沖繩親子遊 | 360度觀賞海底世界 x 部瀨名海中公園
沖繩《部瀨名海中公園》係其中一個旅遊景點之一，呢到有海中展望塔、玻璃底遊艇。 而門票亦可分開購買，或者套票 (海中展望塔 + 玻璃底遊艇)。 不過，我哋計劃行程時已決定只去海中展望塔。 因為我哋驚大浪會暈船浪，影響下一個行程。 ^ 海中展望塔 ^ 玻璃底遊艇 另外，一定要睇到最後嘅注意事項哦~ 部瀨名海中公園設有免費停車場，可容納200架車。 從停車場落車後，記得先購票哦~ 購票後，仲需行一段路大概5-10分鐘左右便可到達海中展望塔。 如果唔想行，亦可喺海濱休息室乘坐免費巴士。 海濱休息室 --> 海中展望塔前:（每小時）00分・20分・40分 海中展望塔前 --> 海濱休息室:（每小時）05分・25分・45分 當日天陰大風、大浪! 所以，妹妹有少少驚。 要前往海中展望塔，必須走過呢條長長嘅橋。 放心，橋都算闊可以足夠3-4個人行。 不過，橋比較濕，所以要小心行走。 真係超大風，地下亦有點濕滑，所以要小心行。 同時，亦有機會有海浪打上橋。 到達海中展望塔門口，職員會進行簡單講解及分流進入展望塔。 樓梯係一邊上，一邊落。 行樓梯落去，到達水深5米，設有24個圓形窗可以觀賞海底熱帶魚嘅世界! 入面空間唔算大，不過每個窗口都會有機會見到唔同嘅魚。 觀賞完畢報，沿另一邊樓梯上返去，就可以離開了。 入場費: 海中展望塔 - 成人1,050円, 小童 (4歲以上至初中生) 530円 （海中展望塔＋玻璃底遊艇）套票: 成人2,100円, 小童 (4歲以上至初中生) 1,050円 <注意!> 旅行期間，如計劃當日前往「部瀨名海中公園」前，記得先到官網查閱當日情況! 若海象情況惡劣，當日會臨時關閉。(如下圖) 另外，不建議推BB車，因為過橋位置超級的大風! 而且進入塔樓係全旋轉樓梯超級窄，亦唔會有升降機，所以千祈唔好推BB車! 【沖繩部瀨名海中公園】 地址: 沖繩縣名護市字喜瀨1744-1 Map Code: 206 442 075*11 https://www.busena-marinepark.com/chinese_t/index.html ----------------------------------------------------- 我哋發掘最新、至好玩嘅好去處呀。 https...
