和牛B 的成長日記

鍾意兔仔嘅我，今次又豈能錯過比得兔(Peter Rabbit)嘅快樂莊園展覽啦~ 同場除咗有比得兔之外，仲有佢好拍擋賓仔以及佢嘅動物好友都嚟咗太古城中心。 比得兔花園 嚟到莊園梗係要搵比得兔影返張相打卡啦!!! 麥奎格先生之家 展覽期間嘅每個週末及公眾假期可參與互動遊戲，工作人員會俾姆張問題紙俾你揀，睇完就可以入去麥奎格先生之家到搵答案。   只需回答簡單問題，就可以得到精美的比得兔貼紙及「比得兔刮刮卡」一張，刮刮卡內藏豐富獎品，參加者將有機會得到兩張《比得兔》電影換票證、FANCL 現金代用券、APiTA 禮券或其他精美禮品。   **大家要細心留意「麥奎格先生之家」入面嘅每一個物件。 比得兔電影館 仲會展出《比得兔》電影嘅分鏡圖、設計圖以及比得兔件藍色外套。 比得兔件及賓仔嘅小外套 復活節彩蛋工作坊 顧客只需於商場內嘅客戶服務中心捐款$100予 啟愛共融基金 ，即可以與小朋友一齊繪畫屬於自己嘅兔兔復活蛋。 活動日期:3月30日至4月2日 分為三節時段，每節約為45分鐘 復活節比得兔曲奇工作坊 太古城中心與ABC Cooking Studio 推出期間限定嘅「復活節比得兔曲奇工作坊」，於 4 月 1 日至 15 日舉辦8場嘅工作坊，讓家長同小朋友合力製作曲奇。 【比得兔快樂莊園 @ 太古城中心】 活動日期: 即日至4月15日 地址: 太古城中心二樓中橋 -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

每逢假期我都會同和牛B四圍去，發掘好玩嘅好去處。最近聯合國兒童基金現正於將軍澳東港城舉辦「細路愛玩營」嘅活動，場內活動主要以回應及支持UNICEF全球兒童早期發展項目，由營養(Eat)、遊戲(Play)、關愛(Love)三大元素，場地設計色彩繽紛，非常吸引呀!!     佔地逾3,000呎的裝置，有巨型積木建成小朋友最愛嘅「幻想遊樂場」、「模擬家居探索區」及「兒童早期發展專區」，每項遊戲都可以讓小朋友自由探索玩耍，啟發兒童嘅思考及腦部發展，亦可讓父母從多方面更了解兒童早期嘅發展資訊。 幻想遊樂場 此區分成1-3歲及4-8歲組，入面有五同形狀、唔同大細嘅軟身積木，無規限俾小朋友發揮創意，自由玩樂。   每節可以玩1小時，如果中途離場，就唔可以再返入去架啦。所以入場前，建議先帶小朋友換片或去洗手間再進場。   而幻想遊樂場係於網上預先登記，先可入場玩。第二輪登記時段請留意「UNICEF Hong Kong」Facebook（每節體驗1小時，當中包括15分鐘準備及簡介時間。每節名額共25個。先到先得，額滿即止！） **每節完咗之後，仲會有職員噴灑消毒水，入場前每位小朋友及家長都需要晾度體溫以及消毒雙手。 模擬家居探索區 入面嘅遊戲全部都係喺屋企用簡單材料製作而成，又簡單又好玩。仲適合親子玩樂添呀，玩完之後，我都想參照佢哋自己整返出嚟玩呢。而呢個區嘅遊戲全部都唔需要預先登記o架，無限次玩都得。 走入通道，入面有多條藍色彩帶，小朋友需要靠自己思考去避開及穿過彩帶。   和牛B第一次玩呢類遊戲，爸爸今次無陪住和牛B同行。估唔到和牛B已經大個女啦，佢自己識得判斷，同衝破每個難關，佢自己完成咗呢個遊戲。   超簡單材料就做到一個遊戲，仲好啱親子玩。呢個遊戲都係訓練手眼協調o架，同爸爸媽媽一齊玩仲可以增進感情。   釣魚遊戲可以訓練手眼協調能力、肌肉動作、專注力或耐性。   透過吹氣嘅方法讓各種動物喺台上移動，其實口部動作亦有助兒童鍛煉下巴同埋口腔肌肉嘅發展。 利用廚具變成樂器，一對筷子一個湯煲就變成一個鼓啦~俾小朋友玩，盡情發揮音樂細胞啦~ 入面嘅所有遊戲，大人看似好簡單、好平凡，但對於小朋友嚟講其實好新鮮，好好玩。 兒童早期發展專區 小迷宮，小朋友可以爬入積木隧道，自由穿過每條道路，可以啟發小...