和牛B 的成長日記

每一次嚟到日本或沖繩，必定要到烤肉店! 因為 日本和牛特別好食，特別香，價錢都合理! 而相信大家去到沖繩，一定會諗到「琉球之牛」，但係佢係極之難Book，要預早至少3個月前先預訂到之餘，價錢亦相對較貴。所以，我哋今次就試下其他烤肉店，對我哋試咗七輪安安，性價比都高，不過還有其他烤肉店選擇，今次跟行程走，我哋揀咗「燒肉きんぐ 」(燒肉King)。 亦於出發前，大概一至兩星期前，上網進行預約。 網上預約:  https://www.yakiniku-king.jp/shop/238 「 燒肉きんぐ 」同樣都係連鎖式烤肉店，性價比都高，抵食、好食之選! 餐廳以放題形式，有幾個唔同放題套餐，可選定其中一款。 最低嘅放題套餐2,880円~/成人(税込3,168円~=約港幣$171~) ， 幼兒免費，小學生半價，60歲或以上平500 円。 以晚餐烤肉放題，真係超級抵食!! 當日仲要好好彩，被安排坐窗邊位置，當晚仲有美國村煙花!! *美國村逢星期六晚上8時會放煙花 真係超正，超有氣氛呀!! 食物種類方面都多，有豬、牛、國產牛、雞、海鮮、麵、湯、甜品(蛋糕、啫喱、雪糕等)、韓式石燒、飯類、炸物、沙律、泡菜、兒童餐等。 食物選擇太多，我哋當日都未試晒全部款!! 因為真心大滿足呀!! 而肉類亦有分為原味即冇加調味，或加上不同調味的肉類。 上菜速度亦相當快，下單大概5分鐘內就送到! 超有效率呀! 最正就係有個Camping系列，有得燒棉花糖仲加埋朱古力醬!!! Encore Encore!! 真心抵食又好食，下一次再去沖繩都要再去!!! 【燒肉きんぐ 北谷店】 地址: 沖縄県中頭郡北谷町字伊平2-3-5 營業時間: 星期一至五: 17:00 - 24:00 (最終入店23:00) 星期六、日: 11:00 - 24:00 (最終入店23:00) 建議提早預約: https://www.yakiniku-king.jp/shop/238 ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubmami/ https://www.youtube.com/@ Wagyu...

沖繩必到景點之一沖繩世界文化王國入面嘅「玉泉洞」，從珊瑚礁誕生嘅鐘乳洞，係歷經咗30萬年歲月所形成，絕對係唯美嘅自然雕刻博物館。 「玉泉洞」全長5千公尺，係日本第二長嘅鐘乳洞，入面有鐘乳石、石筍、石柱數量多達一百萬根以上! 其實對上八月份暑假都想嚟參觀，但從朋友分享洞內比較焗。 所以，這次三月份嚟到沖繩，天氣有少少涼，我哋就決定來一趟! 但估唔到三月份...天氣涼，但係洞入面都係有焗促感覺。 我哋大概45分鐘才完成整個行程離開玉泉洞，最尾焗到有少少窒息。 不過要注意嘅係，進入洞前先通過一條長樓梯(濕滑的)。 而洞入面比較黑、地面濕滑、樓梯較多、亦比較焗促。 部份路段亦比較狹窄，不方便推BB車。 中間亦不設中途離場，亦沒有洗手間。 接近最後的50米，焗促的程度我有點窒息的感覺。 所以暑假到訪沖繩的話，要考慮到熱及焗這個因素哦。 沖繩世界 - 文化王國入面其實都多嘢睇，不過我哋行程上只安排去玉泉洞參觀。 入面仲有毒蛇博物公園、當地傳統表演、手工藝等。 【 網上優惠 】即買即用 KKday門票優惠 - 低至$52 (小童$52/人, 成人$104/人) https://www.kkday.com/zh-hk/product/156531?cid=14923 Trip.com門票優惠 - 小童$52.32/人, 成人$96.95/人 https://hk.trip.com/travel-guide/attraction/nanjo/okinawa-world-18560588/?Allianceid=3877272&SID=22746045&trip_sub1=&trip_sub3=D3174957 *4歲或以下兒童免費入場 【 沖繩世界文化王國 】 Map Code：232 495 330*28 地址：沖縄縣南城市玉城前川1336 營業時間：09:00–17:30 (周一至周日) 官網： https://www.gyokusendo.co.jp/okinawaworld/ ----------------------------------------------------- 我哋發掘最新、至好玩嘅好去處呀。 https://www.facebook.com/ 80smami/ http://www.instagram.com/ wagyubma...

深圳景點其實都算多，今次我哋用一日時間去環遊世界!  講梗係去咗深圳著名景點「深圳世界之窗」呀!! 大人細路都好開心，因為好多地方影相打卡，仲有機動遊戲玩!  兩個女第一次環遊世界，仲可以見識到迷你版世界各地景點 ! 如:  法國巴黎鐵塔、 印度泰姬陵、埃及金字塔、意大利比薩斜塔等。 但係千祈唔好以為行程只有微縮版世界名勝打卡景點，其實場內仲有好多適合親子、情侶嘅設施。如: 兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、阿爾卑斯冰雪世界等。 深圳世界之窗佔地48萬平方米，場內分為8大區域，包括: 世界廣場、亞洲區、美洲區、非洲區、大洋洲區、歐洲區、雕塑園及國際區，總共超過130個景點及遊樂設施！ 其實一日有少少走馬看花，真心推薦，不過四月天氣已經開始熱。 但仍有計劃前往，最緊要記得帶風扇仔、遮、帽，搽防曬及蚊怕水。 另外，園區入面仲設有中大型玩水設施「恐龍水上世界」(暫時未開放)，所以再熱啲入嚟玩，係可以玩埋水。 *記得帶備毛巾、替換衣物呀 剛才都有提及，場內設有兒童遊樂場、機動遊戲 (旋轉咖啡杯、激流衝浪、過山車、碰碰車等)、觀光小火車、觀光吊車、巡遊表演、 阿爾卑斯冰雪世界 等。 ^ 巡遊表演 當中機動遊戲，有部份是免費有部份是需額外付費。 機動遊戲、玩樂設施:  空中花園遊覽車 ── 360度俯瞰歐洲區景色 必玩項目之一，可以從高空欣賞園區內部份景點。 斯巴達勇士訓練營 (兒童遊樂場, 公園) 此區遊玩設施都多，都超級放電! 追夢樂園 (旋轉木馬) 穿越歐羅巴 (觀光小火車) 沿路軌穿梳景區，遊覽風景，每節大概10-15分鐘。 暹羆小飛象 (旋轉咖啡杯) 米開朗琪羅奇遇 (乘車射槍遊戲)  入面場景以童話故事為主，都係好童趣可愛~ 碰碰車 (付費) 水上單車 (有腳踏船或電動款可選，付費項目) 阿爾卑斯冰雪世界 (額外付費項目) 除以上遊戲之外，仲有超刺淘激流大峽谷(14米高空俯衝)，刺激之餘一定濕身，及 馬丘比丘迷城合家歡過山車等。 深圳世界之窗係位於深圳南山區華僑城，由香港出發而家都有幾個方法前往。 只要搭乘深圳地鐵，都能馬上直達，非常方便! 1. 港鐵羅湖站，過關後轉乘深圳地鐵1號線，於「世界之窗」站下車，J出口一出就係世界之窗正門口。 2. 港鐵落馬洲站...