和牛B 的成長日記

38週5嘅早上，二寶終於出世啦~~ 轉眼間嚟到38週4嘅晚上，我有規律性嘅陣痛。覺得肚底抽住痛一陣，一個鐘頭每隔15分鐘就痛一痛。所以，老公就陪我入醫院待産了。 好彩我哋搭的士，而唔選擇揸車。 而家雖然係疫症期間，其實我間中陣痛，都好需要有老公依靠。 入到醫院，首先要到臨時區探熱量體溫。 然後拎住入院嘅VIP卡，直踩上B4産房做分流登記。 咁呢個時候，老公同平時一樣都係唔入得去住。太太入去産房做分流留、檢查、登記。 疫症期間，所以姑娘會問得比較詳細，例如有無離開香港、去過中國或者其他地方，有無發燒、傷風咳嘅症狀等。 然後就進行一般檢查，例如磅重，瞓上床聽BB心跳、度肚、摸肚。 姑娘整理排版同時，都做埋入院用文件，等老公同步去辦理入院手續。 完成入院手續，拎埋排版。就可以去産前病房，疫症期間老公只可以陪我去到病房門口，就要將行李交俾姑娘，姑娘幫手拎。 ^ 待產嘅產前病房…難捱嘅陣痛正式開始!! 而我就開始孤身生b大作戰了！以前無疫症，基本上都入到産房，一般情況下老公都可以嚟陪産。 但疫症爆發下，政府醫院 取消 咗陪産。 而我喺産前病房，為保障自己安全健康，都需要戴口罩。 無論陣痛幾痛都好，我哋都要戴住口罩。 生二寶，痛嘅速度都快咗，痛到大概4點幾5點穿水，搞完一輪上産房催生。 其實我已經好攰，亦覺得無力好痛。 同上胎一樣，帶住行李坐輪椅，有姑娘推住。所以行李真係盡量輕便，就會方便啲。特別係，而家疫症嘅時勢。 上到産房，由於我一穿水就喺産前病房，將所有胸圍除去，換上紫色手術袍。所以上到産房除咗底褲、m巾就可以直接瞓上床，等生。 重點嚟啦，仲戴住口罩，咁QE仲有無笑氣㗎？ 答案係， 仲有笑氣，放題任吸。 但産婦要 戴住口罩咁吸 ，我覺得係比起上胎用更大嘅力去吸先吸到笑氣。 今胎，疫症期間 老公無得陪産 。所以，幾痛都要獨力承受，好想揾個人依靠、搣、扭、鬧都無。 所以，今胎陣痛一痛除咗碌、吸笑氣、大嗌。 ^ 孤身作戰…不過明白老公都好唔開心!  生完之後，醫院無減BB同媽媽合照呢部份。為咗見證呢次疫症生b，我口罩都唔除，影低呢一刻啦！ 然後，産後大家都一定想知探病呢？ 答案係， 無嘅 。 成間醫院，已經取消所有探病時間。如果有物資想要

上篇分享咗喺「迪士尼探索家度假酒店」嘅好玩設施同埋3間酒店入面超充實嘅康樂活動。 今篇會介紹一下香港迪士尼樂園嘅「奇妙年年」新春活動，以及餐飲方面嘅分享。 和牛B係高飛迷，所以一定唔會錯過「財神高飛」見面活動。 財神高飛會喺會客室同大家見面，如果都想同高飛影相留念，就要留意返當日嘅見面時間。 美國小鎮大街都有唔少新春裝飾 場內演藝人員仲會拎住賀年影相道具俾遊客影相留念~ 公主們必影嘅魔雪奇緣Elsa & Anna仲有Olaf，會喺夢想花園同大家見面。 但由於Elsa & Anna實在太多粉絲啦，如果想影一定要預早至少30分鐘去排隊呀!! 夜晚仲有一場賀年版嘅「We Love Mickey!大街投影盛演」 最近仲新開咗雪糕店~~有三種口味: 特濃朱古力、牛奶味、朱古力牛奶味( 雙色)。每支$45 去到迪士尼樂園，當然要問演藝人員收集貼紙啦~ 今次新年貼紙，一套4款，快啲儲齊佢啦~ 當小揮春咁貼，都好靚呀!! 酒店餐飲 位於「迪士尼探索家度假酒店」仲有一間蛋糕店，好適合慶祝生日呢~蛋糕款式都好靚!! 而我哋今次酒店住宿，價錢係無包餐飲，所以當日我哋好多餐都係喺酒店到食。 享用唔到新優惠，其實淨係餐飲費都幾貴呢... 重提一次，最新【迪士尼酒店「食、住」歎優惠套票*】  香港居民只需於1月17日至2月13日預訂優惠套票，即可以低至港幣$1,190入住迪士尼荷里活酒店或香港迪士尼樂園酒店標準客房一晚* 盡享$300酒店餐飲消費額！ https://x.hkdl.hk/2tn2kdj  *入住日期為1月18日至3月31日，優惠受條款及細則約束  ** 部份活動另需額外收費，日子詳情可向演藝人員查詢 較為平嘅餐飲選擇「星航圖咖啡廳」，我哋喺呢到食咗2餐 (晚餐及早餐)，係Food Court形式。先買後取，自己搵位嘅。 ^ 晚餐餐牌 ^ 兒童餐及雞翼 ^ 早餐餐牌 ^ 我哋點咗2份中式早餐 而星航圖咖啡廳亦有甜點、蛋糕出售，造型都好可愛。 「雲龍軒」自助餐 芊彩餐廳 「夢想家小店」係出售精美朱古力為主，好適合買手信、紀念品。 迪士尼探索家度假酒店入面嘅精品店，入面仲有探索家限定款嘅米奇及好友公仔出售。 ^ 迪士尼探索家度假酒店先有嘅限定款式 ^ 新春賀年風車頭箍 同日午餐，我哋去咗「香港迪士尼樂園酒店」入面嘅「昌荷軒」食中餐。 因為呢到最吸引嘅，就係有迪