和牛B 的成長日記

5月嘅時候，我哋北上去咗好受歡迎嘅「深圳兒童探索館」， 呢到一個價錢玩足一日! CP值好高，比起一般Playhouse更值得去玩。 首先嚟到呢個充滿多巴胺風嘅七彩大廈，已經好吸睛!  地下有市集，大廈入面仲有餐廳，而我哋今次主要就係去「 深圳兒童探索館」。 場地佔地有4,000平方米，有三層樓高!! 有多個展區，唔同主題，有動有靜，適合唔同年齡層嘅小朋友。 一入場就見到其中一個展區北極、沙漠、雨林等自然世界區域， 讓小朋友可以從遊戲中探索世界有趣嘅事物。 另一邊就有職業體驗嘅專區，小朋友可以扮演腸粉店、粥店店員、 仲有獸醫、消防員、鐵路維修員等。 小朋友仲可以換上制服，登上消防車打卡。 旁邊仲有救火遊戲玩，真係有水射出嚟㗎!! 腸粉粥店呢個位，好有心思! 三樓頂層仲有得做船長，體驗揸船~ 地下仲有一個玩水區，可以透過唔同組件，讓水流動或靜止。 (旁邊仲有提供拖鞋及雨衣，防止整濕) 另一個水池區，位於三樓樓層。 仲有3層樓高嘅迷宮陣，有刺激水管滑梯等。 汽車設計工作室，透過電腦投射技術，將小朋瘢嘅設計技射到汽車身上。 來到頂層關於人類構造，有巨大化嘅人。小朋友可以爬入咀入面， 睇下人結構。 仲有超大鼻孔，當大力拉扯鼻毛嘅時候，大鼻孔仲會發出聲音! 真係超得意呀! 鍾意放電嘅小朋友，一定會玩嘅體能區 可以跑步、射籃球、平衡遊戲等。 仲有適合幼兒嘅玩樂區，有積木、小滑梯等。 感官探索展區，入面以不同的光影效果打造，設有管道泡泡、 變色光纖等設施，打卡一流呀! 仲有學習電嘅正、負極，著電源駁好。 *場內設有洗手間 *進入探索館必須穿著襪子 「深圳兒童探索館」由於大受當地人及香港人歡迎， 所以建議出發前先預約哦~~ 預約方法： 微信搜尋「深圳兒童探索館」進行預約，每次可預約三天內的時段。 入場費: 親子票價為149元，加一位成人需加50元， 加一位兒童需加99元。 【深圳兒童探索館】 地址: 深圳市福田區景田路78號深圳婦兒大廈裙樓1層 (地鐵2號線景田站C出口) 營業時間: 上午10時至晚上8時 (逢星期一休館) 記得Like我哋Facebook及設定為搶先看， 收睇我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www...

每逢假日，我哋都會為和牛B同妹妹安排活動去玩、放鬆一下。 佢哋都鍾意飲茶食點心，今次我就帶佢哋一齊去做中式點心師傅~ 平時佢哋就食得多 紅豆豬豬包，今次輪到自己親自落手做真係第一次呀! 今次呢個係由「唐宮小聚」舉辦嘅親子點心工作坊，一次過可以跟廚師學整兩款點心「 紅豆豬豬包」、「白玉兔餃 」。工作坊只有三場，而且人數有限，如有興趣要儘快報名哦!!  完成整個工作坊，仲可以獲得印有和牛B、妹妹個名嘅證書添㗎!! 唐宮小聚嘅小菜點心出名好食，所以有得跟廚師學整點心! 真係好難得呀!! 【唐宮小聚親子點心工作坊 & 下午茶】只限三場!! 活動日期: 2024年11月24日、12月1、8日。 活動時段: 3:00pm - 5:30pm 馬上報名:  https://www.kkday.com/zh-hk/product/260042?cid=14923 第一次整中式點心嘅兩姊妹，都好投入，佢哋好努力去製作自己獨一無二嘅豬豬包同埋 白玉兔餃。 兩姊妹嘅作品都各具特式，真係好可愛呀!! 完成後，就馬上送去蒸爐焗熟再享用。 一齊整完點心之後，我哋仲可以喺唐宮小聚入面嘆 下午茶點一份。 當中 包括小朋友自製點心( 紅豆豬豬包、白玉兔餃)及 流心皮蛋、黑金流沙、沙薑豬手、醬汁蘿蔔、桂花凍糕。 另外，餐廳仲有提供食譜，如果鍾意返屋企自己都可以再整。 重點就係活動結束嘅時候，仲可以獲得印有小朋友姓名嘅活動證書㗎!! 【唐宮小聚親子點心工作坊 & 下午茶】只限三場!! 活動日期: 2024年11月24日、12月1、8日。 活動時段: 3:00pm - 5:30pm 價錢： HKD 330，包一位成人一位小童 工作坊包括點心食材一份、下午茶點一份、「愛我點心」圍裙一條、食譜一份 下午茶點一份包括小朋友自製點心及流心皮蛋、黑金流沙、沙薑豬手、醬汁蘿蔔、桂花凍糕 馬上報名: https://www.kkday.com/zh-hk/product/260042?cid=14923 唐宮小聚中環店 (TheL.Place2樓) 地址 :  中環皇后大道中139號 The L. Place 2樓 如何前往: 港鐵上環站E1出口步行4分鐘 記得Like我哋Facebook及設定為搶先看， 收睇我哋發掘最新、至好玩嘅好去處呀。 https://www.faceb...