和牛B 的成長日記

  最近趁住放假，路經觀塘。 所以就帶住兩姊妹嚟到呢到玩，和牛b一見到已經好開心!! 佢都話覺得好似去左沖繩咁~ 但係當然啦，規模絕對比不上日本/ 沖繩嘅公園之大。 呢到就如相所見，就係呢到嘅設施而已，唔算好大。 但香港終於有特式嘅公園，都係一件開心嘅事。 公園設施有特式韆鞦、主體係體型設計嘅攀爬、繩網陣滑梯，以及共融式嘅氹氹轉及彈床。 ^ 特式韆鞦 ^ 特式韆鞦 - 親子韆鞦 ^ 長滑梯 ^ 水管長滑梯 ^ 彈床 公園位於觀塘康寧道公園一期，需要搭乘升降機過條天橋就去到了~~ ========== ================== 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel  https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/

MOKO新世紀廣場嘅公園閉園一段長時間，「MOKO 動樂園！」終於會喺今年2021年11月19日正式重新開幕啦!! 樂園佔地近18,000呎，樂園入面仲有近50米全港最長嘅攀爬牆、8米高嘅大型遊樂設施，仲有由山丘及山洞組成的探索隧道，以及高達3.8米嘅滑梯，而喺開幕期間仲會有一系列嘅嘉年華派對活動，相信一定非常熱鬧呀!!! 今個聖誕假期，又多一個放電嘅好去處啦!! 玩樂專區:「雀仔滑梯大冒險」及「動感攀爬天地」 3.8米高巨型雀仔滑梯，真係超刺激呀!! 再加上縱橫交錯嘅6組滑梯，配以「雀仔滑梯大冒險」嘅主題，真係刺激又有趣呀! 50米攀爬牆「動感攀爬天地」係全港最長嘅，啱晒好動又鍾意玩攀爬嘅小朋友!! 樂園嘅主題係取材自旺角著名嘅「雀仔街」及「花墟」，所以牆上都以特色花卉設計，包括罌粟花、豌豆花、鬱金香和牡丹花等，而公園設施亦當然唔少得雀鳥們啦。 探索專區:「童遊雀仔屋」及「親子互動小山丘」 除咗以上玩樂專區之外，仲有探索專區小朋友都可以見到鸚鵡仔嘅蹤影！「童遊雀仔屋」係Matthew和Kay嘅小屋，小朋友可以進入屋企玩以及影相打卡。 「親子互動小山丘」就有唔同嘅山丘、山洞探索隧道，啱晒鍾意捐窿捐罅嘅小朋友玩~ 山丘採用循環再用嘅安全地墊製成，既安全又環保。 教育專區: 「活力充電區」及「自然生態區」 場內設「自然生態區」，地上以生動插畫描述鸚鵡繁殖及成長嘅過程，同時亦配有文字描述幾種鸚鵡種類及成長過程，讓小朋友更容易學懂生態和環保知識。  同時園內嘅「活力充電區」，安裝咗多架充電健身動感單車，設施附帶電子充電座，訪客只需自備充電線就可以可邊運動一邊免費充電。 休憩及打卡專區:「奇趣打咭牆」及「休閒空間」 場內當然唔少得休憩空間啦，亦有一個必影嘅「奇趣打咭牆」。 【「MOKO 動樂園！」 | 開幕嘉年華 開幕嘉年華】 日期︰11月19至21日、27及28日、12月24至26日  時間︰下午2時至5時  地點︰MOKO L4樓層 JOY@MOKO 【「MOKO 動樂園！」】 開放日期：2021年11月19日正式開放  開放時間：上午10時至晚上7時 地點：MOKO L3樓層露天兒童遊樂場 ============================ 記得Follow埋我哋Facebook、MeWe同Instagram...

踏入九月，可以進行多啲戶外活動啦。不過天氣仍然有啲熱，今次我介紹呢個場地，係可以由室內玩到室內，仲有水玩、顏色、親子工作坊添。   重點係，可以親親大自然。場內仲設有有機農場，仲可以買新鮮有機蔬菜。 而地點係位於新界區，元朗溱柏入面嘅 The Green Atrium 。 ▲整棟都係 The Green Atrium 雖然呢個場地係有室內同室外，但和牛媽媽都建議最好好天氣先前來玩。因為戶外草地區，更能讓小朋友親親大自然，而玩嘅遊戲都好吸引。 ▲ 超型、超有霸氣嘅剷泥車 ▲ 人手彩繪嘅石頭過三關遊戲 ▲  人手彩繪嘅石頭 ▲可愛嘅手推車 ▲ 街邊賣花嘅小女孩 ▲ 旋轉360坐墊  ▲ 與水有關嘅遊戲  ▲ 戶外區最吸引小朋友嘅環節，絕對就係Pool Party啦~ ▲ 大玩顏色遊戲，旁邊放有唔同顏色嘅噴水壺，小朋友可以隨意於顏色板上噴射顏色。 ▲ 仲有小朋友最愛嘅吹泡泡遊戲 【室內兒童遊戲室】 遊戲室入面有唔少利用環保材料製造嘅玩具，與環保生活息息相關。 ▲ 除了環保玩具，當然亦有木製車仔積木玩具及幼兒玩具。 ▲ 可愛嘅Miffy手推車玩具 ▲ 小朋友角色扮演玩具場景，超級市場，以木材及紙皮箱製成場景。 ▲ 特式波波池~棉花及汽球，小朋友都一樣玩得超級開心呢。 【親子工作坊】 而以我所知，每月定期都會有唔同主題嘅親子工作坊。嚟梗9月15號之後，就會開始進行水拓畫工作坊。 ▲ 小朋友可以揀三隻顏色，然後滴1-2滴顏色於特製嘅水上面。 ▲ 再利用工具，輕掃製作一幅圖畫。 ▲ 再將特製嘅畫紙放於水上面，大概3秒就可以輕易完成一幅作品啦。 工作坊可以製作2幅畫及一塊木牌。和牛B超開心，因為好有成功感。 【蓋亞有機農場】 農場超大，而所種嘅有機蔬菜均可出售。同時，亦會提供到新鮮蔬菜The Green Atrium嘅餐廳。 俾小朋友親親大自然，了解到蔬菜係點樣得嚟。 農夫先生亦讓遊客輕輕摸下蔬菜/ 植物，俾小朋友感受一下。 農夫先生仲送咗臭花草俾和牛B，淡香嘅薄荷味。農夫先生話，舊時嘅長輩會用臭花草嚟炒蛋食，可以治頭風O架。 【活動空間】 The Green Atrium 1樓位置，亦有空間讓小朋友走動。當然，家長要照顧好小朋友吧 (兩邊都有樓梯)。 ▲ 影相靚位 ▲ 盡情放電  ▲  The Green Atrium 1...