和牛B 的成長日記

自從疫情後，我在家落廚嘅機會都多咗好多，其實都幾頭痛呢.... 後期，到和牛B都正式復課。 我哋讀嘅學校為咗安全起建，都取消了茶點時間。 因為咁我每日都希望和牛B食到飽飽先返學，希望佢唔會餓親。 但在職嘅我，每朝都好趕時間… 而家又要做埋豐富早餐俾和牛B，都咪話唔頭痕呀~ 由於和牛B都係貪得意，貪新鮮嘅小朋友。 所以，我最近都保持住每日唔同款式早餐吸引佢食多啲、食飽啲先出門口。 同大家分享一下我嘅星期一至五，簡易早餐俾大家參考一下~ 大多以焗爐為主，可以話放晒入焗爐就可以行開做其他嘢~~ 唔洗睇火，咁麻煩~ (不過第一週，有部分早餐都需要用煮食爐) 星期一: 炒蛋火腿粒麵包芭菲杯 星期二: 番茄醬芝士炸魚手指麵包卷 星期三: 一口西多士+煉奶/ 糖漿 星期四: 「學校(公司)」芝士火腿三文治 星期五: 番茄醬芝士粟米火腿Pizza 今次先分享第一週，陸續分享我嘅早餐餐單給大家~ 詳細做法已經寫好俾大家參考一下~ 星期一: 炒蛋火腿粒麵包芭菲杯 材料: 火腿、炒蛋、方包 (亦可加入粟米粒) 做法:  1. 火腿剪粒炒熟備用 2. 雞蛋炒熟備用 3. 將方包剪成粒狀，加入芭菲杯 4. 加入炒蛋、火腿粒 完成! 星期二: 番茄醬芝士炸魚手指麵包卷 材料: 炸魚手指、芝士一塊、方包、茄醬適量 做法:  1. 煎熱炸魚手指 或 放入P仔健康炸10分鐘 2. 芝士舖在方包上，加入已炸熱之炸魚手指再加適量茄醬 3. 將方包卷起壓實，即成 星期三: 一口西多士+煉奶/ 糖漿 材料: 方包、雞蛋一隻、花生醬、煉奶/糙漿適量 做法:  1. 將方包剪成12塊大小一樣嘅方塊，其中一面搽上花生醬 (兩塊為之一件多士) 備用 2. 雞蛋打成蛋漿，將多士沾上蛋漿，底面、四邊都要沾滿蛋漿 3. 加少少油煎香底面、四邊 4. 上碟後，再倒入煉奶或糖漿 星期四: 「學校(公司)」芝士火腿三文治 材料: 方包、火腿一塊、芝士一塊、星星脆米 做法:  1. 將方包剪成9塊大小一樣嘅方塊備用 2. 芝士、火腿剪成6塊大小一樣嘅方塊備用 3. 火腿煎熱後，與芝士一層一層，隨自己心意加入方包塊 4. 最後加入適量星星脆米伴碟 星期五: 番茄醬芝士粟米火腿Pizza 材料: 火腿適量、粟米粒、芝士一塊、方包、茄醬適量 做法:  1. 火腿剪粒備用 2. 將...

天氣開始凍，每朝早餐我都想整一啲暖笠笠、熱辣辣嘅食物俾和牛B。 但天氣凍，自自然然都唔想早起。 所以，唯有做一啲準備時間較短嘅食物就似乎比較適合，要返工又要帶和牛B返學嘅我。 牛角酥合乎快、靚、正嘅效果。 準備材料都好簡單，現成嘅酥皮。其餘食材相信大家屋企都會有，蛋、糖漿/蜜糖。 材料: 1.酥皮一塊 (我呢塊大概15cm x 15cm) 2.蛋一隻 (蛋漿) 3.糖漿/蜜糖 做法: 1.酥皮從冰上拎出嚟解凍 (軟身就可以了) 2.將酥皮砌成4塊三角形 3.用麵棍碌平 4.喺三角形部份嘅中間位置剪開 5.從底部開始卷起 (如果想甜啲，可以搽上糖漿/蜜糖) 6.喺牛角酥上掃上蛋漿，再掃上糖漿/ 蜜糖 7.放入爐焗160 ℃，焗20分鐘 8.完成! 酥軟可口，自己整仲新鮮~ 我只係喺牛角酥面掃上蜜糖，唔會好甜，如果想甜少少就喺卷嘅時候搽埋蜜糖，咁就由內到外都會有甜味。 *溫韾提示* 由於每個焗爐的新舊型號關係，爐溫都會有差異。所以喺烤焗時，建議定時留意牛角酥嘅情況，以免焗燶。 我的幼兒食譜分享 【幼兒食譜】小朋友的鬆脆植物油曲奇餅 【幼兒食譜】簡易茶點煉奶、花生醬夾餅 - 附食譜 【幼兒食譜】清新檸檬味、柯華田杯子蛋糕 - 附食譜 【幼兒食譜】派對小食「幼兒簡易Pizza」- 附食譜 【幼兒食譜】低糖茶點「雲呢拿海綿蛋糕」 - 附食譜 【幼兒食譜】無糖無牛油「香蕉二重奏蛋餅」(1Y+) - 附食譜 【幼兒食譜】營養早餐「芝士雞蛋麵包卷」- 附食譜 【幼兒食譜】親子下廚一起包雲吞/ 餃子。 【幼兒食譜】簡易早餐、茶點「小窩夫」 - 附食譜 【幼兒食譜】健康小食「南瓜燕麥餅」- 附食譜 【幼兒食譜】與孩子一起做茶點 - 焗香蕉春卷 - 附食譜 【幼兒食譜】簡易茶點「紅苺乾杯子蛋糕」 – 附食譜 【幼兒食譜】BB微糖蛋糕+兩種造法 – 附食譜  【幼兒食譜】超簡易茶點「微糖杯子蛋糕」附食譜  【幼兒食譜】輕食OK!小茶點「無油蛋酥餅」附食譜 【幼兒食譜】超簡易健康有營養茶點「焗香蕉麵包雞蛋布丁」附食譜 【幼兒食譜】超簡易早餐、茶點「香蕉Pancake」附食譜 【幼兒食譜】無油無糖雞蛋Puff。超簡單。超快。輕食OK! -------------------------------------------------- 歡迎聯絡我&和牛B: ...