* NR338 挪亞方舟入場費: 成人$198  小童及長者$158 -------------------------------------------------- 歡迎聯絡我&和牛B:  ...

細細個經常會對長大後嘅自己有好多期望與夢想。 我細個想做老師、護士、漫畫家，最後我還是成為一個平凡嘅人。 今個暑假，挪亞方舟就讓小朋友實現佢哋夢想「職業」，讓小朋友去學習、實習與體驗。 夢想職業總共有 8 份，包括牙醫 、消防員、飛機師、廚師、營養師、畫家、海洋生態探索家同埋森林保衛員。有 8 大職業咁多，實有一份係小朋友鍾意嘅。 入場前，首先可到正門換領入場券及領取「快樂夢想特工隊。未來日誌」。未來日誌入面有 10 張遊戲券，每項遊戲需使用 4 張遊戲券，大家會問咁玩 2 個遊戲，得返 2 張遊戲券咪玩唔到囉？ 唔洗怕，大會都好心，只要即場上載相片加指定 Hashtag ，即可獲贈額外 2 張遊戲券。咁就可以體驗 3 個職業啦。 ^ 時間表 另外，揀啱職業，記得要先到 LG 層近餐廳位置換領遊戲籌哦。因為每節遊戲時段都設有限定人數，而每節體驗為 30 分鐘。 而和牛 b 一收到未來日誌，二話不說就揀咗消防員同埋牙醫，所以馬上去拎遊戲籌啦。 入場時候超好天，誰知換咗消防員遊戲籌後就馬上風雲變色，落起大雨。所以消防員職業體驗戶外部分要取消，只能喺室內學習消防、防火、遇到火警嘅知識。 和牛媽媽都學咗好多嘢，其中就係逃生三寶 :  鎖匙、電話同埋毛巾。 同樣小學員都會換上消防員制服，聽住阿 Sir 講解。 畢業嘅時候，仲可以同消防車合照留念。 然後，我哋再去體驗牙醫職業。換上牙醫制服，和牛 B 開始學習幫病人檢查牙齒，補牙同剝牙。 最後，當然要學埋刷牙啦。 畢業啦 ~~ 最後必到「夢想星球 e-Planet 」，因為呢到有唔少影相打卡位。同樣，記得預先拎入場籌。「夢想星球 e-Planet 」只需出示入場門券就可以拎籌了，係唔需要遊戲券嘅。 來到入場時間，場內會較暗，因為主要由投射互動燈光，喺牆到輕掃，畫面就會同你有互動，畫面會有變化。 首先會先來到森林，好有置身大草原野感覺，地下有草有水，仲有獅子、長頸鹿、大象等。 再往前後，會去到海洋世界。帶埋場內提供嘅 3D 眼鏡去觀賞，會更加立體㗎。 ^ 場內提供嘅 3D 眼鏡 然後去到必打卡嘅四季區，場內主題會定時轉季，春、夏、秋、冬讓你一次過經歷。 ...