和牛B 的成長日記

細個嘅時候，我既係好男仔頭，亦又好鍾意公主嘅~ 真係咩都鍾意呀~ 今次呢個商場主題裝置，有齊我兩個兒時鍾意嘅人物。 就係人見人愛嘅《櫻桃小丸子》，另外就係爸爸們好鍾意嘅《街頭霸王Street Fighter》! 講返點解咁鍾意《Street Fighter》呢，原因就係細個跟住阿哥一齊打機。 暑假一定會瘋狂「打街霸」，仲要靠「屈機」去取勝 (哈)! 今次新都城中心2期及3期，《櫻桃小丸子》同埋其他角色都會裝扮成街霸人物造型!! 仲有6大場景俾大家影相打卡~ 等我都將妹妹變身成為我最鍾意嘅春麗，去影相打卡先~~ 又順便等我過下Cosplay癮~~ ^「春麗の俏皮格鬥」 ^「瞬獄必殺の豪鬼」 ^ 「櫻の青春對決」 ^「與隆帥氣大比拼」 ^ 「高僧爺爺顯神威」 ^「司令來襲」 同時間仲有「 AR虛擬互動遊戲搵出隱藏「萌」友」、 挑戰「武術鍛鍊場互動體驗區*」、 首個官方授權珍藏展，多幅絕版手稿全球首次曝光、 期間限定店。 **以下活動資料來源自官方網站** 《 櫻桃小丸子 x Street Fighter珍藏展 》 日期：2021年7月9日至9月5日 時間：上午10時至晚上10時 地點：MCP DISCOVERY L1天幕廣場 《 StreetFighter街機試玩專區 》 日期：即日起至9月5日(逢星期六、日) 時間：下午1時至晚上 8 時 地點：MCP DISCOVERY (新都城中心3期) L1 天幕廣場 參加方法︰下載 H‧COINS App免費登記成為會員即可試玩Street Fighter街機一局 《 武術鍛鍊場互動體驗區 》 時間：下午1時至晚上 8 時 日期：即日起至9月5日(星期一至日) 地點：MCP CENTRAL (新都城中心2期) L2 (近759阿信屋) 參加方法︰下載 H‧COINS App免費登記成為會員即可參加 《 櫻桃小丸子 x Street Fighter見面會 》 日期：2021年8月8、15、22、29日 (星期日) 時間： 第1節 - 下午2時至2時50分 (8月8日除外) 第2節 - 下午3時至3時50分 第3節 - 下午4時至4時50分 第4節 - 下午5時至5時50分 地點：MCP CENTRAL L1天幕廣場 H．COINS會員於指定時段可與櫻桃小丸子 x Street Fighter角色Selfie，共度愉快週末...

最近帶咗和牛B去位於天水圍嘅水知園， 如果在職嘅家長想星期六、日到訪的話，就真係真心難預約呢... 平日就比較易預約，同埋除咗揀日子之外，仲需要揀時段。 預約嘅時候，亦記得準確輸入電郵地址。 因為入場必需掃瞄QR Code先可以入場哦~ 預約: https://www.h2opecentre.gov.hk/tc/plan-your-visit/index.html 水知園有2層，12個展區，入面有好多同水有關嘅知識、資訊。 部份更以互動遊戲進行，讓小朋友更易於明白。 ^ 展覽館入面空間闊落 展區1 「 水 + 歷史」，介紹香港「水」嘅歷史，其實都係影相靚位~ 展區2 「 水 + 來源」 互動遊戲 ^ 模擬釣魚遊戲，遊戲大概1分鐘 當中最吸引小朋友嘅展區，絕對係「水+循環」區啦~ 每節限15分鐘，12人進入。 ^ 玩釣魚 ^ 轉動開關，模擬落雨供水 二樓嘅展覽廳 ^ 模擬水嘅重量 展覽廳有唔少知識，家長可以從中同小朋友講解。 展覽廳不乏影相位~ 舊時香港嘅街喉，小朋友你哋又見過未? 老實講，我自己都未，我都係睇書見過咋~ ^ 天氣信號 場內設施: 設有男、女洗手間及育嬰室 升降機 記得預先預約，再去參觀哦~ **溫韾提示** 疫情期間，記得戴好口罩，勤用消毒搓手液/ 潔手。 勿摸眼、口、鼻，記得保持適當社交距離。 【水知園@ 天水圍 】 地點 : 新界天水圍天柏路20號水務署天水圍大樓 開放時間星期一、二、四至日： 上午10時至下午6時（最後入場時間：下午5時30分） 水知園休館時間:  星期三、農曆年初一及二 https://www.h2opecentre.gov.hk/tc/plan-your-visit/index.html -------------------------------------------------- 歡迎聯絡我&和牛B:  chungying56@hotmail.com MeWe專頁:  https://mewe.com/p/和牛b的成長日記 F acebook 專頁 :  和牛 B 嘅成長專頁 I nstagram :  wagyubmami                   ...

好耐冇正正經經記錄和牛B嘅成長，轉眼和牛B就經歷咗幼稚園畢業嘅人生階段。 明明仲覺得佢幼稚園K1 返學嘅事，係好似冇幾耐之前咁... 但原來咁快就已經3年啦.... 和牛B幼稚園生活入面...K2同K3嘅學年都係非一般... 因為有疫情，呢兩個學年都因為疫情停課返唔足一年實體課... 對於「畢業」呢兩個詞語，和牛B其實唔係好明白箇中意思係咩... 當和牛B開始意料到，以後見唔到對咗3年嘅同學仔、老師同埋校長... 佢就開始覺得唔開心...好唔捨得...話我哋知佢唔開心.... 誰知…不出一星期，和牛B又要再次面臨突如其來嘅離別... 今次，和牛B忍唔住爆喊咗出嚟...喊到媽咪我都想一齊喊... 事緣係，當我6月尾幫和牛B續報英語班嘅時候... 教室已同我講定老師會於7月尾離職返南非，咁我哋都已經問定老師最後一堂會係幾時。 當時，我哋都已經同和牛B講好咗。 我哋新課堂第一堂就係老師最後教佢嘅一堂課，所以我哋要好好珍惜。 同時我同和牛B一齊整咗一張心意卡，打算老師最後一堂時送俾佢。 點知去到當日上堂... 一入到課室，已經唔係我哋跟開嘅老師... 和牛B即刻擰轉身，扁咀，想喊唔願意入課室... 嗰刻，作為媽媽我個心都抽咗一大下… 我都好想和牛B入去當冇事上堂...但係...我都明白真係好傷心... 因為和牛B真係好鍾意呢位老師... 而且一直都諗住月，今日會見到佢... 和牛B同我一樣，感情好豐富好眼淺... 佢一直大喊...無論爸爸點安撫都一樣冇用... 而我都強忍住淚水... 教室職員見到和牛B喊到咁，又停唔到.... 就即刻幫我哋通知老師，話佢知和牛B整咗張心意卡送俾佢... 直至，老師回覆返會返嚟教室拎。 和牛B先至唔再喊，慢慢平伏心情入去上堂... 剛剛先至面對幼稚園畢業同學校、老師、同學仔分別…點知突如其來，都趕唔上同老師道別... 雖然，天下無不散之筵席... 但係對於一個6歲小朋友嚟講，突然間咁又真係好難接受... 我自己都好鍾意呢個老師，原因係和牛B一直都好怕金毛外國人，但係呢位老師係唯一一個金毛外國人，能夠令佢鍾意上英文堂…真係好難得... 離別，總是傷感... 但這次人生必經嘅階段... 這一課，我同女兒都一齊經歷咗... 但願，往後會有另一位外藉老師，能夠打開和牛B 心扉就好啦.... ==========================...