和牛B 的成長日記

好多時都會聽到人講，你「清胎毒」未呀?  如果今胎係第一胎嘅你，等我分享一下咩係「清胎毒」啦，而作用又係乜嘢? 胎毒其實係孕婦懷孕期間吸收到嘅毒，例如: 飲食唔節制、 食煎炸肥膩、過度滋補、脾氣暴躁、肝火旺盛，都有機會導致母親內熱過重，將「毒」傳俾BB，造成胎毒。 而胎毒又會對BB產生咩唔好嘅反應呢? 例如: 嬰幼兒出現濕疹、過敏性皮炎、皮膚出現瘡癤等等。 陀二寶嘅我，自己同先生本身有鼻敏感。上胎清胎毒清得唔夠，所以和牛B的確患有濕疹問題。 到而家濕疹，仍然一直纏繞住和牛B....都真係好苦惱! 有咩食物可以清胎毒? 孕婦可以選擇 涼性嘅食物，例如: 西瓜*、綠豆沙、豆腐、腐竹、椰青、荷葉、薏米、白蓮鬚**、冬瓜皮、粟米鬚等。 * 西瓜: 要注意果糖陷阱，如果有妊娠糖尿嘅子婦，都要控制食西瓜嘅份量哦。 ** 白蓮鬚: 有一個傳聞，體質啱嘅媽媽，飲咗會易啲生。相反體質唔合適，飲咗就會陣痛好耐都生唔到…(我就係後者，當年一飲完即刻頭暈兼作嘔…然後作動十幾個鐘先生到和牛B)。 另外 保持大便通暢都好重要 ，所以要食多啲菜、飲多啲水。 幾時開始清胎毒 我自己就喺33週中期開始，但每個人體質都唔同，建議諮詢中醫意見再開始。如果太早進行清胎毒，BB未完全發育成熟，進食過度寒涼嘅食物，係會引起子宮收縮引至早產o架!! 所以，唔好心急呀! 【清胎毒湯水分享】 袪濕消腫湯 材料： 蓮子...........50克 粟米鬚........50克 鮮冬瓜皮.....100克 豬𦟌肉........200克 蜜棗...........3粒 做法： 將以上材料洗淨，放入煲，加水1500毫升，用大火煲至水滾後，改用細火繼續煲1.5小時，加鹽調味即成。 功效： 清熱利水消腫。 桑寄生蓮子蛋茶 材料： 桑寄生....1兩 蓮子.......1兩 雞蛋.......2隻 片糖.......少許 做法： 將雞蛋煮熟剝殼，再將桑寄生放入湯袋，加6至6 碗半清水同蓮子， 用大火煲至水滾後， 改用細火繼續煲 2小時，加適量片糖調味。 功效: 補肝壯腎、養血祛風同安胎催乳嘅作用。 腐竹蛋糖水 材料： 水.......5-6 杯 腐竹......

上一胎陀住和牛B嘅時候，我有妊娠糖尿。 所以今胎QE幫我準備咗兩個「飲糖水」嘅期俾我，姑娘話如果我第一次飲完就顯示我有妊娠糖尿，咁第二個期就唔需要返嚟了。 若果，第一次飲完我過到關呢，第二個期就如乖乖出席。 孕期去到第13週嘅時候，我就要返到QE進行妊娠糖尿測試「飲糖水」。 要空腹進行，當日都好早時間係上午9點半。 去到排隊登記，然後就抽一次血，驗空腹嘅血糖含量。 抽完血，就可以拎住姑娘俾嘅紀錄冊去領取「糖水」一支，要喺限時10分鐘之內飲晒。 以我經驗，唔可以好急咁不停飲。因為好容易會嘔，不過今次飲我覺得係甜到有少少醃喉嚨!! 飲完之後，將個樽交還俾姑娘，姑娘就會開始同你計時2小時。 姑娘寫好時間後，姑娘就叫我出去行下，限時之內返返嚟排隊抽血就可以了。 然後，我就離開醫院出去行下街。 返嚟再抽一次血，之後姑娘會派發梳打餅一包同埋一盒奶。 休息一陣，無唔舒服就可以走~~ 如果，驗到有妊娠糖尿稍後醫院就會致電聯絡。 不過，我今次好好彩，我等咗3星期都無電話。所以，我25週嘅時候要返去再飲一次糖水啦~ 簡易流程--> 空腹抽血 飲糖水 抽血 走得 其實妊娠糖尿又會有咩影響呢？ 其實妊娠糖尿對孕婦同埋BB都係有危險，如果血糖控制得唔好。可能會導致胎兒過大，令生產出現困難，甚至難產，或需提早剖腹生產；同時亦會增加畸胎、胎死腹中、羊水過多、早產等風險。 而BB出生時受感染和出現黃疸嘅機會亦都會增加，亦有呼吸窘迫症及「血糖過低」嘅危險，日後長大亦有較高機會患上糖尿病及心血管疾病… 不過，就算唔好彩患上咗妊娠糖尿，都唔需要太擔心。因為一般可以透過飲食嚟控制，少食多餐，少糖鹽、少芡汁、少煎炸為主，又或者依營養師嘅建議分配食物種類及控制分量，適當選用澱粉質、水果及奶類食物，以吸收足夠而均衡的營養。同時配合簡單運動如散步、游泳等來控制病情。 如果嚴重嘅話，醫生或會建議孕婦注射胰島素嚟穩定血糖… 而妊娠糖尿多數都係暫時性嘅，大部分媽媽生完BB之後，血糖水平都會回復正常。不過，曾經患上妊娠糖尿嘅媽媽，日後患上糖尿病嘅機會都會相對較高。 所以，產後都要繼續注意日常嘅飲食習慣及體重控制，同埋每年都要做檢查，check住啲血糖呀!! 【二寶孕記】第二次QE產檢分享 - 早期唐氏篩查 【二寶孕記】醫院預約登記方法 及 第一次QE產檢分享 【二寶孕記】孕媽媽選擇護膚品、化妝品須知 【二寶孕記...

大約喺BB 11-14週內進行嘅早期唐氏綜合症篩查，QE係可以提供服務 (香港居民仲係費用全免)。 不過，第一次產檢時。 助產士都會問，你想喺返QE做，定係自己會出去私家到做呢個檢查。 而我就揀返喺QE到做檢查，嚟到BB 12週嘅時候，我再返QE做早期唐氏篩查嘅檢查。 首先去QE嘅E座一樓繳費處登記，之後再去返B座3樓產科。 去推門行去護士站登記，首先要填一份簡單問卷，內容大概都係問返最近有冇唔舒服(例如: 發燒、肚瀉等)，有冇外遊等等。 然後，姑娘會再俾一份關於唐氏篩查測試嘅同意書俾你，睇晒如果無問題，簽返名坐一陣就可以入房照超聲波。 照完超聲波，再要去抽血房等抽血驗。 抽埋血，就完成走得o架啦! -------------------------------------------------- 歡迎聯絡我&和牛B:  chungying56@hotmail.com F acebook 專頁 :  和牛 B 嘅成長專頁 I nstagram :  wagyubmami                         -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。