和牛B 的成長日記

和牛B、妹妹由細細個開始，我就教佢哋要愛護動物。 不論係貓、狗、兔仔等及爬蟲類動物，我哋都有教佢哋愛護動物。 平時去貓Cafe、兔Cafe、動物園就比較多，就算香港想睇爬蟲，我哋都有到訪過屯門嘅爬蟲館。 不過，都係隔住塊玻璃先睇到。 今次我就帶咗妹妹去同爬蟲、小動物零距離接觸，同埋認識佢哋。 《My Mini Zoo 小小寵物園》場內有50+ 種動物角色，鬃獅蜥、變色龍、守宮、王者蜥、泰加巨蜥、傘蜥、陸龜、象龜、蟒蛇、粟米蛇、青蛙、牛蛙、樹蛙、鍬形蟲、大兜蟲、竹節蟲、龍貓、兔仔、天竺鼠、甲蟲、葉䗛等。 入場前，大人、小朋友需要穿上鞋套，再洗乾淨雙手後，活動就準備開始了。 整個活動大概1小時15分鐘左右，分為兩部份，第一部份係動物小劇場，由小園長、專業導師以生動演繹、現場動物展示，深入淺出講解小動物嘅習性與故事。 大人小朋友仲可以輕撫小動物或抱住佢哋，整個活動真係同動物零距離。 妹妹對於昆蟲類、爬蟲類就比較抗拒，不過又唔緊要嘅，驚都可以睇下了解下動物。 小園長同其他導師都好有愛心，見到妹妹比較抗拒爬蟲、昆蟲，仲為妹妹特意安排抱抱小倉鼠。 第二部份，就係互動探索時間。 大人、小朋友可以親手餵飼、撫摸、抱抱小動物。 最後仲有自由拍照時間，導師會幫我哋同小動物一齊合照，最後送上一張照片俾我哋，真係好值得紀念呢!!  離場前，小朋友仲可以獲得一次扭蛋機會。 我覺得《My Mini Zoo 小小寵物園》比起平時隔住塊大玻璃以及一大堆文字解說嘅動物園，呢到更加有意思，更能令我哋對小動物有更深認識! 報名及詳情請登入:  https://www.instagram.com/myminizoohk/ 【 My Mini Zoo 小小寵物園 】 地址: 長沙灣永康街79號國際創匯中心16樓F室 ----------------------------------------------------- //快啲加入，和牛媽媽吃喝玩樂whatsapp群~ https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦！ https://www.facebook.com/groups/145854551755966 ----------------...

相信大家平時都會帶小朋友去茶樓或者小舖食點心，今次我哋去呢到，除咗係食點心之外，仲可以打卡。 而且食物仲好好食，我哋都已經嚟左3次啦~~ 呢間點心舖舖頭細細，但都有2個主題。 地下樓層係舊式戲院主題風格，收銀處更係舊式戲院售票處外型。 牆身擺放唔少經典電影海報，真係好懷舊呢!! 上層絕對係小朋友最愛，不過座位就更少。 所以我哋嚟咗第3次，終於可以安排到位置上去食啦~~ 樓上係地鐵主題，成個設計都好似置身喺月台及地鐵車廂內。 真係好特別呀!! 食物方面，都係即叫即蒸。之前都有提及過，我係先後去過2-3次先成功上到樓上坐。 所以食物照片方面，都係幾次加埋嘅相片~ 鴛鴦燒賣，兩樣都想食的話，推介呀! 黑椒牛肚，淋身，唔韌。 黑椒汁牛肉蝴蝶餅，好食呀!!  【 喜煌點心牛肉世家 】 地址: 九龍旺角通菜街17號地舖 //快啲加入，和牛媽媽吃喝玩樂w hatsapp群~ https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦！ https://www.facebook.com/groups/145854551755966 ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyubmami/