【集體回憶】我們的啟德機場。揸飛機、仲可以體驗衝上雲霄
由細到大，我都係住九龍區，九龍城亦係我細個經常會去嘅地方。而啟德機場於1998年開始停用，正式使用赤鱲角機場，亦即係而家嘅「香港國際機場」。 以前一到九龍城，我就會好驚。因為飛機每次升、降都會發出轟隆巨響，當時仲細嘅我，真係會驚到馬上掩耳同埋合埋雙眼。 同埋抬頭見到咁大架飛機，真係會好驚！！ 而家呢一切，都已成為歷史，數數手指又已經廿年啦！ 小朋友可能會問，點解九龍城啲樓特別矮嘅? 原因就係當年要遷就飛機升降，所以大廈係有高度限制。 活在獅子山下，真係有無數個歷史。 展場唔算好大，但係亦係一個集體回憶，同小朋友分享話當年嘅好去處。 【小小飛機師駕駛遊戲】 小朋友可以坐上飛機造型嘅電動車，於13/31嘅跑道上駕駛。每節10分鐘，只限2位小朋友進行駕駛。 *跑道範圍唔算好大，現場實拍，無隱藏位。不過，最特別嘅都係飛機造型嘅電動車。 **遊戲適合3-10歲小朋友 (身高90-140cm高) ^ 當日我哋去到已經滿額了…唯有企場邊睇住人揸飛機啦。 參加方法： 於商場內以電子消費滿$50，即可參加遊戲。 （名額有限，先到先得） 活動時間： 逢星期六、日：12:30nn - 6:30pm 逢星期一至五：於指定時間內進行，請參閱九龍城廣場資料 【模擬飛行遊戲】 限時5分鐘進行遊戲，可以模擬駕駛飛機 衝上雲霄。 參加方法： 只要「讚好」及「追蹤」 KCP九龍城廣場 之Facebook專頁，即可參加遊戲。 *每日名額有限，先到先得。 活動時間： 逢星期六、日：12:30nn - 6:30pm 逢星期一至五：於指定時間內進行，請參閱九龍城廣場資料 【必到影相位】 舊時九龍城嘅天空，經常都係咁o架！ 除咗以上大人細路都啱玩嘅遊戲，當然仲有展品啦。 有啟 德機場嘅飛行活動手冊、飛機餐單、多間航空公司 嘅 經典旅行袋、機場搬遷紀念頸巾、舊照片，航空名信片及拼圖等。 ^ 好多展品，我都未見過呀！ 以前嘅 啟德機場 ，比而家 香港國際機場細得多。 所以，香港係愈來愈繁榮嘅。每日航班升降量，都比以前多好多。 【我們的啟德機場@九龍城 】 活動日期：2018年7月27日至9月2日 活動時間：10am - 10pm 活動地點 :九龍城廣場B1樓層大堂 http://www.kcp.hk/kcp/wp/ http://www.kcp.hk/kcp/wp/我們的啟德機場 https://www.faceb...