和牛B 的成長日記

宜野座道路休息站（道の駅ぎのざ）位於沖繩本島東海岸，距離名護市大約20分鐘車程，鄰近漢那海灘。呢度唔止有便利嘅停車場、乾淨嘅洗手間、地道美食，仲有一大片專為小朋友設計嘅遊樂設施，真係一站式滿足全家大小！如果你帶住小朋友嚟沖繩自駕遊，呢個地方絕對係你行程表上嘅必去之選。 泊好車之後，就見到超大嘅遊樂設施，4層樓高超長滑梯、滑梯組、繩索迷宮、彈跳床、小吊橋與攀爬設施等。 遊樂區域設計得好貼心，唔同年齡層都有適合嘅設施。 爸媽可以坐喺一旁嘅遮陽區睇住小朋友玩，買樽嘢飲坐喺到嘆，真係好Chill。 免費嬉水區，夏天必玩！ 沖繩夏天熱辣辣，宜野座休息站有一個免費開放嘅戲水區 ，真心超消暑呀！ 水質清澈，水深只到腳踝，安全又放心。仲有遮陰設施，唔怕曬傷。 爸媽一定要記得帶多套衫、褲俾小朋友替換，因為佢哋一定會到玩到濕身唔肯走。 室內育兒遊戲室：冷氣開放，細路仔專屬天地 如果你帶住1–4歲嘅小朋友，唔使擔心佢哋玩唔到戶外設施。 宜野座休息站特設冷氣開放嘅室內育兒遊戲室，專為幼兒而設。 軟墊地板，安全又舒適。色彩繽紛嘅玩具同遊具，刺激感官發展。 一位大人陪同免費入場，唔使額外收費。 呢個空間好適合小朋友午睡前放電一下，或者避開中午最熱嘅時段。 休息站仲有沖繩地道料理、咖啡廳、洗手間。 仲有農產品、伴手禮商店，入面有好多沖繩出產嘅新鮮蔬果。價錢仲好親民! ✅ 免費入場，設施多元。 ✅ 停車方便，設有育嬰室。 ✅ 夏天記得帶泳衣、毛巾、替換衣物。 ✅ 建議上午去玩，避開午後高溫。 ✅ 可搭配北部名護景點一齊安排行程。 【沖繩 | 道之駅宜野座道路休息站 (道の駅ぎのざ) 】 地址: 沖繩縣宜野座村字漢那1633 Map Code: 206 204 344*26 鍾意上面嘅行程，就快啲加入你嘅口袋保存，下次去沖繩再計劃哦~ 沖繩旅遊好玩、好吃景點分享。  <美食> [南部] 地道烏冬 x 親民價錢 | 大阪贊岐面乃莊 鶴丸うどん本鋪 - 小祿店   人氣必食沾麵拉麵店 - 追風丸  (近國際通) 地道平民火鍋、壽司放題。《しゃぶ葉》 放題  (晚餐) 三大魚市場之一。系滿魚市場 x 刺身 x 熟食選擇較多 《串家物語》放題自助炸串美食 [ 中部 ] 美國村打卡。好食抵食牛扒半自助餐介紹《Steak House 88》 ...

來了好幾次沖繩，沖繩美食都好多！ 平時我哋喺香港好鍾意掃街文化，食街頭小食，今次我哋就試咗沖繩《串家物語》，今次喉嚨on fire 串家物語係一間主打「炸串吃到飽」的日式餐廳，呢到嘅特色就係「自己動手炸！」，從肉類、海鮮、蔬菜，通通串成一串，讓你親手放進油鍋入面，炸到酥脆金黃。 體驗真係好特別，平時食開打邊爐、鐵板燒，但就真係未試過成個炸鍋喺自己面前。 價錢亦很親民，大人約¥2,500～¥3,000，小朋友就平，3歲以下仲免費！ 不過，帶住年幼小朋友去的話一定! 一定! 一字! 要好好照顧及協助，因為真係一鍋滾油嚟㗎‼️進食前，亦建議先睇睇餐廳提供嘅操作說明。 ^ 店內仲好窩心，提供設備防油彈使用。 餐廳以自助形式，串物款式種類都多，有炸蝦、章魚、雞肉、牛肉、豬肉、鴨胸、香菇、帆立貝、南瓜、香腸、年糕等。 ^ 店長推介，呢個試過好食呀!! 仲有提供炸漿和麵包粉，加埋麵包粉去炸，仲好食！ 亦有不同嘅醬汁，隨個人口味沾。 食物除咗炸串，仲沙律吧、咖哩飯、炒麵、茶泡飯和甜點區。甜點有蛋糕、果凍、雪糕。吃完鹹，再食甜真係好完美呀！ 飲品自助吧 呢個體驗唔錯，不過就真係好熱氣呀~ 【沖繩《串家物語》】 地址: 〒901-0225 沖縄県豊見城市豊崎3-35 3樓 Map Code: 232 543 400*25  鍾意上面嘅行程，就快啲加入你嘅口袋保存，下次去沖繩再計劃哦~ 沖繩旅遊好玩、好吃景點分享。  <美食> [南部] 地道烏冬 x 親民價錢 | 大阪贊岐面乃莊 鶴丸うどん本鋪 - 小祿店   人氣必食沾麵拉麵店 - 追風丸  (近國際通) 地道平民火鍋、壽司放題。《しゃぶ葉》 放題  (晚餐) 三大魚市場之一。系滿魚市場 x 刺身 x 熟食選擇較多 《串家物語》放題自助炸串美食 [ 中部 ] 美國村打卡。好食抵食牛扒半自助餐介紹《Steak House 88》 燒肉きんぐ x CP值超高烤肉店 x 幼兒免費  (近美國村分店) Beef Rush  扒房放題 ( Parco City) 風味地道美食 x 刺身熟食市場。泊港漁市場 [ 北部 ] 百年古家 阿古豬 和風塔塔米炭爐烤肉 x 抵食CP值高。七輪安安烤肉  (名護分店) <景點 + 玩樂> [ 南部 ...