和牛B 的成長日記

嚟到沖繩自駕遊，仲要係親子遊，我諗唔到有乜理由唔去「沖繩美麗海水族館 」(沖繩美ら海水族館)呢!! 真係超興奮!!! 超級大嘅玻璃幕觀賞魚，重點就係有兩條超大嘅鯨鯊!! 事不宜遲，馬上睇片啦~~ 行程話咁快去到第三日，目的地係最遠最遠嘅「 海洋博公園」，雖然地點好遠，揸車大約要2小時左右，但係我會覺得唔去過呢到，唔算嚟過沖繩！由於 海洋博公園 實在太多有趣、震撼嘅事想同大家分享，所以我會分成幾篇文章介紹， 而今篇會重點介紹 「 沖繩美麗海水族館」。   其實海洋博公園本身有好多設施、館藏、海豚表演都係免費，所以好值得去。只有 「 沖繩美麗海水族館」係需要入場費，但 票價方面，我覺得唔算貴，6歲以下小童係免費。所以我地一家三口只需要 ¥3,700(* 約 HKD260)就可以入場。 淨 係睇水族館同鯨鯊都花咗唔少時間，喺海洋博公園，我哋玩咗足足一日。 票價資料： 　 入館時間 8:30am ～ 4pm 4pm ～最後入館 一般 （ 4pm 以後門票） 大人 ¥1,850(* 約 HKD130) ¥1,290(* 約 HKD90) 高中生 ¥1,230(* 約 HKD86) ¥860(* 約 HKD60) 中・小學生 ¥610(* 約 HKD43) ¥430(* 約 HKD30) 未滿 6 歲 免費 ＊詳細入場費資料，請參閱官網 完成購票手續後，就可以正式入場，進場後就會見到兩個公告板寫住今日節目時間表。 珊瑚礁之 旅 遊客可以透過觀察、觸摸珊瑚礁或海星，從而加深對佢哋嘅認識。 觸摸海洋生物之前，記得要去旁邊洗手處潔淨雙手，先好觸摸佢哋呀。觸摸完亦都要記得潔淨好雙手，先離開下一個景點。 仲有就係，只可以觸摸，係唔可以拎起佢哋呀！ 和牛B唔夠膽伸手入去摸，所以由爸爸代勞，感受一下海洋生物係點樣。 深海之 旅 離開珊瑚區，嚟到魚類嘅部份，超吸多魚!! 就算現場多人，亦可以搵到好位置影相。 呢條魚好吸引我!! 因為我真...

之前實在太忙啦…所以做完第一次水原共生之後，我相隔超過半年先再去做Treatment，雖然我隔咗一段長時間，但係效果都依然係Keep到。只係我懶，所以塊面有啲位比較乾。今次再做，我覺得效果更加好，塊面都收細咗，冇錯，係我塊面又細咗呀，仲Firm咗添！至於輪廓出番晒嚟之餘，仲再次幫我喚醒返我皮膚底層嘅膠原BB增生返。 療程大約90分鐘左右，成個療程分3 Part去做。 第一Part係膠原激活，利用MDS膠原激活技術，令大量膠原蛋白增生，有效儲水，大大提升肌膚嘅彈力同埋鎖水力。可以提拉輪廓，令到肌膚彈滑緊緻。 第二Part水養膠原，利用PTLI激光水脈導入，喺黃金時刻注入超級水分子，咁膠原就可以得到最好嘅滋潤。 最後一Part透過S2  延效再生組合，當膠原被激活後，當然唔少得改養水和膠原的共生環境，重建膚質，以增強膠原再生能力，達致長效延續水潤彈滑效果。 好多人問我，個Treatment會唔會好痛?? 我可以話成個療程都好輕鬆好舒服，做到最後一Part，我直情瞓著咗呀!! 瞓醒之後，已經見到自己塊面飽滿咗，輪廓都出咗嚟，素顏都一樣冇問題！ Treatment前嘅我，面部明顯比較圓潤，雙眼眼尾部份比較下垂。 Treatment後嘅我，面部輪廓明顯比較Sharp，雙眼眼尾部份明顯提升番。 CLINICZ的療程總監建議8星期內進行全套療程（共4次）以達至維持長達2年的效果（但療程後勤做補濕，充足休息，可以令療程後效果都可以延續更耐，所以自己都要勤力補濕呀!） CLINICZ相信有效的療程，必須先了解肌膚的真正需要！特設全港獨有的「720 Scan Genius療程專業綜合評估」，讓妳深入了解肌膚及輪廓的提升空間，找出最適合的原美療程。 立即Click  https://goo.gl/eW1skO  登記，率先尊享免費720 Scan Genius療程專業綜合評估 (價值$1,200) CLINICZ 地址：九龍尖沙咀The One 8/F 查詢電話︰2333 0988 官方網站： http://www.clinicz.com.hk Facebook： https://www.facebook.com/cliniczhk/ 微博： ...

第二日行程之一，我哋去咗 浦添市Blue Seal總店的Ice Park裝飾雪糕體驗。呢個活動係一個親子活動，亦可以係情侶拍拖好活動之一。   入到Blue Seal總店，已經好興奮!! 去到Ice Park部份直情好想尖叫，因為有一陣好強烈嘅少女味!! 因為裝潢全部都係用咗Baby色系，Baby Pink、Baby Blue…好靚呀!! 日本真係好多呢種小機械人，仲可以按掣同佢Selfie，佢會擺Pose，超搞笑呀!! 出發Ice Park前記得預先到網上預約 ( http://icepark.blueseal.co.jp ) ，而每日只有5個場次，費用 ¥ 1000/位，而每位10歲以下小童可由1位家長陪同入場，即一個家庭 ¥2 000就可以參與製作。 場次 1️⃣ 10:30am   2️⃣ 2pm   3️⃣ 4pm   4️⃣ 6pm   5️⃣ 8pm 預約方法： 於官網  http://icepark.blueseal.co.jp  右上方「体験予約 Reserve」，就會出現預約情況日期。 到達現場，先到詢問處 (Information) 出示預約證明作登記並付款，完成登記手續就可以進入工作坊了。 工作台下面每人有兩格儲物櫃，可放手袋，而台上會有工作盤。 安頓好之後，職員會派發點單紙及草稿紙。大大張嘅係說明書，日本人超窩心，說明書共有日文、英文及中文版。   和牛B同爸爸正在點菜，要咩形狀嘅雪條 (貓頭、心形、哈哈笑) ? 要邊一種口味嘅雪糕呢? 外層脆皮又要咩口味? 要邊一隻色嘅朱古力筆? 仲有雪條上面嘅裝飾呢。 填寫好點單紙之後，就要去清潔雙手，再開始進行製作。 所有裝飾配料都已經準備好，待職員安排次序就可以出嚟攞。 職員姐姐開始介紹同埋講解製作方法。 三位小朋友到底有冇專心聽書呢? 其實…都唔會聽得明，因為姐姐係講日文嘅。當下令我感到好恩惠，因為和牛B問我「媽咪，姐姐講咩呀?」。 講解過後，會輪...