和牛B 的成長日記

戴口罩、買口罩買到窮，已成為生活一部分... 回想返， 和牛B個妹妹出生於疫情最嚴重嘅時期，好記得當時住醫院都提心吊膽。 自己住醫院期間，全程包括瞓覺都戴口罩。 只有在進食、飲水期間先除低口罩... ^ 妹妹當時仲係半歲前，所以未能戴口罩 但BB可以點呢? 咁細嘅BB唔可以戴口罩，因為佢哋呼吸比較弱，所以係絕對唔可以戴口罩!! 我唯一嘅辦法，就係帶定便攜式嘅空氣淨化機放喺BB床入面(放於安全位置)。 仲記得妹妹出院嘅時候，就最為擔心.... 當時防飛沫罩仲未盛行，市面亦未見有得買。 我唯有單手抱住妹妹，另一隻手拎住「立體口罩」幫妹妹遮擋，再上車返屋企。 到第一次返健康院，仍然未有 防飛沫罩。 同樣唯有 單手抱住妹妹，另一隻手拎住「立體口罩」幫妹妹遮擋或者餵奶巾。 後來市面上，終於推出更多適合嬰幼兒使用嘅防疫裝備。 真係超方便，而每個階段都有唔同嘅裝備可以選擇。 最初，妹妹仲細我會考慮推BB車加雨擋，就最全面! 而妹妹亦喺BB車入面，亦唔需要戴口罩同埋防飛沫罩。 到天氣好熱嘅時候，我哋嘗試過用呢款防飛沫罩。 不過，掛頸呢條繩一定要將兩邊夾實喺BB車先比較安全。 但如果BB大力拉扯...就通常都遮唔到BB了..... ^ 妹妹當時仲係半歲前，所以未能戴口罩 另一個方法，同樣唔太work... 因為BB瞓喺BB車，頭仔左右郁動的話。 防疫帽會走位，同埋罩會飛起… 所以，唔係好夠周全保護呢.... ^ 妹妹當時仲係半歲前，所以未能戴口罩 如果用Hip Seat的話，用掛頸款防疫帽。 頭頂部份冇密封，少少通風...不過天氣熱都係會焗到妹妹出晒汗...T^T ^ 妹妹當時仲係細，所以未能戴口罩 到BB可以自行坐好嘅時候，戴防疫帽尚算可以遮擋。 ^ 妹妹當時仲係半歲前，所以未能戴口罩 到妹妹差唔多10-11個月大，我哋就開始同佢訓練戴口罩。 最初，我哋都會喺屋企同佢習慣一下。 但本能反應，佢第一件事就係會扯甩口罩，都係正常反應。 所以，最初經常都會扯爛口罩... 後來，外出我哋為咗安全起建。 戴口罩之外，都會戴上防疫帽/ 掛頸式防飛沬罩。 以防萬一，而呢個外出方式。 亦可以令BB習慣，外出係要戴口罩。 而家妹妹一歲半，已經習慣喺街要戴口罩了。 雖然，妹妹已經習慣戴口罩。 但當遇上妹妹扭計嘅時候，口罩都係會扯爛無數個... 所以，出街手袋一定要帶備4-5個以上嘅口罩.......

孕期唔長唔短，仲記得陀B最辛苦一定係頭3個月。 轉眼BB就出世啦，父母們又要重新適應生活。 如果係新手爸媽，冇經驗真係會毫無頭緒唔知點算好!! 等我分享一下關於BB每個發展階段嘅小資料啦~~ BB一出世頭一至兩個月，通常都係食飽就瞓，瞓飽就食。 ^ 喊、換片、食奶 記得每次餵完奶，一定要掃風同埋留意瞓咗覺嘅BB有冇吐奶情況!! 到BB滿3個月大，佢哋慢慢會開始會有以下嘅能力。 活動方面:  佢哋開始可以流暢、自如地擺動身體及四肢，有時仲會用力咁伸直雙腳或者踢腿。 頸仔開始夠硬，可以趴。同時能夠抬起頭，仲會用前臂支撐身體。 扶BB坐起身嘅時，佢哋頸仔夠硬。 已經可以抬起頭，而且頭仔仲唔會晃嚟晃去。 開始將手放到嘴邊吸吮，食手或者食手指。 亦開始識放鬆手指，打開手掌，同時亦識抓住喺手旁嘅物件。 會用力擺動身體同手，去嘗試觸摸懸垂/身旁嘅物件。 視覺方面: BB會開始觀察四周圍嘅環境，會注視人嘅臉孔 (即係認人)。 能夠認出熟悉嘅人，視線亦會追隨熟悉嘅人而移動。 視線和頭部亦會追隨物件而左右轉動。 聽覺及語言方面:  頭部會隨聲音嘅方向轉動，鍾意聽 音樂。 聽到熟悉嘅聲音會笑，聽到媽媽嘅聲音會笑得更加開心。 開始模仿或發出某些聲音，如「咕咕」聲和「呀呀」聲。 社交溝通方面:    會以微笑與人溝通，特別係鍾意對住熟悉嘅人笑。 妹妹見到和牛B家姐通常都會笑得好開心，因為家姐好鍾意逗佢玩~ 仲會開始模仿照顧者嘅表情。 而且仲會用哭鬧、發出咕咕聲、同唔同嘅表情同身體語言去表達自己嘅情緒及需要。 佢哋開始喜歡同人玩，但當你停止嘅時候佢或者會覺得未玩夠，就會喊~ 而作為家長，BB係一張白紙。 亦只係剛剛嚟到世界3個月左右，所以對世界好陌生，亦需要有安全感。 其實父母多啲 安撫BB，佢哋就會有安全感。 同時都可以 培養佢對你嘅信任，從而建立自信。 之後就可以令佢能夠逐步離開我哋嘅懷抱去學習同埋探索，發展成一個獨立、有自信嘅人。 呢段嬰兒時期，對BB日後發展好重要。 建議多抱抱BB，同BB傾計、唱歌，同佢玩 不過以上資料都係俾大家參考一下，始終每個BB都唔同都係獨一無二。 所以發展速度、身體發育情況都唔同。 分享只係想俾大家知，大概發展情況會係咁樣。 讓新手父母可以大概了解到BB每個階段嘅情況及需要。 【和牛B個妹。Login成長日記】1歲半健...

唔知大家有冇發現，而家街上多咗人推住《LikiTrike》三輪車出街? 不論行商場、公園、主題樂園，都隨處可見‼️可以話，係父母界嘅潮物。 《LikiTrike》 絕對係帶寶外出必備嘅物品之一!! 佢係一部非常好用、方便嘅輕便推車，亦係一部三輪腳踏車。 加上係超易收、開車，可謂3 秒快速收車，就算第時帶寶去旅行，都可以攜帶上飛機呀~~ 而《LikiTrike》設有高靠背舒適座椅，靠背仲可調，方便寶寶休息~ 30個月以上嘅時候，就可以轉換安裝低靠背，同時拆下推桿。 折疊尺寸且僅重 6.7 公斤，尺寸唔大，放回專用嘅收納袋，仲可以攜帶出街、上飛機。 好似妹妹而家歲半咁，我當輕便推車出街。 我可以控制轉向，而妹妹係唔可以控制嘅~ 後輪仲有剎車踏板，方便當輕便推車時用。 ^ 控制杆高度亦可以調節，所以和牛B都可以推妹妹。 到妹妹大啲，就可以將佢變返3輪車咁用。 腳踏位置仲可以調節，有推車腳踏和腳踏車腳踏兩種模式，仲防止夾腳添呀! 而車嘅太陽罩，仲係防紫外線添~   《LikiTrike》仲係高品質耐用車架，纖維增強聚合物和鋁合金，減震嘅車輪，用家都坐得好舒服~ ^ 扣好安全帶，放好腳仔，就可以馬上出發。 如果你都想要，留意住我哋Facebook嚟梗嘅 #LikiTrike三秒擺post攞車鑰 送禮活動啦~ 【更多關於Like Trike S3】 https://jakewell.com.hk/products/liki-trike-s3-red 【Jakewell】 https://jakewell.com.hk/ ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 我的網店C.Mozo Store https://cmozostore.mallogram.com/zh-hk/